Воислав Зафировски – Kurir.mk

Зафировски: Владата го штити Мерко иако има надлежности да ги одземе ингеренциите врз локалната самоуправа

Тале Кристо — Tue, 27 Jun 2023 17:07:12 +0000

„Владата ако сака Република Македонија да стане полноправна членка на Европската Унија најнапред мора да си го среди сопственото буниште. Да воспостави правосуден систем, правна држава достапна за секого а не за оние кои може да си ја купат. Да воспостави амбиент за развивање на економијата и поттикнување на претприемиштвето“, истакна поранешниот антикорупционер Воислав Зафировски во вечерашното гостување во емисијата „За или Против“ на Телевизија Алфа. Тој додаде дека дури 4 проценти од граѓаните имаат доверба во правосудниот систем на Република Македонија. Зафировски посочи дека Македонија е пренатрупана со разни истражувања на јавно мислење за корупција. Нам не ни треба истражувања за корупцијата туку истраги кои ќе ги докажат коруптивните работи. „Ковачевски има механизми веднаш да го реши Мерко да му ги одземе ингеренциите. Владата има надлежности да ги одземе ингеренциите на локалната самоуправа, а тој тоа не го прави и ја префрла топката на институциите кои се нефункционални“, кажа Зафировски. Тој изјави дека Мерко како владетел на тој простор останува бидејќи партијата и Али Ахмети застана зад него, а СДСМ молчи. „Јовевски е загрижен дали ќе е избран за уставен судија или нема да биде избран, а ако оди во пензија по промената на власта ќе мора да одговара за кардиналните грешки во неговото работење и тој е на крстопат. Ако преземе нешто против Мерко во тој случај може да не биде избран за уставен судија и затоа калкулира“, рече Зафировски. Тој вели дека основно е да се решат сите домашни задачи во однос на функционирање на правната држава и функционирање на правото за сите. „Притисокот на јавноста е голем меѓутоа за да има вистинска борба против корупцијата потребна е политичка волја и желба. Одговорност не верувам дека ќе има затоа што сите се обидуваат да ги тргнат рацете од врелиот костен“, вели Зафировски. Зафировски е дециден дека до тој степен се партизирани институциите што заради партизацијата се нефункционални.

Зафировски: Лично Заев се меша во судската власт по сите линии и испраќа пораки до правосудните органи во насока како да се движат предметите

Дарко Андоновски — Thu, 09 Dec 2021 17:55:52 +0000

„Јас лично сметам дека ова е класичен пример на мешање на извршната во судската власт. И тоа не на кој било од извршната власт туку лично на премиерот. Потсетете се или да ја потсетиме јавноста премиерот тврдеше дека Рашковски не е виновен. Премиерот не му се веруваше дека Ден Дончев е вмешан во корупциски скандал. Па, Ден Дончев си замина, го нема, не е достапен за органите на прогонот. Премиерот испраќаше пораки и за Мијалков, го праќа кај обвинителот, што има обвинителот со тоа, треба да си оди во суд. Сакам да кажам дека одамна и јавноста, посебно стручната која ги познава прописите гледа дека лично премиерот се меша во судската власт по сите линии, по сите основи, и испраќа пораки до правосудните органи во насока како да се движат предметите“, истакна Воислав Зафировски во емисијата „Што не е јасно“ на Алфа телевизија. Зафировски додаде дека премиерот нема допирни точки со правото. „Граѓаните видоа до кај стаса Заев со трас – трас реформите во судството. Нема човекот никаква допирна точка со правото и може да ветува што сака меѓутоа во правото постојат принципи, и постојат меѓународни принципи кои едноставно не можат да се погазуваат. Пак ќе кажам кога Републичкиот судски совет дојде ред за првпат да стане и да рече ало ова не оди вака, јасно ви е до кој степен извршната власт ја има судската власт во својот скут“, нагласи Зафировски. Зафировски посочи дека граѓаните јасно се изјаснија на анкетите дека најголема недоверба имаат во судството и тоа не е случајност.

