волци – Kurir.mk

ФОТО: И нуркачи од армиските „Волци“ се вклучуваат во потрагата по исчезнатиот во езерото Глажња

Ивона Петрова — Tue, 01 Aug 2023 13:07:57 +0000

Потрагата по 29 годишниот маж кој исчезна во водите на вештачкото езеро Глажња трае трет ден. Поради тешкиот терен за пребарување, многу косиот брег и голема длабочина која започнува веднаш по влегувањето во водата, а на петнаесетина метри оддалеченост од брегот достигнува 40 метри, трет ден се ангажирани 10 нуркачи од САЕ Тигар кои се обучени да нуркаат до 40 метри длабочина, информира директорот на ЦУК, Стојанче Ангелов. Тим за спасување на ДЗС од Велес врши површинска потрага по брегот на езерото, а екипи на СВР Куманово го обезбедуваат местото на несреќата. Во текот на денешната потрага повторно е употребен подводен дрон на здружението Еко Турист Охрид, со кој се пребарува езерското дно, а неколку можни места се бележени и се пребаруваат од нуркачите на Тигрите. Во секој момент треба да пристигнат и 8 нуркачи од армиските специјалци Волци кои ќе се приклучат на потрагата.

Оваа кратка приказна ќе ви ја раскаже најважната животна лекција

Ивана Ефремовски — Wed, 31 May 2023 13:02:35 +0000

Еден постар Индијанец на својот внук му ја раскажал следнава приказна: -Во луѓето се одвива непрекината борба. Тука секогаш се борат два волци. Еден е лош – тој е стравот, гневот, зависта, каењето, огоченоста, лагите… Другиот е добар – тој е радоста, мирот, љубовта, надежта, добрината, сочувството, великодушноста, вистината, раскажал старецот. -Кој волк победува, дедо? – го прашал внукот на крајот. - Оној кој повеќе го храниш, одговорил стариот Индијанец.

По 100 години: Волците се вратија во Белгија

Ивана Ефремовски — Thu, 16 Mar 2023 11:44:39 +0000

Истражувач од Фламанскиот институт за истражување на природата и шумите (ИНБО) во источната белгиска провинција Лимбург пронашол отпечатоци од шепи од волк, коишто не се видени во Белгија изминативе 100 години.

Отпечатокот од предна шепа, лесно втиснат во калта, веројатно е стар само неколку дена. Според наводите, првпат по цел век, волци (иако веројатно во мал број) почнале да се населуваат во Белгија. Волците некогаш биле наголемо ловени во Европа. А, според локалните преданија, последниот волк во Белгија бил застрелан од кралот Леополд II во 1890-тите. Официјалните проценки за Европа од септември 2022 година велат дека „по силен пад во првата половина на 20. век, најдобрите достапни податоци сега посочуваат дека вкупниот број на волци во 27-те земји-членки на ЕУ веројатно е околу 19.000“, пренесе порталот „Кликс“. Проценките се различни, но денес се смета дека има околу 15 - 20 волци во Белгија, т.е. една глутница во Фландрија и една во јужна Валонија. Но, повторното оживување на ова животно, секако не е едноставен чин на природата. (МИА)

Колку волци гледате на оваа илустрација? Вашата моќ на забележување открива многу за вас

