воен хеликоптер – Kurir.mk

Ужас во Азербејџан: 14 лица загинаа по урнување на воен хеликоптер

Ивана Ефремовски — Tue, 30 Nov 2021 12:55:35 +0000

Воен хеликоптер се урна во Азербејџан, при што загинаа 14 лица, а двајца се повредени, соопшти денеска Државната гранична служба. Како што се наведува, авионот на таа служба се урнал на полигонот Гарагејбат во регионот Сизин, пренесува РИА Новости. (МИА)

Трагедија во Турција: Девет војници загинаа, а четворица се повредени откако се урна воен хеликоптер

Ивана Ефремовски — Thu, 04 Mar 2021 17:21:24 +0000

Девет војници загинаа, а четворица се повредени кога воен хеликоптер се урна во источниот дел на Турција, соопшти денеска турското Министерство за одбрана. Хеликоптерот се урна во градот Татван во провинцијата Битлис, каде Курдите сочинуваат мнозинство од населението. Повредените војници се веднаш пренесени в болница. Причината за несреќата се уште не е позната. Хеликоптерот патувал кон Татван од блиската провинција Бингол кога исчезнал од радарите.

Пронајдено телото на вториот пилот од урнатиот воен хеликоптер во Хрватска

Ивона Петрова — Tue, 28 Jan 2020 10:32:40 +0000

Во Зларинскиот канал, во Јадранско море, пронајдено е и телото на вториот пилот на воениот хеликоптер кој се урна вчера на хрватскиот остров. Претходно, во текот на вчерашниот ден беше пронајдено едно тело, кого спасувачите околу пладне го извлекле од морето. Во потрагата беа вклучени седум бродови и хеликоптер, а во вечерните часови и подморница на Хрватската воена морнарица, како и оперативните служби на Министерството за внатрешни работи. До падот на хеликоптерот Kiowa ОХ-58 дојде за време на тренажен лет, кој почнал околу 10.30 часот. Хеликоптерот се урна половина час по полетувањето. Хрватското Министерство за одбрана вчера информира дека се преземаат сите мерки и активности со цел пронаоѓање и спасување на екипажот. На прес-конференција беше посочено дека не е позната причината за падот на хеликоптерот. Началникот на главниот штаб Мирко Шундов рече дека сите летови со хеликоптери од тој тип ќе бидат прекинати, се додека не се дознае причината за несреќата.

Командантот на Хрватското воено воздухопловство Михаел Крижанец рече дека хеликоптерот летал на мала височина од непознати причини и се урнал. Според него, другиот хеликоптер со кој заедно летале останал на местото на настанот, а екипажот повикал помош.

Крижанец додаде дека хеликоптерот што падна во морето е произведен во 2011 година со вкупно време на летање од 520 часа од годината на производство. Хрватска на крајот на 2016 година набави 16 хеликоптери Kiowa, донација од САД. Тие беа произведени од 2010 до 2012 година.

Загинаа пилот и навигатор во пад на руски воен хеликоптер „МИ-28“

Ивона Петрова — Thu, 12 Dec 2019 06:58:38 +0000

Пилот и навигатор погинаа во пад на руски хеликоптер „МИ-28“ во близина на аеродромот Коренсков, во регионот Краснодар, соопшти руското Министерство за одбрана. Командата на руските одбранбени воздухопловни сили упатила комисија не местото на несреќата, се наведува во соопштението на министерството, пренесено од Тасс. Летот на хеликоптерот се изведувал во тешки метеоролошки услови. Министерството за одбрана соопшти дела хеликоптерот во текот на летот не носел муниција.

Две жртви откако се урна американски воен хеликоптер во Авганистан

Ивона Петрова — Wed, 20 Nov 2019 08:22:12 +0000

Двајца американски војници загинаа денеска кога нивниот хеликоптер се урна во Авганистан, соопштија американската војска, без да дадат детали. Талибанците тврдат дека тие го урнале хеликоптерот. Во краткото соопштение на американската армија се вели дека е покрената истрага, истакнувајќи дека првичните извештаи не укажуваат дека во прашање е непријателски оган. Талибанците тврдат дека собориле хеликоптер „Чинук“ во источната провинција Логар и дека има „многу жртви“. Авганистанското Министерство за одбрана, ги негираше наводите за вмешаност на Талибанците. Оваа година 19 американски војници беа убиени во Авганистан, додека повеќе од 2.400 Американци загинале во речиси 18-годишната војна.

Дедо Мраз ќе пристигне со воен хеликоптер

Ивона Петрова — Fri, 21 Dec 2018 13:30:29 +0000

Во касарната „Страшо Пинџур“ утре ќе биде реализирана традиционалната предновогодишна активност „Пристигнување на Дедо Мраз со транспортен воен хеликоптер“, што е организирана од страна на воздухопловната бригада на Армијата на Република Македонија. На церемонијата Дедо Мраз ќе подели новогодишни пакетчиња на децата од загинатите и починати припадници на воздухопловната бригада, како и на деца на припадници од бригадата и останатите команди и единици на АРМ и Министерството за одбрана.