Зафировски: Реотворање на случаи по барање на Гаши укажува дека политиката има пуштено длабоки корења во правосудниот систем

Ристе Здравков — Thu, 09 Dec 2021 17:31:34 +0000

„Многу се зборуваше овие денови за тој пазар и особено за отворањето на случајот „Монструм“, затворањето на „Диво Насеље“, „Алфа“ итн. мислам дека и реакцијата за првпат реакцијата на Републичкиот судски совет говори дека им дошло преку глава. Ова е повеќе од евидентно дека политиката има пуштено длабоки корења во правосудниот систем. Ова повеќе од јасно говори дека политиката договара што ќе се случува и како ќе се одвиваат работите во одредени предметни случаи“,истакна Воислав Зафировски во емисијата „Што не е јасно“ на Алфа телевизија. Зафировски додаде дека кога тој би бил на местото на Гаши би инсистирал на одговорност за сообраќајката во Ласкарци 2019-та година тука 16-мина загинаа, би инсистирал на одговорност за изгорената модуларна болница во Тетово каде што загинаа 14 лица, би барал одговорност за тоа што живи изгореа 45 луѓе во Струма. „А, да се отвораат затворени случаи кои ги поминале сите судски инстанци во Република Македонија, па дури и некои два пати, а тоа е случајот со „Монструм“, тоа е апсолутно неприфатливо. Тоа на студент на правниот факултет му е јасно дека е неизводливо да се отвора по трет пат таков случај, јасни се законите, јасни се принципите на кој начин може да се отвори одреден случај“, укажа Зафировски. Зафировски посочи дека штом еднаш е пресуден еден случај тогаш е завршена работата.

Зафировски: Власта за да ги замолкне граѓаните употребува сила и полиција, таков случај беше и спроведувањето на момчето

Катерина Бојаџиева — Wed, 09 Jun 2021 16:51:24 +0000

Претпоставувам дека насилство е стил на однесување веќе подол период на власта. Ако се сеќавате и на минатите случувања каде што граѓаните го изразуваа сопственото незадоволство од политиките на актуелната власт имавме несразмерно користење на сила, употреба на солзавци, на шок бомби итн. За вчера на еден мирен протест со ништо не предизвикани, само заради тоа што момчето снимало да биде на незаконит начин приведено, насила извлечено од групата која протестираше и која ја блокираше раскрсницата. И притоа со најпогрдни зборови, со пцости беше одвлечено момчето, му беа ставени лисици. И дури по разговорите во полициската станица со закана дека добро поминал бидејќи оди само со прекршочна пријава, а не и со кривична е пуштен од на слобода“, појасни Воислав Зафировски во „Што не е јасно“ на Алфа телевизија. Зафировски додаде дека при апсење на лице задолжително мора да му се соопшти причината заради која се приведува, мора да му се каже дека има право да молчи и има право на адвокат. „Денес одредени полицајци спроведуваат партиски политики, а не спроведуваат Закон. А меѓу спроведување на Закон и спроведување партиска политика или спроведување некаква си сопствена правда има огромна разлика“, рече Зафировски. Зафировски посочи дека внатрешна контрола мора да ги истражи околностите зошто е дојдено до приведување на момчето. По оваа снимка повеќе е јасно дека треба да биде санкциониран полицискиот службеник кој употребил сила врз момчето. „Нема ништо да има од работата на внатрешната контрола. Ќе констатира што е сторено, ќе препорачаат на дисциплинската комисија да изречи некаква дисциплинска мерка и ќе се заврши со некоја ситна евентуално ако имам некаква казна“, појасни Зафировски.

Зафировски: Правосудниот систем е алатка во рацете на владата на СДСМ, имаме селективна правда

