војвотката Кејт Мидлтон – Kurir.mk

„НАЈДОБРОТО ДОПРВА ДОАЃА“: Ова е причина за прослава, уште една прекрасна вест во семејството на Кејт Мидлтон (ФОТО)

Дарко Андоновски — Thu, 26 Oct 2023 20:45:49 +0000

Принцезата од Велс, Кејт Мидлтон, деновиве има причина да биде среќна бидејќи повторно стана тетка. Братот на Кејт, Џејмс Мидлтон и неговата сопруга Ализе станаа родители за прв пат, а оваа вест досега успешно ја криеја од јавноста. Според британските медиуми, Џејмс (36) и финансиската аналитичарка Ализе (33) биле забележани како го шетаат бебето во количка низ улиците на Нотинг Хил. Бебето, чиј пол не е откриен, е прв братучед на принцот Џорџ, принцезата Шарлот и принцот Луис и внука или внук на Кејт и Вилијам. Родителите сè уште не го откриле датумот на раѓање или полот, но британските медиуми шпекулираат дека тој или таа е роден во изминатите неколку недели додека Џејмс сподели фотографија од тогашната бремена сопруга на 12 септември за да ја прослави нивната годишнина и изјави: „најдоброто допрва треба да дојде“.

View this post on Instagram

A post shared by James Middleton (@jmidy)

Братот на Кејт ја објави веста за бременоста на неговата сопруга на Инстаграм во јули, споделувајќи фотографија од Ализе во маслинесто зелен фустан со нивното куче Мејбл во прекрасен селски амбиент. По долгогодишна врска, парот се венча во август 2021 година во Франција, во шармантниот град Бормес-ле-Мимоза на брегот.

View this post on Instagram

A post shared by James Middleton (@jmidy)

Инаку, и сестрата на Џејмс и Кејт, Пипа Мидлтон Метјус, има три деца со сопругот Џејмс Метјуз: Артур, Грејс и Роуз, што значи дека новото бебе е седмото внуче на Керол и Мајкл Мидлтон.

Меган во црно од глава до петици, а на тоа што го носеше на нозете не смееше да помисли додека беше во кралската палата – сега живее слободно (ФОТО)

Дарко Андоновски — Wed, 15 Mar 2023 19:35:24 +0000

Меган Маркл е фатена од папараците денес додека се шетала низ Холивуд заедно со една пријателка. Војвотката од Сасек била целосно покриена во црно од глава до петици, а она што ги остави подзинати сите жени на светов е тоа што го носеше на своите нозе. Станува збор за отворени балетанки кои наликуваат на влечки и истите се голем моден хит за оваа сезона, пролет лето 2023 година. Таа сето тоа го искомбинира со чанта која беше од марката „Шанел“ и чини цело богатство. Во мешувреме светските медиуми пишуваат дека парот се подготвува и за крунисувањето на кралот Чарлс трети на 6 мај годинава. FOTO: MEGA / BACKGRID / BACKGRID USA / PROFIMEDIA

ЗАРАДИ ФУСТАН ВЛЕГЛЕ ВО „КРВАВА ВОЈНА“: Објавена скандалозна преписка меѓу Меган Маркл и Кејт Мидлтон