Ристе Здравков — Tue, 24 Jan 2023 08:41:50 +0000

Проверете го вашето чувство за детали. Оптичките илузии откриваат интересни факти за личноста и потсвеста на луѓето. Ако сакате да дознаете некои нови работи за себе, тогаш добро погледнете ја илустрацијата што ја подготвивме за вас. Имено, на илустрацијата е прикажан волк кој завива на Месечината, но и езеро и планини. Сепак, авторот на оваа илустрација успеал да сокрие повеќе волци, а вашата задача е да ги пронајдете и да научите нешто за себе врз основа на нивниот број. Тестирајте ја вашата моќ на перцепција, визија, но и концентрација бидејќи тоа зависи и од степенот до кој ги согледуваме деталите. Ако сте виделе два волци, вие сте личност која одговара на брз начин на живот и постојано движење, а немате време за детали. Не сакате да преанализирате работи кои се надвор од ваша контрола. Ако сте пронашле три волци, обрнување на внимание на деталите е една од вашите главни карактеристики. Сепак, вие ја покажувате оваа карактеристика само кога некој ве принудува да го сторите тоа. Но, оние кои успеале да ги пронајдат сите четири скриени волци се луѓе кои го забележуваат секој детал и ништо не препуштаат на случајноста. Организирано и аналитичко ви се другите имиња, па не чуди што успеавте да ги пронајдете сите четири волци.

Отворено писмо од дел од „Волците“ до Ковачевски: Предавството од своите боли повеќе од куршумот на непријателот

Ивона Петрова — Fri, 30 Sep 2022 09:40:19 +0000

Дел од припадниците на единицата „Волци“ се огласија преку отворено писмо по повод, како што велат лагите на премиерот Ковачевски искажани кон нивниот поранешен колега Драган Ковачки. -Ние, поранешни и сегашни припадници на "Волците" сме кажале дека политиката никогаш не била и никогаш нема да биде наша работа. Нас политика не не интересира. Облековме униформа за да ја браниме државата од надворешни и внатрешни непријатели. Тоа го докажавме во одбраната на државата во 2001 година ( но и пред и после неа ). Сите ние во Батаљонот за специјални намени - ВОЛЦИ ги имавме отпишано животите уште кога пристапивме во единицата. Ние бевме свесни дека со една нога секогаш сме во гроб. Реагираме по повод изнесените лаги за братот Драган Ковачки кој од страна на премиерот Димитар Ковачевски беше наречен дека е кодош, дезертер и странски шпион, се вели во отвореното писмо. Посочуваат дека нема да дозволат некој што не облекол чизми и одбегнал да служи тогаш кога „наши браќа гинеа на фронтот, да го омаловажува и навредува Драган Ковачки кој беше дел од нас и се уште е дел од нас“. Како што велат со сета своја војничка чест и интегритет потврдуваат дека ова се бесмислени лаги искажани од првиот човек на Владата. -Драган Ковачки е директен учесник во 2001 година како лидер на Против-терористички тим. Учесник е во сите борбени дејствија на единицата, а заради воени заслуги Драган Ковачки е вонредно унапреден во повисок чин. Само да ја потсетиме јавноста, под учество во борбени дејствија подразбираме офанзивни (нападни) борбени дејствија. Драган Ковачки беше со нас во Ирак во 2003 година во првата ротација. Беше офицер за специјални операции и за разузнавање. За таа прва ротација постои и објавена книга под наслов "Патот за Вавилон". Премиерот кој не служел војска треба да ја прочита книгата за да согледа кој е Драган Ковачки пред да го обвинува дека е шпион за странски служби. Премиерот Ковачевски веднаш треба да му се извини на братот Драган Ковачки затоа што лажно го клевети за да се спаси себеси од срамот што му го откри токму Ковачки. Оттука понатаму ние не се мешаме, само сакавме да укажеме дека Драган Ковачки ја има нашата поддршка, а премиерот Димитар Ковачевски ја нема нашата поддршка затоа што одбегнал воена обврска и не ни се придружи во 2001 година. Предавството од своите боли повеќе од куршумот на непријателот. Ова ние најдобро го знаеме и го искусивме неколку пати наназад во нашето постоење. Ова јавно напаѓање со измислени работи кон Драган Ковачки е напад на сите нас но и на сите припадници на специјалните единици и воопшто на припадниците на АРМ, се вели во отвореното писмо на „Волците“.