Дарко Андоновски — Sun, 06 Jun 2021 13:15:40 +0000

Република Македонија за жал особено во последните неколку години стана држава во која извонредно добро функционира организираниот криминал, смета универзитетскиот професор и член на ВМРО-ДПМНЕ Воислав Зафировски во интервју за Пела Нет интервју. Зафировски посочи дека правосудниот систем е алатка во рацете на извршната власт, како и дека правдата станува достапна само за оние кои што имаат пари да ја купат. -Правосудниот систем е алатка во рацете на извршната власт. Правдата стана достапна само за оние кои што имаат пари да си ја купат, понатаму имаме состојба во која што економијата ни е на колена, немаме странски инвестиции, немаме развојни проекти, посочи Зафировски. Тоа е апсолутно нереално и тоа е вообичаено политичка патка која се промовира се со цел да се релативизираат актуелните случувања со криминалот во државата, рече Зафировски во однос на најавите на Заев за инвестициски бум од 8 милијарди евра. -Обвинителството во буквална смисла на зборот се претвори во алатка во рацете на извршната власт за спроведување на селективна правда. Правниот систем ни е за ремонт, објасни тој. Според Зафировски владата требало многу повеќе да се посвети на состојбите во државата односно како што рече тој да го подигне прагот на функционирање на правната држава и воспоставување на владеењето на правото подеднакво за сите. -Владата требаше да се посвети многу повеќе на состојбите во државата, на подигање на економијата, на подигањето на прагот на функционирање на правната држава. Да воспостави функционален независен правосуден систем, да воспостави владеење на правото подеднакво за сите, да расчисти со оној аспект на нарушување на човековите слободи и права, смета Зафировски.

Зафировски: Аферата Мафија е мега скандал и вина не може да се бара кај службеници

Дарко Андоновски — Mon, 12 Apr 2021 18:06:17 +0000

Оваа афера е сигурно една од најголемите што се случила од осамостојување на Македонија. Власта сака да ја минимизира да ја сведе во рамки на некаква корупциска афера на оние кои работат на системот на издавање на патни исправи, а тоа не е така, рече аналитичарот Воислав Зафировски на гостувањето на телевизија Алфа во емисијата „Што не е јасно“. Токму затоа граѓаните треба да ја знаат постапката. „За да добиете патна исправа треба да имате лична карта која се добива на основ на извод, кога се вади лична карта секој остава отпечаток и тој велгува во системот и вие сте регистриран граѓанин. Секое барање за да се добие патна исправа и оној што има граѓански статус може да бара патна исправа и кога граѓанинот оди на шалтер остава повторно отпечаток. Системот е така креиран што ако не се согалсуваат подоатоците системот ве исфрла. И тоа шалтерски работник не може да среди. Значи лината е друга“, вели Зафировски укажувајќи дека јавното обвинителство не се интересирало ни во случајот или аферата со лични карти Чаушт ниту сега. Според него за да се добие документ мора да се има украден индентитет од некого, што кажува дека аферата е многу поголема. „Значи за сето ова службеник не може ништо да направи, аферата е мега скандал. Во изминативе години кадри на ДУИ ги водат овие служби“, рече Зафировски.

Зафировски: Јасна е спрегата меѓу СДСМ и криминалните структури, ако институциите не покажат волја за расчистување на скандалите можно е да се вратат визите

Дарко Андоновски — Mon, 12 Apr 2021 17:35:42 +0000

Сега институциите треба да покажат колку се сериозни. Неопходно е јавното обвинителство со полицијата да покажат дека работат, за да не ја загубиме визната либерализација, рече аналитичарот Воислав Зафировски на гостувањето на телевизија Алфа во емисијата „Што не е јасно“ говорејќи за скандалот Мафија. Според него ЕУ не ги сака криминалците, а Македонија и ги праќа „Затоа институциите се на потег, а надлежните да си понесат одговорност. Ако нашите институции одат до крај ЕУ нема да ја повеќе визната либералзиација, во спротивно ќе биде сосема поинаку“, рече Зафировски. Зафировски се осврна и на аферата Рекет за која вели дека не завршена. „Катица Јанева нема знаење ниту моќ да спроведе таква коруптивна активност и тука пипците одат далеку над нив. Но судот и обвинителството не одеа понатаму не трагаа по виновникот“, рече Зафировски. Зафировски ја коментираше и акцијата во која беа разбиена група на нарко дилери. „Американската ДЕА доаѓа за се справи со ваков случај, значи дека државата нема капацитет. Нашите институции значи или се нефункционилани или не може да дејстуваат како што налагаат законите“, кажа Зафировски. Во сиот период кога СДСМ е на власт спрегата нивна со криминалците е јасна и видлива. „Има мега афери поврзани со лица од извршаната власт и тоа е многу симптоматично. Секој нека си извлече заклучок за себе, на крајот јас можам да се сликам со пријател, а не како што тоа го прават они. Има една народна изрека која вели – со кого си таков си. И ако почнат да се бројат аферите во период на влада на СДСМ им нема крај. Во организаирана држава има закони и не моѓе вакви случувања да завршат со промена на функција. И Заев се фали јас ги разрешив, ама тоа индикректно го поттикнува криминалот, истрагите се водат селективно и слично“, посочи Зафировски.

