Военото обвинителство во Софија обвини армиски полковник за соборениот МиГ-29 кај Шабла

Дарко Андоновски — Mon, 07 Nov 2022 14:03:24 +0000

Военото обвинителство во Софија обвини армиски полковник дека предизвикал смрт од невнимание и нанел тешка штета на Министерството за одбрана вредна девет милиони лева при тактички вежби. Ова го соопштија од обвинителството во Софија, јави БТА. Истрагата започна на 9 јуни, откако авион МиГ-29 се урна во Црното Море во близина на Шабла за време на тактичка вежба. Во несреќата загина пилотот. Во соопштението на обвинителството се известува дека по повеќе членови од Кривичниот законик е обвинет полковникот М.О. На 9 јуни годинава, за време на тренинг мисија над морското подрачје на Бугарија, авион МиГ-29 на бугарското ВВС изгубил радио контакт и исчезнал од радарот во 00:45 часот по локално време.

Романското воено обвинителство започна истрага за насилството врз демонстрантите

Матеја Петровски — Mon, 13 Aug 2018 13:38:20 +0000

Романското воено обвинителство денеска соопшти дека започнало истрага во врска со насилството врз демонстрантите, кои учествуваа во протестниот марш во петокот во Букурешт со барање за оставка на владата, за време на кој беа повредени над 450 лица. Досега добивме околу триесетина жалби и моите колеги ги испрашуваат повредените, изјави обвинителот Јонел Чорбу. Обвинителството, кое веќе побара од жандармеријата да и предаде документи за нејзината интервенција за време на демонстрациите, вети дека ќе ги сослуша „сите, кои е можно да дејствувале спротивно на законот". Обвинителите, исто така, ќе ги анализираат видео снимките направени од страна на полицијата, медиумите и демонстрантите. Речиси 80.000 Романци излегоа на улиците во Букурешт во петокот за да побараат оставка од владата, обвинета за „корупција". (Миа)

воено обвинителство – Kurir.mk

Военото обвинителство во Софија обвини армиски полковник за соборениот МиГ-29 кај Шабла

Романското воено обвинителство започна истрага за насилството врз демонстрантите