Волкер Турк – Kurir.mk

Турк: Неприфатлив е напад врз болница

Ивона Петрова — Wed, 18 Oct 2023 06:11:03 +0000

Смртоносниот напад врз болница во Појасот Газа е целосно неприфатлив, изјави директорот на ОН за човекови права, Волкер Турк. Тој додаде дека сторителите мора да одговараат. - Стотици луѓе се убиени во масовниот напад врз болницата Ал Ахли во градот Газа, вклучувајќи пациенти, здравствени работници и семејства кои бараа засолниште во и околу болницата. Повторно најранливите. Ова е целосно неприфатливо, истакна Турк.

Турк: Ситуацијата на Западниот Брег се влошува, Израел мора да го почитува правото на живот

Тале Кристо — Fri, 23 Jun 2023 12:21:52 +0000

Високиот комесар на Обединетите нации за човекови права, Волкер Турк денеска соопшти дека ситуацијата на окупираниот Западен Брег нагло се влошува, додавајќи дека израелските сили убиле најмалку седум Палестинци, меѓу кои и деца, во бегалски камп. „Овонеделното насилство на окупираниот Западен Брег ризикува да излезе од контрола, поттикнато од острата политичка реторика и ескалацијата на употребата на напредно вооружување од страна на Израел“, рече Турк. Во изјава која ја пренесе портпаролот на прес-конференција за ОН, тој го повика Израел да ги усогласи своите постапки со меѓународното право.

Турк: Доколку продолжат руските напади ќе има сериозно влошување на хуманитарната ситуација во Украина

Ивона Петрова — Thu, 15 Dec 2022 12:09:24 +0000

Матамошните напади врз украинската инфраструктура може да предизвикаат сериозно влошување на хуманитарната ситуација и да поттикнат понатамошно раселување на Украинците, изјави денеска високиот комесар на ОН за човекови права, Волкер Турк. Зборувајќи пред Советот за човекови права по патувањето во Украина, Турк кажа дека руските напади изложуваат милиони луѓе на „екстремни тешкотии“. -Дополнителните напади може да предизвикаат сериозно влошување на хуманитарната ситуација и дополнително раселување, рече тој. Нападите врз неодамна ослободениот град Херсон, во јужниот дел на Украина, продолжија и денеска, изјави Кирил Тимошенко, заменик шеф на претседателовиот кабинет, додавајќи дека во најновото гранатирање загинале две лица. Украинскиот генерал Олексеј Громов денеска изјави дека Русија сака да ја претвори војната во Украина во долг воен конфликт и дека обучува нови војници на територијата на соседна Белорусија. Сепак, малку е веројатно дека од таа земја ќе биде започната воена операција, додаде тој.