воен авион – Kurir.mk

Тројца маринци загинаа, а 23 се повредени при падот на американски воен авион

Ивона Петрова — Sun, 27 Aug 2023 10:35:26 +0000

Тројца американски маринци загинаа, а 23 се повредени во урнувањето на американскиот воен авион Ви-22 Оспреј“ (V-22 Osprey) во океан на 60 километри од градот Дарвин во северна Австралија за време на заеднички воени вежби меѓу двете земји. Петмина повредени со хеликоптер се пренесени во болница. Несреќата се случила на островот Мелвил, дел од архипелагот Тиви, а австралиското Министерство за одбрана прецизираше дека во авионот имало само американски воен персонал. Засега не е утврдена причината за авионската несреќа, која австралискиот премиер Ентони Албанезе ја нарече трагичен инцидент.

Американски воен авион се урна за време на вежба, повредени се 23 маринци

Ивона Петрова — Sun, 27 Aug 2023 09:01:01 +0000

Американски воен авион се урна денеска во северна Австралија за време на заеднички воени вежби меѓу двете земји. Повредени се 23 американски маринци, од кои еден е во критична состојба, јавија светските агенции, повикувајќи се на австралиските власти. Телевизијата „Скај њуз Австралија“ објави дека авионот Ви-22 Оспреј“ (V-22 Osprey) со околу 20 американски маринци се урнал северно од Дарвин, главниот град на регионот Северна Територија. Несреќата се случила на островот Мелвил, дел од архипелагот Тиви, а австралиското Министерство за одбрана прецизираше дека во авионот имало само американски воен персонал. Првично беше соопштено дека нема жртви. Австралиската полиција подоцна објави дека во инцидентот биле повредени 23 американски маринци. Пет од нив со хеликоптер се префрлени во болница. Еден од хоспитализираните е во критична состојба. Засега не е утврдена причината за авионската несреќа, која австралискиот премиер Ентони Албанезе ја нарече трагичен инцидент.

Се урна воен авион во западниот дел на Русија

Ивана Ефремовски — Thu, 23 Feb 2023 10:46:58 +0000

Авион на Министерството за одбрана на Русија се урна во западниот регион Белгород, соопштија денеска локалните власти. „Авионот на Министерството за одбрана се урна во областа Валујски. Сега на самото место работи истражен тим и вработени во Министерството за вонредни состојби“, објави на Телеграм гувернерот Вјачеслав Гладков. Гладков нагласи дека ситуацијата е под контрола, а причината за инцидентот се истражува. Повикувајќи се на полициски извори, руската државна новинска агенција ТАСС објави дека пилотот се катапултирал пред несреќата. (МИА)

Успешен лет на воен авион со масло за јадење како гориво

Тале Кристо — Mon, 21 Nov 2022 14:57:43 +0000

Британските Кралски воздухопловни сили (РАФ) успешно го завршија пробниот лет на огромен воен транспортен авион којшто користел масло за јадење како гориво, објави „Кликс“. Имено, РАФ го одржа летот користејќи 100 отсто одржливо воздухопловно гориво (САФ), што е првпат во историјата на Обединетото Кралство за каков било авион. Тестот ја користеше воената верзија на „Ербас А-330“ – „РАФ Војаџер“, којшто леташе над Оксфордшир, отворајќи нови можности за иднината на воените и цивилните авиони. САФ се произведува од одржливи суровини, како што е искористено масло за јадење, а испуштањето јаглерод е до 80 отсто помало во споредба со конвенционалното млазно гориво. Целта е да се намали зависноста на РАФ од светските синџири за снабдување со гориво, да се зголеми оперативната еластичност и да се намали нејзиниот јаглероден остаток. – Тие треба да бидат горди на ова достигнување. Ова е голем чекор напред за РАФ, како и за Министерството за одбрана. Велика Британија го предводи патот во развојот на идните оперативни способности во светот погоден од климатските промени, рече британската министерката за одбрана, Анабел Голди. Пробниот лет траел 90 минути, а имало и симулација на полнење гориво во воздухот. Велика Британија цели кон нула нето-емисии на јаглерод до 2050 година.

Американски воени авиони денеска ќе прелетуваат над Скопје

Ивона Петрова — Mon, 22 Aug 2022 05:46:14 +0000

Воздухопловните сили на САД во Европа и Африка денеска во 14:35 часот ќе извршат прелети над Скопје со два воени воздухоплови од типот Б52. Прелетите на воздухопловите, како што информираа од Министерството за одбрана, ќе го демонстрираат силното сојузништво на НАТО и претставуваат гарант за целата Евроатланска област, вклучувајќи ја и Северна Македонија. -Со цел да ја прикажат посветеноста и гаранцијата на сигурноста кон балканските сојузници и партнери на НАТО, Воздухопловните сили на САД во текот на денот освен над македонското небо ќе извршат прелети и над Хрватска, Црна Гора и Албанија, појаснуваат од МО.

