воена опрема – Kurir.mk

Германскиот извоз на воена опрема во Украина е четири пати поголем од минатата година

Ивона Петрова — Mon, 02 Oct 2023 14:33:13 +0000

Германскиот извоз на воена опрема во Украина од јануари до септември е четири пати поголем во однос на истиот период минатата година, соопшти денеска германското Министерство за економија. За девет месеци од годинава Германија извезла воена опрема со вкупна вредност од 8,76 милијарди евра, а вредноста на извозот во Украина е 3,3 милијарди евра. Во истиот период од 2022 година, Берлин извезол воена опрема во Украина за 775 милиони евра. Киев во моментов е најголемиот увозник на воена опрема од Германија. На второ место е Унгарија која годинава увезла воена опрема од Германија за 1,03 милијарди евра, а на трето се САД со увоз вреден 467 милиони евра.

Почнува најголемиот саем за воена опрема во Абу Даби

Тале Кристо — Mon, 20 Feb 2023 06:44:10 +0000

Од 20 до 24 февруари Обединетите Арапски Емирати и градот Абу Даби ќе бидат домаќини на шеснаесеттата меѓународна изложба на оружје и воена опрема „IDEX 2023“ и седмото издание на Поморската воена изложба“ NAVDEX 2023“ - најголемите настани од таков вид во светот, каде се прикажуваат најновите иновации и технологии во меѓународниот одбранбен сектор, како и најновите технологии и опрема развиени од одбранбените сектори ширум светот. Во петте саемски дена ќе бидат претставени експонати на 165.000 квадратни метри отворен и затворен простор во рамките на Националниот изложбен простор. Ќе учествуваат 1.350 излагачи од 65 земји, како и 82 старт-ап компании од 25 земји, најавија организаторите. На настанот ќе присуствуваат 350 делегации на високо ниво од целиот свет, како и бројни лидери, претставници од меѓународни одбранбени и безбедносни компании и експерти од целиот свет. Организаторите проценуваат дека ќе има повеќе од 130.000 посетители, со што ќе се урне рекордот од претходното издание на саемот. Повеќе од 30 земји ќе имаат свои национални павилјони, а традиционално најголем павилјон ќе бидат Обединетите Арапски Емирати, додека Турција е веднаш зад нив.

Бугарија сe уште не испратила воена и воено-техничка поддршка за Украина

Дарко Андоновски — Fri, 23 Dec 2022 10:06:30 +0000

Бугарија сe уште не испратила воена и воено-техничка поддршка за Украина. Toа на прес-конференција во Министерството за одбрана го објасни заменик-министерката за одбрана на Бугарија, Катерина Граматикова. Изјавата беше по спекулациите во медиумите дека државата испратила оружје пред Законот за ратификација на Договорот меѓу министерствата за одбрана на Бугарија и Украина за бесплатното обезбедување на вооружување, опрема и муниција, јави БТА. „По повод загриженоста на јавноста дека Националното собрание ќе биде изолирано од обезбедувањето дополнителна дополнителна помош за Украина, Министерството за одбрана подготви амандман на договорот“, објави Граматикова. Таа објасни дека со текстот на договорот беше надмината правна празнина во бугарското законодавство и создаден е правен предуслов државата да може да го реализира. Во денешниот број на Државен весник е објавен законот.

Киев: Изгубивме околу половина од нашата воена опрема

Тале Кристо — Sat, 18 Jun 2022 09:21:26 +0000

Вооружените сили на Украина загубија околу половина од својата воена опрема за време на борбите, изјави заменикот-министер за одбрана Володимир Карпенко. – Зборувам само за тешко вооружување. Денеска имаме околу 30-40 отсто, а понекогаш и до 50 отсто од загубата на опрема како резултат на активни битки. Значи изгубивме околу 50 отсто, беше цитиран Карпенко од украинското издание Лига, пренесуваат западни медиуми. – Имаме загуба од околу 1.300 пешадиски борбени возила, 400 тенкови и 700 артилериски системи, рече Карпенко, додавајќи дека испораките на оружје од западните земји покриваат до 15 отсто од потребите на Украина. – Ни треба артилерија, потребна ни е артилериска муниција, борбени возила за пешадија, борбени возила, тенкови. Навистина ни требаат системи за противвоздушна одбрана и ракетни гранати, рече тој. Според него, вооружените сили на Украина мора да надополнат 700 артилериски системи кои биле уништени во битки, а само 100 такви системи добиле од Запад.