За корупцијата не обвинувајте други, со парите купете си огледало за да се видите

Воислав Зафировски — Fri, 01 Jan 2021 11:10:40 +0000

Го добивме Извештајот на Транспаренси за степенот на перцепција на корупцијата за 2019/20 година. Извештајот е поразителен за Македонија, рангирани сме дури на 111 место, најниско до сега, дури пониско од првото рангирање во 2001 година. Владините министри, Љупчо Николовски, Бојан Маричиќ, па и самиот Зоран Заев, останаа “изненадени” од Извештајот, едноставно не им се верува дека се прочитани – во изминатите години од нивното владеење. Степенот на перцепција на корупцијата е толку многу голем, што како држава не прескокнале Албанија и особено Косово кое беше корупциска дупка на Балканот. Вицепремиерот за корупција, Николовски вели дека тоа е само перцепција… нешто како улогата на Груби во жолтата соба, само преведувач?! Министерот за правда Маричиќ не му се верува дека прикажаното е вистинито, не му се верува дека денес корупцијата ни е поголема од порано?! Советниците и ПР тимот на Заев излегоа со едно соопштение од кое се гледа дека и самите се срамат од тоа што го пишуваат, празно, без суштина и содржина, нешто како млака вода! ДКСК молчат, а што да кажат кога и самите знаат дека се ставени во функција на интересите на извршната власт… што и да кажат, ќе згрешат, впрочем и самите членови на комисијата се избрани по партиски клуч и секој некому е нешто, освен двата члена кои во Комисијата дојдоа од нејзината стручна служба. Првата лекција што треба да ја научат сите горе спомнати е дека Извештајот на Транспаренси е само сликата на власта, нивниот одраз во огледалото, преточен во текст. Може да не им се допаѓа тоа што го гледаат, но тоа се тие, тоа е нивната работа и резултатите од неа за 2019 и 2020 година. Тоа се должи на сите оние коруптивни скандали, на сите оние аздисувања на не пораснатите деца ставени на раководни функции кои наместо кривично да одговараат, само се тргнати од функциите, но не и од членувањето во управните одбори и во комисиите од каде и натаму им се исплатуваат високи хонорари; се должи на непотизмот и клиентелизмот; на недомаќинското трошење на парите на даночните обврзници; на доделувањето стипендии, државна помош и субвенции на лица и фирми што се директно поврзани со луѓето од власта; на доделувањето државни и европски големи пари за безвредни и бизарни проекти; на перманентната ненаситност на гага апетисани, ручеци, вечери и патни трошоци. Сепак, најгрдата слика за власта е оној одраз што ја отсликува недопирливоста и неказнивоста на властелините и нивните семоќни насилни гавази и отсуството на темелни истраги во случаите во кои се инволвирани луѓе од највисоките кругови на власта. Примери за сево погоре кажано, не барајте да спомнувам, бидејќи колумнава ќе заврши како роман. Што да очекуваме сега?! Од овие ликови не може да се очекува ама баш ништо подобро, особено што тие освен што со изненадувањето и не прифаќањето на фактите од Извештајот веднаш прават некаков гард, и вината за тоа ја префрлаат кај опозицијата и некоја поранешна власт, па дури и граѓаните со нивната перцепција им се виновни за констатациите изнесени во Извештајот. Тоа многу лошо говори за власта. Барем да се погледнеа меѓу себе, да ја прифатат и преземат вината за констатираните состојби, ќе ни дадеа некаква надеж, бидејќи само тој што ќе увиди каде згрешил, само тој може и да го корегира сопственото однесување. Инаку, вината е во сите три власти. Законодавниот дом штанца закони во скратена постапка, со европско знаменце, без поширока јавна и стручна дебата, без консензус со повеќето пратенички групи и многу често се носат законски решенија, кои се контрадикторни со веќе постојни закони или се во спротивност со европските директиви; Собраниските комисии и после три децении независност се нефункционални, добар дел од пратениците не поседуваат безбедносен сертификат што ги лимитира во нивниот опсег на работа. Или сето тоа кажано во една реченица, Собранието претставува маша во рацете на извршната власт, а не обратно, како што е утврдено во Уставот. Не е различна состојбата и во партизираните обвинителства и во судовите. Правдата стана достапна само за оние што можат да си ја купат. Обвинителството за сите случаи во кои се инволвирани ликови од власта, редовно ја информираат извршната власт од која зависи дали некој случај ќе оди во фиока или на суд. Значи, и правосудниот систем е маша во рацете на извршната власт, не е не зависен како што е утврдено во Уставот. Со други зборови, извршната власт е одразот во огледалото, таа е проблемот со корупцијата. Во такви околности, таа со својата самобендисаност и не може тоа да го види и затоа не очекувајте да најде решение, бидејќи, ќе повторам, таа самата е проблемот! Колумна на Воислав Зафировски за ДЕНЕШЕН

