воена помош – Kurir.mk

Германија издвојува уште 400 милиони евра за воена помош за Украина

Тале Кристо — Mon, 18 Sep 2023 20:38:26 +0000

Германија подготви нов пакет воена помош за Украина во вредност од 400 милиони евра, но сè уште не одлучила за испорака на ракетите со долг дострел Таурус на кои инсистира Киев, изјави денеска германскиот министер за одбрана Борис Писториус. Тој за весникот „Билд“ рече дека новиот пакет помош вклучува различни видови муниција бидејќи тоа „ѝ е најпотребно на Украина“. - Владата сè уште не одлучила дали ќе испрати крстосувачки ракети Таурус, додаде Писториус.

Германија најави пакет воена помош од 700 милиони евра за Украина

Тале Кристо — Tue, 11 Jul 2023 12:23:34 +0000

Германската Влада денеска најави нов пакет воена помош за Украина, кој е вреден 700 милиони евра. Пакетот вклучува два системи „Патриот“ од залихите на Бундесверот, 40 дополнителни пешадиски борбени возила „Мардер“, 25 дополнителни главни борбени тенкови „Леопард 1 А5“, како и пет оклопни транспортери „Бергепанцер“ 2, соопшти германското Министерство за одбрана. Се додава дека помошта вклучува и дополнителни 20.000 парчиња артилериска муниција и 5.000 димни гранати од 155 милиметри. „Новиот пакет ги исполнува „приоритетите на Украина: противвоздушна одбрана, тенкови, артилерија... со него даваме важен придонес за зајакнување на отпорноста на Украина“, се вели во изјавата на германскиот министер за одбрана Борис Писториус.

Јапонија и испраќа на Украина околу 100 воени возила и 30.000 пакети со храна

Ивона Петрова — Mon, 22 May 2023 05:30:03 +0000

Јапонскиот премиер Фумио Кишида изјави дека Јапонија ќе испрати околу 100 воени возила и околу 30.000 пакети со храна во Украина. За време на средбата со украинскиот претседател Володимир Зеленски на маргините на самитот на Г7 во Хирошима, тој исто така рече дека Јапонија може да прими ранети украински војници, објави „Киев Индипендент“. Кишида рече дека лидерите на Г7 се обединети „повеќе од кога било“ по прашањето за руската војна против Украина и увери дека неговата земја „силно ќе го поддржи Киев во сите аспекти“, вклучително и воведувањето санкции против Русија. Кишида рече и дека руските нуклеарни закани се „неприфатливи“. Тој додаде дека Јапонската банка за меѓународна соработка ќе обезбеди 674 милиони долари самурајски обврзници за Полска за помош на украинските бегалци. Исто така, Јапонија планира да и пружи помош на Украина за реконструкција на уништените објекти во износ од 7,6 милијарди долари.

Германија најави нов пакет воена помош за Украина во вредност од 2,7 милијарди евра

Ивона Петрова — Sat, 13 May 2023 13:37:13 +0000

Германската Влада денеска соопшти дека подготвува нов пакет воена помош за Украина во вредност од 2,7 милијарди евра, вклучувајќи и испорака на бројни тенкови, оклопни возила и системи за противвоздушна одбрана. - Сите ние сакаме брз крај на оваа ужасна војна на Русија против украинскиот народ, но за жал тоа не е на повидок. Затоа Германија ќе ја пружи сета помош што може сè додека тоа е неопходно, изјави германскиот министер за одбрана Борис Писториус во соопштение. Се подготвува испорака на, меѓу другото, дополнителни 30 тенкови А5 Леопард-1, 20 нови оклопни возила од типот Мардер и повеќе од 100 други помали оклопни возила, 200 дронови за набљудување, четири нови системи за противвоздушна одбрана Ирис-Т и нивните платформи за лансирање, бројни ракети за противвоздушна одбрана, 18 пиштоли – хаубици и муниција. Германската Влада минатата година му додели две милијарди евра воена поддршка на Киев. За годинава досега е планирана помош од 2,2 милијарди евра.

Нов пакет воена помош од САД за Украина вреден 300 милиони долари

Ивона Петрова — Wed, 03 May 2023 19:18:01 +0000

САД најавија дополнителна воена помош за Украина во вредност од 300 милиони долари, за таа да „продолжи храбро да се брани во лицето на руската брутална, неиспровоцирана и неправедна војна“, соопштија денеска од американскиот Стејт департмент. Продолжуваме со поддршката со нашите партнери од Украина додека тие се бранат од руската воена агресија, изјави државниот секретар Ентони Блинкен. -Делегирано со авторизација на претседателот Бајден, го одобрувам 37-то повлекување американско оружје и опрема за Украина во вредност од 300 милиони долари, изјави Блинкен. Се работи за пакет безбедносна помош во кој се вклучени муниција за ХИМАРС ракетните системи, хаубици, артилериска и тенковска муниција, противтенковски оружја, ракети и рачно оружје и муниција, камиони и приколки за транспорт на тешка машинерија, како и резервни делови, и друга опрема „потребна за зацврстување на бранителите на Украина на бојното поле“. -Овој пакет ќе помогне Украина да продолжи храбро да се брани во лицето на руската брутална, неиспровоцирана и неправедна војна. Русија може да ја заврши војната веднаш. Сè додека Русија води војна, САД и нашите партнери ќе стојат обединети покрај Украина толку време колку што е потребно, истакна Блинкен.