Дарко Андоновски — Tue, 10 Jan 2023 11:36:01 +0000

Во книгата „Spare“, која од денес е во продажба, принцот Хари зборува за големата кавга меѓу Кејт Мидлтон и Меган Маркл пред неговата венчавка со американската актерка и ги открива деталите од нивната преписка. Хари вели дека расправијата е предизвикана од фустанот што принцезата Шарлот го носеше на неговата венчавка со Меган во 2018 година во Виндзор, а Дејли Меил пишува дека принцот Вилијам може да биде многу лут што е вмешано малото девојче. Принцот инсистира дека инцидентот го предизвикала Кејт, која била разочарана од одговорот на Меган на нејзината порака еден ден подоцна. Кејт ѝ напишала на Меган во порака - четири дена пред свадбата - дека фустанот на Шарлот мора да се смени, а Хари откри дека малата принцеза плачела дома кога го пробала фустанот. Тој нагласи дека фустаните се дизајнирани од француски дизајнери и дека се рачно шиени, па не е „голем шок“ што не одговараат на сите. „Мег не ѝ одговори на Кејт веднаш. Да, добиваше бескрајни пораки за венчавката, но главно се справуваше со хаосот околу нејзиниот татко. Така следното утро ѝ испрати порака на Кејт дека нашиот кројач е тука“, рече Хари. Меган ја известила Кејт дека нивниот кројач Еј Џеј е во палатата, но тоа не било доволно за принцезата од Велс, додаде принцот. Преписката меѓу Кејт и Меган одела вака: КЕЈТ: „Фустанот за Шарлот е преголем, предолг, премногу широк. Плачеше кога го проба дома". МЕГАН: „Ти реков дека кројачот чека од осум часот наутро. Еве. Во палатата. Можеш ли да ја однесеш Шарлот да ѝ го сменат фустанот како другите мајки? КЕЈТ: „Не, сите фустани треба да се променат“. МЕГАН: „Не знам што друго да кажам. Ако фустанот не ѝ стои на Шарлот, однесете го кај кројачот. Тој чека цел ден. КЕЈТ: „Добро“. За време на преписката, Меган ја прашала Кејт дали е свесна што се случува со нејзиниот татко Томас Марк. Принцезата од Велс изјавила дека е свесна за тоа, но се вратила на темата за фустаните, истакнувајќи дека венчавката е за четири дена. МЕГАН: „Да, Кејт, знам“. Војвотката од Сасекс била остра, а Хари напомена дека проблемите настанале и поради плановите за церемонијата за момчињата кои ги придружувале младенците, односно дека на Кејт не ѝ се допаднала идејата на Меган Маркл. Кога стигнал дома, Хари ја нашол Меган згрчена на подот и плачела. Тој ѝ кажал дека Кејт сигурно не мислела ништо лошо. За таа кавга се пишуваше со години, Меган беше етикетирана како виновник во британските медиуми, а потоа во 2020 година во емисијата на Опра Винфри изјави дека Кејт го започнала конфликтот.

Кејт подзина од оваа епизода: Принцезата навредена од документарниот филм „Меган и Хари“ поради овој детаљ изнесен во јавноста

Дарко Андоновски — Sat, 24 Dec 2022 20:06:59 +0000

Принцезата од Велс, Кејт Мидлтон наводно е вознемирена поради документарната серија на Нетфликс „Хари и Меган“, особено затоа што била многу блиска со принцот Хари. Сасексите не поштедија никого во документарецот, вклучувајќи го и нејзиниот сопруг, принцот Вилијам. - Кејт се чувствува повредено и изневерено од тоа што и го направи Хари, особено што беа многу блиски, објаснил извор за Us Weekly. Додека многумина очекуваат официјална реакција од кралското семејство за документарецот, медиумите објавија дека Вилијам „не планира отворено да се одмазди“. Тој и понатаму е достоинствен и продолжува со својата работа, откриваат упатените. И покрај тоа што се свесни за документарецот, принцезата и принцот од Велс не го гледале, објаснил изворот. Отуѓениот пар зборувал за Вилијам во неколку наврати за време на документарната серија. Меѓу другото, Хари го обвинил дека го прекршил наводниот договор да не објавуваат приказни еден за друг во печатот. Тој, исто така, се осврнал на извештајот за кавга со него од 2020 година, тврдејќи дека не се согласил да објават заедничка изјава. – Никој не ми побара дозвола да го стави моето име на изјавата, изјави војводата од Сасекс. Меган одби да го критикува Вилијам, но јасно ги разјасни своите чувства кога неговата секретарка и даде изјава за сведок во последен момент во нејзината тужба во 2021 година поради објавувањето на приватното писмо до нејзиниот татко. -Тоа е твојот брат. Нема да кажам ништо за твојот брат, но јасно е, му рече таа на Хари. Сасексите го напуштија кралското семејство во јануари 2020 година. Тие сега живеат во Калифорнија со своите две деца; синот Арчи (3) и ќерката Лилибет (1).

Поранешен вработен во Бакингемската палата открива: „Кејт Мидлтон не е како другите членови на кралското семејство“

Дарко Андоновски — Tue, 18 Oct 2022 20:47:04 +0000

Поранешниот вработен во кралското семејство, Грант Харолд, работел за кралот Чарлс Трети седум години и за тоа време запознал повеќе членови на кралското семејство. Посебен впечаток му оставила Кејт Мидлтон, за која вели дека не е како остатокот од семејството. „Ми се допадна тоа што Кејт, како девојка на принцот и пред да стане член на кралското семејство, често го поминуваше времето со мене и со другите членови на персоналот и беше многу љубезна, пријателски настроена и забавна, постојано се шегуваше“, рече Харолд. Особено му се допаднало како таа се однесува кон персоналот на дворот, но и нејзиниот однос кон Вилијам. Тој бил сведок на различни семејни моменти и работел во периодот кога Вилијам и Кејт ја започнуваа својата врска, односно по враќањето од Универзитетот во Св. Ендрјус, кога двајцата имаа по 19 години, и нема да каже ништо друго освен пофални зборови за убавата принцеза.