ВИДЕО: Глетка што ретко се гледа, мечка лови заедно со волци па на крај им го краде ловот

Магдалена Андонова — Mon, 10 Jan 2022 15:44:04 +0000

Видеото објавено од американскиот национален парк Јелоустоун покажува ретко виден случај - мечка лови со глутница волци, но се покажа дека не е ново пријателство - мечката го украла уловот и побегнала со него. Мечките и волците не се видови кои се дружат, објави Бизнис Инсајдер во неделата, но во овој случај мечката им се придружила на волците во лов на елени, малку демнела додека не убиле еден, а потоа влетала и им го украла пленот. Подмолното однесување кога еден животински вид краде храна од друг се нарекува клептопаразитизам. Претставниците на паркот велат дека не е невообичаено мечките да крадат храна од волците, но заедничкиот лов е затоа што двата вида обично се игнорираат еден со друг.

ОВАА СЛИКА Е ДОКАЗ ЗА КАТАСТРОФАТА ВО МАЛЕШЕВИЈАТА ПО ПОЖАРИТЕ: Волци слободно се шетаат, немаат засолништа и бараат храна

Дарко Андоновски — Mon, 09 Aug 2021 12:59:48 +0000

Волци кои слободно шетаат во малешевските ниви барајки храна и засолниште од пожарите е само еден од примерите за огромната катастрофа која го снајде Малешевскиот регион. Димче Беќарски од село Умлена кој утрово ја забележа појавата, вели дека по пожарите волците шетаат слободно и се закана за сточарите и нивниот добиток. -Волкот го забележав утрово додека собирав „јонџа”. Стоеше мирно, бараше правец кон кој може да се упати. Синоќа татко ми забележал уште два волка во близина на селото. По пожарите веројатно бараат како да се скријат, но поради оголените дрвја сега немаат каде, рече Беќарски. Според него, сега претстои опасност за добитокот поради што сточарите треба да направат се за да го заштитат. -Тоа мора да го направат, бидејки волците се подготвени се да нападнат, а со тоа и да направат голема штета, додаде Беќарски. За огромната штета која е нанесена на животинскиот свет како што дополни, допрва ќе сведочат вакви и слични ситуации. Она што засега исто така е доказ за големата катастрофа се и пронајдените изгорени срни на територијата на Пијанечкиот регион чии остатоци ги пронајдоа ловџии од делчевскиот регион.

(ВИДЕО) Глутница волци држат во страв цело село во Русија

Ивана Ефремовски — Thu, 24 Dec 2020 14:41:45 +0000

Група волци тероризираат и го плашат целото село во областа Буржан во Башкирија. Дури и кучињата чувари не можат да ги задржат овие предатори, пренесува телевизијата gtrk.tv. Селаните објавија видео на социјалните мрежи. Според авторите на снимките, дивите животни буквално го трасирале патот од шумата до селото Гаделгареево. Луѓето се во страв, се плашат да ги напуштат домовите кога ќе падне мракот, бидејќи не е познато кога волците повторно ќе се појават. Неколку чувари-кучиња веќе исчезнаа, обидувајќи се да им застанато на патот на непоканетите гости.

ФОТО: Погледнете како овца се заблагодари на кучето што ги спасило од глутница волци

Тале Кристо — Tue, 07 Jul 2020 17:02:44 +0000

Кучињата се најверни пријатели не само на човекот, туку и на многу животни. Тоа најдобро ќе го покаже фотографијата подолу на која се гледа раскрварен пес кој успеал да го одбрани стадото со овци. Погледнете потоа како една овца се заблагодарува на кучето што ги спасило од глутница волци:

Следниот месец ЗОО Скопје станува дом за редок и загрозен вид волци

Ивона Петрова — Mon, 15 Jun 2020 09:46:53 +0000

За првпат, Скопје ЗОО ќе биде дом на арктички бели волци, информираат од ЗОО Скопје. -Овие волци доаѓаат од зоолошките во Литванија и Германија и се редок и загрозен вид. На возраст се од околу една година и очекуваме во Скопје да пристигнат следниот месец. Белите волци ќе бидат втор вид на ретки бели животни во скопската зоолошка по белите лавови Чака и Бела кои веќе се омилени меѓу посетителите, информираат од ЗОО Скопје.