војводи тетово – Kurir.mk

„Војводи Тетово“ го чествуваа споменот за херојот Ѓоко Лазарески

Љупчо Цветаноски — Thu, 23 Jul 2020 10:08:26 +0000

Денеска во село Лешок се одбележаа 19 години од загинувањето на нашиот херој Ѓоко Лазарески кој во 2001-та година заедно со уште тројца негови другари без поддршка на полицијата и војската ги бранеа своите најблиски, своите соселани, Лешок и Лешочкиот манастир, објавија на Фејсбук од навивачката група Војводи Тетово. – На сите нас Ѓоко Лазарески треба да ни биде пример за храброст и како се брани својата фамилија, своето село и својата држава кога е најтешко. Вечна ти слава хероју. Војводи Тетово никогаш нема да те заборават, се наведува во објавата.

Војводи Тетовo по најавите за кривична за скандирањето против Шеќеринска: Не постои срп со кој може да се исече пирејот кој расте во нашите срца !

Ристе Здравков — Thu, 07 May 2020 12:44:41 +0000

Ги демантираме сите клевети и невистини кажани од страна на одредени политички субјекти и медиуми, дека на 04.05.2020 год. на скопското Кале сме биле испратени под директива на некоја политичка партија. Ние како и секоја година така и оваа во овие тешки услови се организиравме за да оддадеме почит на нашиот великан Гоце Делчев, а исто така како и до сега ќе продолжиме и во иднина. Нас не може ниту една партија, ниту пак личност да не испрати на некое место за политички цели. Нас не испраќаат и ги следиме само идеалите кои живеат во нас, нас не испраќа срцето, патриотизмот, вербата и љубовта кон Македонија и нашиот народ и почитта кон сите наши борци кои со крв ја платија нашата сегашна слобода. Во ниту едно законодавство во светот, не постои член со кој се забранува и казнува љубовта и почитта кон татковината. Па затоа и би се запрашале за што поточно се бара прогон и казнување на нас ? За пеење песни стари со векови или за оддавање почит на ликот и делото на големиот Гоце Делчев ? Навистина сме згрозени од овој "демократски" начин на владеење на правото, но нашата порака е јасна. Не се плашиме ! Нема да успеете и да дозволиме да ја згаснете нашата љубов кон татковината, народот, историјата ! Не постои срп со кој може да се исече пирејот кој расте во нашите срца ! СО ВЕРБА ВО БОГ ВОЈВОДИ ДО ГРОБ !! Фејсбук статус на навивачката група Војводи.

Војводите реагираат: Оние кои ги скандираа местата на кои беа масакрирани нашите бранители, сега добиваат финансиска помош од државата

Ивана Ефремовски — Wed, 26 Dec 2018 14:31:13 +0000

Понижувањето на македонскиот народ во секој поглед не прекинува, реагираат од навивачката група Војводи од Тетово. Нивната реакција ја пренесуваме во целост: „Оние кои скандираа име на терористичка организација, ги скандираа местата на кои беа масакрирани нашите бранители во 2001 година, го омаловажуваат македонскиот народ, не ја признаваат нашата држава, го омаловажуваат македонското девојче, напаѓаат невини жени и деца и шират идеологија за создавање на “Голема Албанија” како заслуга на сето ова добиваат финансиска помош од државата односно од министерството за култура. КОЕ ДНО! Од се што е македонско се одродивте, секој кој ја сака Македонија го казнивте и затворивте, а секој оној кој што е против нашиот народ и држава го ослободивте и го наградивте. Па затоа и некогаш ни доаѓа и да се запрашаме каде ли ние општо живееме. Дали живееме во своја држава која се вика Македонија и се залага за заштита на своите национални интереси или пак живееме во некоја си туѓа држава каде што се промовираа туѓи култури, се финансираа туѓи песни, манифестации и организации кои се против Македонија и македонскиот народ. За некого кривични пријави за прослава и за никакво сторено кривично дело, а за некои финансиска помош од државата која ја мразат, никогаш не ја осеќаат како своја и не ја признаваат. Македонија за некого стана мајка, а за некого маќеа“-порачуваат навивачите.