Принцот Хари со дрзок говор ја расплакал Кејт за време на нејзината свадба – Војвотката не му останала должна му возвратила уште повулгарно на неговата венчавка!

Дарко Андоновски — Wed, 12 Oct 2022 08:22:49 +0000

Речиси нема човек кој не ја памети венчавката на принцот Вилијам и Кејт Мидлтон пред десетина години во Вестминстерската катедрала, а церемонијата ја следеа над две милијарди луѓе низ целиот свет. Меѓутоа кога медиумите и новинарите си заминаа дома, за младенците тоа беше обична свадба со танцување, пиење и многу дрзок говор на кумот Хари. Имено важна улога на свадбата на Вилијам имаше неговиот брат Хари кој беше и нивен кум, а во еден момент тој одржал и говор на микрофон исмејувајќи го Вилијам, а Кејт ја натерал дури и да заплаче. Експертот на британското кралско семејство Кејти Никол во биографијата „Хари, живот, загуба и љубов“, пишува дека свадбата била пријатна за сите, полна со смеа и хумор далеку од медиумите. -Говорот беше преполн со класичниот хумор на Хари, исмејувајќи го неговиот брат велејќи дека: „Вилијам немал романтична коска во своето тело пред да ја запознае Кејт, па знаев дека е нешто сериозно кога започна да не го остава телефонот од раце“, пишува во еден дел од својата биографија Кејти Никол. Кога Хари рекол дека десет годишната врска на неговиот брат и Кејт е негова инспирација, Мидлтон речиси и да заплакала, па сите погледи биле вперени кон неа. Секако Кејт не му останала должна на Хари, па на неговата венчавка во 2018 година со Меган Маркл кога Вилјам бил кум, таа раскажувала вулгарни шеги забавувајќи ги гостите во дворецот Фрогмор.

Ќе ви се стемни од цената на овој фустан – Кејт Мидлтон повеќе не носи црно, во оваа есенска комбинација ќе се заљубат многу жени (ФОТО)

Дарко Андоновски — Thu, 06 Oct 2022 12:32:46 +0000

Принцезата од Велс денеска посети породилиште во Гилдфорд, Англија. Својата блескава серија модни изданија ја продолжи со жолт плисиран фустан чија цена е неколку стотици евра. Болницата во Англија годишно прима околу 3.000 жени кои се пораѓаат, а оваа здравствена установа беше наградена и со признание на УНИЦЕФ. Кејт Милдтон денеска беше срдечно пречекана надвор од породилиштето, а една жена и се поклони во знак на почит. Кејт Мидлтон по периодот на жалост во Велика Британија, кој траеше од осми до 26 септември, ги продолжи службените обврски и порано отколку што многумина очекуваа. Фокусот на нејзините должности не е променет, па таа и понатаму е многу посветена на грижата за жените и децата. Таа за важен состанок избра жолт плисиран фустан со нагласен струк, кој е украсен со елегантен ремен и V деколте. Станува збор за модел создаден од Карен Милен, а облеката чини 220 фунти или 250 евра. Британците уште еднаш го величаат стилот на принцезата од Велс, па „Дејли мејл“ пишува дека Кејт сјае како сонце, со што се согласуваме, но на многумина им се стемнува кога ќе ја дознаат цената на елегантен жолт фустан.