Презентација на воена опрема во Неготино

Ивона Петрова — Wed, 18 May 2022 05:34:09 +0000

На спортскиот комплекс во Неготино денеска од 16 до 18 часот, ќе се реализира отворена презентација на средства и опрема на Армиите кои учествуваат на големата меѓународна воена вежба „Swift Response 22 “. Граѓаните на Неготино и околнината ќе имаат можност да се запознаат со дел од воените возила, вооружување и опрема кои се користат од страна на армиите кои учествуваат на оваа најголема досега изведена вежба во Република Северна Македонија. Покрај презентацијата, присутните ќе имаат можност преку директна комуникација со армиските припадници поблиску да се запознаат со карактеристиките на средствата, постапките и процедурите кои ги извршуваат армиските припадници и да се фотографираат со истите. Вежбата „Swift Response 22“ која се уште е во тек, е досега и единствена од осамостојувањето на државата во која се реализираа воздушни десанти во поголем обем. Во вежбовните активности кои се изведуваат во Република Северна Македонија учествуваа армиите на САД, Обединетото Кралство, Франција, Италија, Црна Гора, Грција, Албанија и Република Северна Македонија. За време на изведување на вежбата, покрај големиот број комбинирани вежбовни активности во воздух и на копно се спроведоа и повеќе активности од цивилно воена соработка, меѓу кои беше и приказот на воздухоплови на спортскиот аеродром Стенковец, кој се одржа на 8 мај, како и претходно изведениот заеднички концерт на припадници од воените оркестри на Армијата на Република Северна Македонија и Армијата на САД за Европа и Африка.

Варшава му доставила на Киев воена опрема од седум милијарди долари

Дарко Андоновски — Wed, 04 May 2022 14:34:25 +0000

Од почетокот на конфликтот во Украина, Варшава го снабдила Киев со воена опрема во вредност од околу седум милијарди долари, јавија полските медиуми. Во исто време, Полска долго време зазема една од најсилните позиции против Москва и е главен поддржувач на вооружувањето на Украина, пишува Милитари Воч Магазин (Military Watch Magazine). Киев од својот сосед наводно, добил 200 тенкови Т-72, неколку артилериски системи Гвоздика, ракетни фрлачи Град и ракети компатибилни со ловците МиГ-29 и Су-27 на украинските воздухопловни сили.

Се урна руски авион со воена опрема, загина екипажот

Тале Кристо — Thu, 24 Feb 2022 20:30:29 +0000

Авион АН 26 се урна во регионот Воронеж, при што загинаа членови на екипажот. Авионот превезувал воена опрема. Според првите информации, причина за падот е дефект на леталото, а на лице место е испратена комисија која ќе спроведе истрага.

Русија објави снимка од повлекување на војници и опрема

Ивона Петрова — Thu, 17 Feb 2022 06:54:26 +0000

Руското Министерство за одбрана денеска објави видео на кое се гледа како војници и воена опрема на тенковската армија на Западниот воен округ се враќаат во своите бази по завршените воени вежби. Руското Министерство соопшти дека тенковите и оклопните возила ќе поминат околу 1.000 километри со железница. Западните земји вчера предупредија за зголеменото руско воено присуство на границите на Украина, што, како што тврдат, е спротивно на тврдењето на Москва за повлекување на војниците.

Германската Влада ќе купи акции во производителот на воена опрема Хенсолдт

Тале Кристо — Wed, 16 Dec 2020 14:12:09 +0000

Германската Вада одлучи да купи 25,1 отсто акции во висина од 464 милиони евра во производителот на воена опрема Хенсолдт, со цел да блокира странски купувач. Хенсолдт претходно беше во составот на европскиот концерн Ербас, а произведув камери опремени со најсовремена технологија, што се вградуваат во воените авиои Торнадо, потоа за радарски системи за Еурофајтер и за перископите за тенковите Леопард. Американската инвестициска компанија ККР го купи Хенсолдт во 2016 година, а годинава задржа 60 проценти од акциите.