Америка испраќа нова воена помош за Украина во вредност од 325 милиони долари

Ивона Петрова — Wed, 19 Apr 2023 19:21:33 +0000

САД ќе испратат дополнителна воена помош за Украина во вредност од 325 милиони долари, која вклучува огромна количина артилериски гранати и муниција, соопшти денеска Пентагон. И Белата куќа соопшти дека воена помош е пред испраќање, но не ја објави нејзината вредност. Како што пренесува Бета, светските агенции коментираат дека сето ова се случува во пресрет на пролетната офанзива на украинската армија против руските војници. САД не прецизираа колку муниција планираат да испратат, но најновиот пакет наликува на претходните пратки, кои вклучуваа ракети за системи и хаубици ХИМАРС, како и разни други проектили и противтенковска муниција. Целиот овој арсенал ќе биде собран од резервите на Пентагон, што значи дека многу брзо ќе пристигне на првите борбени линии во Украина. Украински официјален претставник во понеделникот изјави дека е само прашање на време кога неговата земја ќе биде воено подготвена да започне контраофанзива против руските трупи.

Зеленски им се заблагодари на САД за новата воена помош за Украина

Тале Кристо — Fri, 20 Jan 2023 08:53:18 +0000

Претседателот на Украина Володимир Зеленски денеска им се заблагодари на САД за новиот пакет воена помош што Вашингтон го објави синоќа. Новата помош од 2,5 милијарди долари вклучува и неколку стотици оклопни возила. Сепак, меѓу ветената воена опрема нема тенкови Абрамс. Зеленски ја дефинираше новата помош како важна за борбата на Украина против агресорот.

Белата куќа со најава за нова воена помош за Украина

Тале Кристо — Thu, 10 Nov 2022 20:24:22 +0000

Белата куќа денеска објави нов пакет воена помош за Украина, што ќе вклучува системи за противвоздушна одбрана. Советникот за национална безбедност на Белата куќа Џејк Саливан рече дека пакетот за воена помош вклучува „значаен придонес за воздушната одбрана“, како и американските системи за воздушна одбрана HAWK и Avenger. Претходно, шпанската министерка за одбрана Маргарита Роблес рече дека земјата ќе испрати уште два системи за ПВО HAWK од САД во Украина за да помогнат во одбраната од руската инвазија и да се заштити инфраструктурата.

Македонија повторно испрати воена помош за Украина: Еве што има во натоварениот воз (ВИДЕО)

Ивана Ефремовски — Thu, 10 Nov 2022 09:17:45 +0000

На социјалната мрежа Телеграм вчера осамна видео-снимка од воз натоварен со воена инженерска опрема и возила, за која се тврди дека е дел од воената помош од Македонија наменета за Украина. На снимката што ја објавува прорускиот канал @Ryabar, кој го води извесен Дејан Бариќ од Србија, се тврди дека возот со инженерска опрема тргнал од Скопје на 7 ноември и преку Бугарија се упатил кон Украина. На 9 ноември возот стигнал во бугарскиот град Русе, го поминал граничниот премин со Романија, па се упатил преку романска територија кон областа на Одеса, тврди каналот повикувајќи се на свои извор. На снимката се гледаат повеќе од десет различни типови возила, вклучувајќи оклопни возила за спасување Т-55, камиони М-35, оклопни возила Ленд ровер, возила за итна медицинска помош, булдожери и дигалки… Каналот уште тврди дека во придружба на опремата патувале и припадници на украинската армија, кои биле сместени во патнички вагон. Оваа пратка наводно требало да стигне во Украина уште во август, но поради проблеми кои не се наведени, транспортот доцнел, пишува Нетпрес.

Зеленски им се заблагодари на САД, Холандија и Чешка за нивната воена помош: „Ја цениме помошта на нашите партнери“

Магдалена Андонова — Sat, 05 Nov 2022 11:42:52 +0000

Претседателот на Украина, Володимир Зеленски, денеска им се заблагодари на САД, Холандија и Чешка за најновата воена помош, 90 тенкови Т-72 и рече дека тоа е многу потребна поддршка за украинските вооружени сили. - Искрено сме благодарни на Холандија, Соединетите Американски Држави и Чешка што обезбедија значителна и многу потребна поддршка, 90 тенкови Т-72. Вооружените сили на Украина напредуваат и им треба оваа опрема. Ја цениме помошта на нашите партнери Заедно ја поддржуваме заштитата на слободата и демократијата, напиша Зеленски на Твитер. Министерството за одбрана на Холандија вчера соопшти дека заедно со САД и Чешка ќе и испорача на Украина тешка воена опрема, вклучувајќи 90 модернизирани тенкови, како дел од воената помош од 120 милиони евра. Портпаролката на Пентагон, Сабрина Синг, во петокот изјави за новинарите дека САД ќе ѝ испратат на Украина дополнителни 400 милиони долари помош, вклучително и финансирање за 45 тенкови Т-72 од Чешка, кои ќе бидат ремонтирани, и дека парите ќе бидат инвестирани и во обновата. на противвоздушните ракети Хок.