Зафировски за продажбата на Македонски пошти: Не државата, туку лошата држава е лош стопан!

Ивана Ефремовски — Tue, 20 Oct 2020 13:20:12 +0000

Неодамна Владата се закани или не знам, можеби се пофали, дека ќе ја продава АД Македонски пошти, а клучната причина е што АД Македонски пошти со години наназад бележи големи загуби во нејзиното работење, пишува Воислав Зафировски. Неговата колумна објавена на ДЕНЕШЕН, ви ја пренесуваме во продолжение: А како да не бележи загуби кога Македонски пошти веќе повеќе од петнаесет години е усмрдено партиско дувло на ДУИ, во кое наместо реформи, се’ се тера по старо, не баре живееме во времето на етатизмот, се трупа партиски административен кадар, а поштари нема; поштенските пратки доцнат; со финален ревизорски извештај се констатира дека партиските членарини од членовите на ДУИ, се задржувани од нивната плата и префрлани на партиската сметка на ДУИ, што е нон сенс; некој направи и добар филателистички скандал објавувајќи поштенска марка со границите на озлогласената НДХ (од што некои ликови извлекоа и сериозна добивка, бидејќи за една таква марка, на пазарот некои плаќаа и по 10.000 долари, а никој не објави податок за тоа колку примероци од марките се продадоа пред нивното повлекување од пазарот); пазарот со пакетни пратки со забрзано темпо го губат, бидејќи него го освојуваат приватните лиценцирани поштенски оператори; да потсетам и на тоа дека некој ја запали административно управната зграда на Македонски пошти; се пљачкаа пари наменети за пензионерите, кои искрено кажано без крт од внатре никогаш не би можело да се случи, а до денес одговорност за никого нема. Може ли некој да си претпостави како е возможно некој што располага со најраспространета сопствена мрежа на пошти на територијата на целата држава, со соодветна логистика и искусен кадар, полека, но сигурно да го губи поштенскиот пазар, а наспрам нив, приватните поштенски оператори да нудат подобра, поразновидна, побрза и поквалитетна услуга, следејќи ги трендовите на пазарот, особено на брзиот раст на е-тргувањето?! Надлежниот регулатор, Агенцијата за пошти упорно со години укажува на слабостите во функционирањето на АД Македонски пошти, но надлежното министерство за транспорт и врски и владата како доминантен сопственик, остануваат глуви и со прст не мрдаат нештата да се променат. Очигледно нешто не е во ред. Но, да се вратиме и во не така далечното минато, кога најнапред се продаде Македонски телеком, а потоа и мрежата за дистрибуцијата на електричната енергија. Состојбата во двете компании не се разликуваа многу од оваа во која се наоѓа АД Македонски пошти. Загуби, превработеност со партиски неспособни послушници и еден дежурен крунски изговор заради кој владата одлучила да ги продаде компаниите, изговор што се ширеше како фама и во кој многумина веруваа – во средините населени со доминантно Албанско население наплатата тешко се одвива или воопшто ја нема. Демек, заради тоа биле загубите и друго чаре нема, мора да се продадат, да се приватизираат – БОМБОНА БИЗНИС! Дојче телеком го купи Македонски телеком; австриски ЕВН ја купи мрежата за дистрибуција на електрична енергија и нештата преку ноќ се променија. Истатите тие непрофитабилни станаа едни од најпрофитабилните компании. Обете остваруваат милионски суми евра профит. Чесно е да се каже дека инвестираа во докапитализација на компаниите. Тие денес се едни од најголемите донатори на крупни настани од различни културни, спортски и друг вид општествено сфери во Македонија, но и покрај тоа секоја година без исклучок, делата високи износи на дивиденда на своите акционери, а вработените во тие компании се меѓу најдобро платените во Република Македонија. Ова значи дека фамата и изговорот за неможноста да се наплатат сметките за потрошена електрична енергија во средините населени со доминантно Албанско население како причина за загубите и повод за нивната продажба, паѓа во вода. Како може приватна фирма да изврши наплата, а државата да не може тоа да го стори?! Тоа едноставно не е логично! Да се вратиме сега кај Македонска пошта. Пред десетина години беше направена физибилити студија за модалитетите за продажба на АД Македонски