волк – Kurir.mk

МОЌНА И ПОУЧНА ПРИКАЗНА: „Кој волк победува, дедо?“

Ивана Ефремовски — Wed, 23 Mar 2022 21:57:01 +0000

Еден постар Индијанец на својот внук му ја раскажал следнава приказна: -Во луѓето се одвива непрекината борба. Тука секогаш се борат два волци. Еден е лош – тој е стравот, гневот, зависта, каењето, огоченоста, лагите… Другиот е добар – тој е радоста, мирот, љубовта, надежта, добрината, сочувството, великодушноста, вистината, раскажал старецот. -Кој волк победува, дедо? – го прашал внукот на крајот. Оној кој повеќе го храниш, одговорил стариот Индијанец.

МОЌНА ФОТОГРАФИЈА: Куче ги спаси овците од волци, а еве каква благодарност доби

Ивана Ефремовски — Mon, 08 Mar 2021 09:04:08 +0000

Оваа фотографија е толку моќна што покажува какви емоции знаат да покажат животните. Овца изразува благодарност на едно куче откако тоа го спаси нејзиното јагне и целото стадо од напад на глутница волци. Кучето е многу повредено, а во херојскиот чин го ризикуваше својот живот. Фотографијата нека биде лекција за луѓето и љубовта.

Човек хранел гладен волк цела зима: По 4 години волкот направил нешто неверојатно

Ивана Ефремовски — Fri, 25 Dec 2020 20:59:59 +0000

Маж од Алјаска додека се движел низ снежна рамнина случајно забележал волк. Уморен и гладен, волкот лежел и не можел да се движи. Мажот не се замислил ниту минута. Се доближил до волкот, ја споделил својата храна со него и го покрил со своето волнено палто. Таа зима не било лесно да се лови плен, па затоа мажот одел секој ден на истото место и го хранел волкот. До пролетта волкот собрал сила и си заминал. Човекот не жалел, таква е природата. Од време на време се сеќавал за неговиот стар другар но животот продолжил со вообилаеното темпо. Поминале 4 години. Човекот си ги вршел секојдневните обврски во домот кога слушнал виење на волк. Тогаш тој погледната во блиската шума до неговиот дом каде се покажале 4 волка. Но потоа се појавил оној волк кој тој го хранел. Животното не ја заборавило добрината на човекот и по толку многу време, дошоло да му го покаже неговото семејство.

8 знаци кои укажуваат на тоа дека сте волк во свет полн со овци

Катерина Бојаџиева — Wed, 17 Apr 2019 09:24:23 +0000

Можеби вашиот живот не е лесен, но секој ден вреди да се живее во целост. Да се биде волк во свет полн со овци не е воопшто лесно. Наспроти сѐ, силните, независните и уникатните луѓе секогаш го наоѓаат своето место под сонцето и често ги достигнуваат оние висини кои не му се достижни на обичниот човек. И како што вели една изрека: Подобро е да одиш сам во права насока, отколку да ја следиш толпата директно кон пропаст. Ако сте силна личност, овие 8 знаци покажуваат дека сте волк во свет полн со овци: 1.Вие сте посветени Кога имате цел, ништо не може да ви застане на патот. Вие секогаш сте мотивирани и подготвени за акција во кое било време. Како и волкот, имате моќ да постигнете сѐ што ќе посакате. 2.Ги штитите луѓето кои ги сакате Баш како и волкот кој води сметка за својата глутница, така и вие се грижите за саканите луѓе. Кога станува збор за најсаканите, вие веднаш се претворате во волк и ги штитите без оглед на сѐ. Ако некој ги допре, вие веднаш ги покажувате забите. 3.Вие сте независни Вие ја цените слободата повеќе од сѐ. Сакате да бидете тоа што сте и сакате да ги следите вашите патишта. Често сакате да се изолирате и да самувате за да ги преиспитате вашите цели. 4.Ја обожавате ноќта – тоа е вашето време Ноќта е време на волците. Тоа е дел од денот кога слабите одмораат, а волците напаѓаат. За вас, ноќта е време за размислување, а често и за работа. Најдобрите идеи ги добивате навечер. 5.Вие сте неверојатно чесна личност Луѓето понекогаш мислат дека сте „диви“, но вистината е дека немате време за лажење и играње игри. Секогаш настапувате искрено и секогаш го кажувате она што го мислите. 6.Ја прифаќате својата уникатност Зошто да ја следите толпата кога сте родени како волк? Вие сфаќате дека сте различни и единствени и се држите подалеку од луѓе кои ве влечат назад. Она што го сакате кај себе е тоа што знаете кои сте, каде се наоѓате и кои се вашите цели! 7.Вие сте горделива личност Што и да ви се случува во животот, секогаш останувате силни. Дури и ако не излезат работите како што треба, вие секогаш стоите со високо крената глава. Секога, па дури и во тие моменти, вие се борите за себе! Никогаш нема да се покорите! 8.Никогаш нема да се промените за некого Волкот секогаш е волк, тоа никогаш нема да се промени. Вие се сакате себеси и секогаш ќе бидете она што сте. Никој нема да може да направи овца од вас! Не дозволувајте некој да се обиде да го направи тоа!

ПАНИКА: Волк побегна од резерват во близина на училиште, полицијата го бара

Катерина Бојаџиева — Thu, 18 Jan 2018 15:12:29 +0000

Волк избега од резерват за диви животни, кој е во близина на училиште во Рединг, јужна Англија. Полицијата го бара животното, кое избегало откако силните ветрови ја урнале оградата на резерватот. На учениците им е забрането да излегуваат надвор од училиштето, а на граѓаните им е порачано да не му приоѓаат на волкот ако го забележат. Полицијата соработува со вработените во резерватот во обид да го најдат волкот, еден од десетте кои живеат во тоа живеалиште за диви животни.