воени пилоти – Kurir.mk

Тројца воени пилоти загинаа во судар на два авиони над централна Украина

Ивана Ефремовски — Sat, 26 Aug 2023 16:29:29 +0000

Тројца украински воени пилоти загинаа во судар на два авиони за обука Л-39 на небото над централна Украина, соопшти денеска украинското воздухопловство. Несреќата се случила вчера во областа Житомир, која се наоѓа западно од главниот град Киев. Воздухопловните сили соопштија дека еден од пилотите, чиј прекар бил „Џус“, бил познат по многуте интервјуа што ги дал за странски медиуми. „Изразуваме сочувство до семејствата на загинатите. Тоа е болна и непоправлива загуба за сите нас“, напишаа украинските воздухопловни сили на социјалната мрежа Телеграм, додавајќи дека е во тек истрага за да се утврдат причините за судирот. Смртта на тројцата пилоти е тешка загуба за Украина, која се подготвува со огромни напори да ги обучи што е можно побрзо екипажите на своите воздухопловни сили да управуваат со борбени авиони Ф-16 кои ги обезбеди Западот. Досега на Киев му се ветени најмалку 61 од овој тип воени авиони. (MИА)

Двајца пакистански воени пилоти загинаа откако им се урна авионот при тренажен лет

Ивона Петрова — Mon, 13 Apr 2020 06:43:15 +0000

Авион за обука на пакистанската армија се урна денеска во централната провинција Пенџаб, при што загинаа двајцата пилоти во леталото, јави ДПА. „Пакистански тренажен авион Мушак, што беше во рутинска мисија за обука, утринава се урнаа во близина на Гујат“, се наведува во соопштението на воената служба за информирање (ИСПР). Во соопштението не се кажива која е причината за уривањето на авионот, додава германската агенција.

Ова е петти сличен инцидент годинава, кога авион се урива за време на транажен лет. Минатиот месец воен ловец „Ф-16“ на пакистанските воздухопловни сили (ПАФ) се урна во главниот град, при што загина пилотот кој вежбаше за годишната парада по повод 23 март. Парадата подоцна беше одложена заради ширењето на коронавирусот и карантинот што се воведе во земјата.

Си-Ен-Ен: Кинески ласери повредиле американски воени пилоти во Африка

Ивона Петрова — Fri, 04 May 2018 06:15:15 +0000

Кинески персонал во Џибути користел ласери против американски летала од воена база на САД, што резултирало со повредени американски пилоти и формален дипломатски протест што САД го упатиле до Пекинг, јави Си-Ен-Ен. САД издале соопштение за својот персонал во кое се вели дека треба да бидат внимателни кога летаат над одредени делови над Џибути бидејќи „во мал број случаи американските летала биле погодени со ласери“. – За време на еден инцидент се случиле две мали повреди на очи кај лица кои летале во Ц-130 што е резултат на изложување на воени ласери за кое се знае дека потекнуваат од блиска кинеска база, се вели во предупредувањето. Медиумот се повикува и на изјава на официјален претставник од Министерството за одбрана кој рекол дека армијата на САД верува оти Кина користи слични ласери против американски авиони и во Јужното Кинеско Море. МИА