пошти. Се сеќавам дека во неа учествуваше и Министерството за транспорт и врски и Агенцијата за пошти, за тоа говореа и медиумите, а тој процес го менаџираше една високо реномирана странска фирма (не се сеќавам точно која), и финалниот документ го предаде во надлежното Министерство за транспорт и врски. Физибилити студијата таму и остана, верувам дека таа чека да се најде некој писмен што нешто разбира и истата и да ја прочита. И покрај тоа што во тоа време Канадската пошта беше заинтересина да ги купи Македонски пошти, така барем велеа тогашните авторитети, до тоа не дојде. Значи, експертска независна физибилити студија за модалитетите за продажба на АД Македонски пошти во архивата или во нечија фиока во Министерството за транспорт и врски има. Меѓутоа, денес за дополнително да се извлечат хонорари, се ангажира трочлена работна група сочинета од партиски мувала на ДУИ, кои патем кажано и ја доведоа Македонска пошта до ова дереџе, да изработи нова физибилити студија за модалитетите за нејзина продажба. Велам партиски мувала, бидејќи во составот на групата е и актуелниот директор Ејуп Рустеми, кој наместо да ја менаџира Македонска пошта во овие исклучително тешки моменти за неа и целото Македонско стопанство, тој ќе треба да работи на студија за модалитетите за нејзина продажба. Ајде ви се молам, многу глупаво, провидно, бидејќи преку дилетантизмот од далеку се отсликува намерата на владата. Ваквиот став на Владата го разбирам само како не сериозен обид да замачкаат очи на Европската комисија дека ете како нешто работат, без сериозна намера да го продадат загубарот Македонски пошти и да искамчат време од уште година или две за целосно да не го либерализираат поштенскиот пазар во Македонија. Ако во тој процес нешто тргне наопаку, виновниците од сега се познати, не е владата што повлекла ваков глупав потег, труку триото фантастико од ДУИ. Се прашувам, кој нормален очекува од тие што ја турнале Македонска пошта во дупка, сега да направат квалитетна физибилити студија за модалитетите на нејзината продажба и таа стварно да биде продадена…и кому?! Ајде да ѕирнеме како е во соседството. Со оглед на тоа дека е во најава дека Словенечката пошта е заинтересиран купец, да ја прокоментираме токму неа. Република Словенија како членка на ЕУ, е сопственик на Словенечката пошта. Патем да напоменам дека добар дел држави од ЕУ ги немаат приватизирано националните поштенски оператори, кои се третираат како критична инфрастриктура заштитена со посебен закон и се институции кои во одредени случаи користат и државна помош. Од податоците кои можат да се најдат на веб страната на Словенечката пошта, произлегува дека таа одлично работи, услугите кои ги нуди се разновидни, квалитетни, а доставата е една од најбрзите во Европа и пошироко. Сето тоа Словенечката пошта го остварува во услови на целосно либерализиран поштенски пазар и тоа што “изненадува” е фактот што поштата работи со добивка, а во услови на пандемија со Ковод 19, поштата беше единствената вистинска, непосредна врска меѓу стопанските субјекти, физичките лица, институциите и останатите правни субјекти, обврска која безпрекорно и успешно си ја заврши и се’ уште ја извршува. Од тука се поставува едно многу логично прашање – кому му падна на памет да тврди дека државата е лош стопан, кога има бројни примери во кои државата е одличен стопан (Словенечка пошта; Чешкото електростопанство…)?! Најверојатно на некој партиски морон (без разлика од која партија е тој), кој сопственото не знаење, не стручност и не способност, како и лошите политики на стопанисување со националните ресурси ги покрива со изнаоѓање на “мудри” политички изговори, кои пословично се глупави и не прифатливи, бидејќи говорат за тоа колку и кои се не способни луѓе ја воделе и ни ја водат државата! Токму заради тоа и заклучокот НЕ ДРЖАВАТА, ТУКУ ЛОШАТА ДРЖАВА МОЖЕ ДА БИДЕ ЛОШ СТОПАН на критичната инфраструктура и капиталните капацитети со кои таа располага! Во нашиов случај, заклучокот е едноставен – МАКЕДОНИЈА Е ЛОША ДРЖАВА, РАКОВОДЕНА ОД НЕ КАДАРНИ ПОЛИТИКАНТИ И КАКО ТАКВА НЕ МОЖЕ ДА БИДЕ ДОБАР СТОПАН НА СЕ’ ОНА СО ШТО ТАА РАСПОЛАГА! Верувајте, искрено би сакал да грешам, но….