НЕ СМЕЕ ДА ПОМИСЛИ ДА ЈА ПРОДАВА – Вилијам и Кејт наследија „тајна“ куќа од новиот крал, кога ќе видите што има внатре сè ќе ви стане јасно (ФОТО)

Дарко Андоновски — Mon, 03 Oct 2022 08:04:59 +0000

Принцот од Велс, Вилијам и неговата сопруга Кетрин – Кејт Мидлтон наследиле „таен“ дом скриен во руралните средини на Велс. Стариот, но простран имот „Луинивермод“ (Llwynywermod) во Кармартеншир го купил кралот Чарлс Трети, пред 15 години. Поранешниот принц од Велс и неговата сопруга често престојувале во мирната селска куќа, и меѓу месното население. Чарлс и Камила минаа извесно време во „Луинивермод“ и по смртта на принцот Филип лани. Имотот од 192 хектари се наоѓа во близина на селото Мидфаи, кај градот Ландовери. Куќата на имотот се состои од дневна соба, мала кујна и три спални соби. Има камин обложен со камен и големи прозорци. Откако станаа принц и принцеза од Велс по смртта на кралицата и првиот говор на кралот Чарлс, Вилијам и Кејт ќе имаат и финансиска корист од нивниот нов статус. Имено, тие пред смртта на Елизабета Втора ги носеа титулите војвода и војвотка од Кембриџ. По устоличувањето на Чарлс на престолот, тие го презедоа Војводството Корнвол, што ќе им донесе значителна корист. Богатството на Вилијам претходно се проценувало на 30 милиони долари. Но, сега само годишно од Корнвол би можел да заработува повеќе од 20 милиони долари. Војводството Корнвол зафаќа околу 53.000 хектари, а приходите главно доаѓаат од земјоделството и туризмот. Вредноста на Војводството е повеќе од една милијарда евра. Вилијам не смее да го продаде, а кога ќе стане крал, војводството Корнвол ќе го наследи неговиот син Џорџ.

Кејт Мидлтон со детаљ кој го носела принцезата Дијана се појави пред сопругата на Зеленски – немаше кој не го забележа на нејзината рака (ФОТО)

Дарко Андоновски — Mon, 19 Sep 2022 06:03:02 +0000

Принцезата од Велс, Катрин – Кејт Мидлтон во Бакингемската палата се сретна со првата дама на Украина, Олена Зеленска, пред денешниот погреб на кралицата. Инаку, сопругата на украинскиот претседател Володимир Зеленски на погребот ќе го застапува нејзиниот сопруг, кој не можеше да дојде во Лондон за да присуствува на церемонијата. Во комбинација со едноставен црн фустан, Кејт на состанокот со Олена носеше бисерна нараквица, којашто некогаш ѝ припаѓала на Лејди Дијана – мајката на принцот од Велс, Вилијам. Принцезата Дијана ја носеше истата нараквица додека беше на посета во Хонг Конг со нејзиниот тогашен сопруг, принцот Чарлс. Нараквицата му била предадена на принцот Вилијам по смртта на Дијана, а тој подоцна ѝ ја подарил на својата сопруга Кејт. Кејт ја носеше бисерната нараквица неколкупати изминативе неколку дена, а последен пат на ручекот одржан за генералните гувернери на Комонвелтот во Бакингемската палата.

Сите ја осудија Меган за изборот на обетки, а кога ќе видите како Кејт и пркоси на свекрвата ќе останете во чудо – светот знаеше дека ќе дојде до ова! (ФОТО)

Дарко Андоновски — Thu, 15 Sep 2022 09:42:15 +0000

Кралското семејство и оддаде почит на починатата кралица Елизабета, откако сите во поворка ја напуштија Бакингемската палата, каде телото на кралицата беше пренесено во ковчег во Вестминстерската палата, каде што милиони луѓе доаѓаат да се простат од неа. По тој повод, принцезата од Велс, Кејт Мидлтон и оддаде почит на својата свекрва, принцезата Дијана, носејќи ги обетките што ги наследи од неа. Имено, Кејт ги ставила бисерните обетки кои и беа подарени на Дијана пред нејзината венчавка со принцот Чарлс во 1981 година. Обетките означуваат трогателно предавање од една принцеза од Велс на друга. Дијана почнала да носи обетки пред да стане принцеза од Велс. Ги добила на подарок од „Колингвуд“, компанија за накит која била омилена на семејството Спенсер. Ги носеше во неколку наврати за време на бракот, избирајќи само важни настани. Голема иронија е што Кејт седела покрај својата сегашна свекрва Камила, носејќи ги обетките на принцезата Дијана која наводно ги фатила во прељуба нејзиниот тогашен сопруг принцот Чарлс и Камила. И додека сите ја осудуваат Меган Маркл што ги носела обетките што ги добила на подарок од кралицата Елизабета, сметајќи дека потегот е лицемерен, од друга страна, Кејт добила големи симпатии од обожавателите на принцезата Дијана, а ги имала многу.