Воен авион се урна во јужна Калифорнија

Ивона Петрова — Thu, 09 Jun 2022 05:34:27 +0000

Воен авион се урна во јужна Калифорнија, соопшти портпарол на американската морнарица но не кажа ништо за евентуални жртви. Во исто време, американската армија ги демантираше информациите во некои медиуми дека авионот превезувал радиоактивен материјал кога се урнал кај Гламис, на 35 километри од границата со Мексико. – Можеме да потврдиме дека авион на американската морнарица се урна во близина на Гламис, рече портпаролот. – Воени и цивилни спасувачки тимови се на местото на несреќата. Авионот не превезувал радиоактивен материјал, како што можеше да се прочита на социјалните мрежи, додаде тој. Воената база на морнарицата, која се наоѓа недалеку од местото на несреќата во Јума, Аризона, има голем број авиони MV-22 Osprey со вертикално полетување. Војската на САД веќе имаше неколку несреќи со овој модел на авион, вклучително и на вежбата на НАТО во Норвешка во март, во која загинаа четири лица.

Во Калифорнија се урна воен авион на американската морнарица, загина пилотот

Ивана Ефремовски — Sat, 04 Jun 2022 09:33:50 +0000

Воен авион на американската морнарица се урна во пустината Мохаве во југозападна Калифорнија. Пилотот загинал, јавуваат агенциите, повикувајќи се на властите. Авион Ф/А-18Е „Супер Хорнет“ од поморската воздухопловна база во Лимор се урна во областа Трона – населба во пустината Мохаве, округот Сан Бернардино, соопшти американската морнарица. Никој на земјата не е повреден. Идентитетот на пилотот и детали за падот се уште не се откриени. Во Лимор се стационирани две воздушни единици на американското воено воздухопловство со вкупно 16 оперативни ескадрили. Во октомври минатата година, се урна ловец „Супер Хорнет“, овој пат од поморската воздухопловна база на Кинеското езеро. Имаше уште еден таков случај во 2020 година, повторно со авион од овој тип од Лимор. Во овие две несреќи за време на тренинг летови, пилотите можеа безбедно да се катапултираат. (МИА)

Воен транспортен авион се урна во јужна Украина, има жртви

Магдалена Андонова — Fri, 22 Apr 2022 09:17:03 +0000

Украински авион се урна за време на „технички лет“ во јужна Украина и има жртви, соопштија локалните власти. Авионот АН-26, воен транспортен авион управуван од украинските вооружени сили, се урна утрово во областа Вилнија во регионот Запорожје, соопшти регионалната воена управа на Запорожје. Околностите за несреќата се проверуваат и повеќе информации ќе има подоцна, додаваат властите. (МИА)

СЕ ОБИДЕЛЕ ДА ИЗБЕГААТ: Над Узбекистан урнат авганистански воен авион, пилотите го преживеале падот

Тале Кристо — Mon, 16 Aug 2021 14:24:36 +0000

Министерството за одбрана на Узбекистан потврди дека собори авганистански воен авион. Министерството прво објави дека авганистански воен авион се урнал во регионот Сурксондарио, а потоа дообјасни дека авионот е урнат бидејќи се обидел да влезе во узбекистанскиот воздушен простор без дозвола. Двајца авганистански пилоти ја преживеале несреќата, но биле повредени и пренесени во болница, објавија руските медиуми. Се верува дека тие се обиделе да побегнат од Авганистан откако престолнината на земјата беше преземена од талибанците.

Сведоштва на мештаните за урнатиот авион: Звуците беа ужасни, избегнуваа да паднат врз куќите

Ивона Петрова — Fri, 25 Sep 2020 09:23:04 +0000

По падот на воениот авион кај Мал Зворник, српските медиуми објавуваат први изјави од локалните жители и нивни сведоштва за тоа што се случувало. Според првичните и се уште неофицијални информации, еден пилот го загубил животот, додека по вториот се трага. -Видов чад, се исплашив. Авионот како да викаше додека паѓаше. Изгледаше како да бараат чистина каде да слетаат ги избегнуваа куќите. Звукот беше ужасен, изјавил повозрасна жителка на Брасин. -Мислам дека падна околу 9:20 утринава, видов од тераса дека паѓаше како во шума. Ова е страшно, уште не можам да си дојдам на себе. Слушнав дека бараат пилот, изјавил друга жителка.