Зафировски: Раководни структури од ИНТЕГРА преминуваат во ВМРО-ДПМНЕ, таму ќе продолжиме да се бориме против власта

Магдалена Андонова — Sun, 13 Sep 2020 13:12:17 +0000

Веќе слушнавте, поголемиот дел од членовите на претседателството вклучувајќи ме мене како потпретседател и меѓународниот секретар на ИНТЕГРА МАКЕДОНСКА КОНЗЕРВАТИВНА ПАРТИЈА, потоа носителот на петтата Изборна единица, координаторот на ИЕ 6, како и бројни носител на различни функции во рамките на претседателството но и во лидерските тимови на ИНТЕГРА одлучивме од денес да поминаме, да се интегрираме во ВМРО-ДПМНЕ. Покрај членовите од претседателството, во ВМРО-ДПМНЕ поминуваат поголемиот број претседатели и членови од ОК на ИНТЕГРА од Карпош, Центар, Битола, Штип, Велес, Демир Хисар, Ресен, Новаци, Могила а таква најава има и од поголем број други ОК, денес за медиумите изјави Воислав Зафировски, потпретседател на ИНТЕГРА. Тој истакна дека причината е многу едноставна. -Сите ние сме со десничарска политичка ориентација, ние до сега ги застапувавме и ги застапуваме либертаријанските принципи кои подразбираат слобода на мислата, слобода на иницијативноста, владеење на правото подеднакво за сите и се разбира бескомпромисна борба против криминалот во сите негови појавни форми, вели Зафировски. -Деспотскиот однос на лидерот на ИНТЕГРА Љупчо Ристовски и неговата фикција дека тој е пророк и месија испратен од Бога и неговата фикција дека ќе ја спасува Македонија на еден волшебен начин, ги сруши сите либертаријански принципи за кои заеднички се боревме и настапувавме. Едноставно партијата ја претвори во трговско друштво каде што тој е трговец поединец, ја претвори партијата во некаква секта каде што тој самиот е партијата. Простете, меѓутоа во такви околности, во такви услови ние одбиваме да работиме и да се декларираме како дел од таа ИНТЕГРА. Затоа сакам да нагласам дека сите се определивме да преминеме во ВМРО-ДПМНЕ и оттука испраќаме повик до сите оние десно ориентирани политички партии, па и оние кои не се десно ориентирани да ни се придружат да направиме блок кој ќе ја реализира онаа идеја која беше присутна уште пред изборите. А таа идеја беше да се сруши оваа власт која ја обезличи и обесчести Република Македонија. Затоа повикот е отворен, затоа прифативме да бидеме дел од опозицијата а не дел од власта. Морам да напоменам дека Ристовски и ИНТЕГРА за жал во која и ние дадовме придонес во изборниот период изработија за актуелната власт, посочи потпретседателот на ИНТЕГРА.