волково – Kurir.mk

Ограбена спортска обложувалница во скопско Волково

Катерина Бојаџиева — Thu, 18 May 2023 15:03:19 +0000

На 17.05.2023 околу 23.00 часот во СВР Скопје било пријавено дека во спортска обложувалница во с.Волково, скопско, две лица со закана кон вработената одзеле пари од дневниот промет и два мобилни телефона. Се преземаат мерки за расчистување на случајот.

Отворена градинката „Сонце“ во Волково со згрижувачки капацитет за 150 деца

Катерина Бојаџиева — Thu, 16 Feb 2023 12:21:47 +0000

Во Волково денеска официјално се отвори детската градинка „Сонце“, изградена според современи стандарди и која има капацитет за згрижување на 150 деца. Вкупната вредност, вклучувајќи ја и опремата е близу 1,7 милиони евра, средства обезбедени преку Проектот за подобрување на социјалните услуги на Министерството за труд и социјална политика (МТСП) со поддршка на Светска банка и на Општина Ѓорче Петров. На настанот, покрај министерката за труд и социјална политика Јована Тренчевска, градоначалникот на Општина Ѓорче Петров Александар Стојкоски и директорот на Канцеларијата на Светска Банка за Македонија и Косово Масимилиано Паолучи, присуствуваше и премиерот Димитар Ковачевски кој најави дека за оваа година планираат изградба и доградба на дополнителни над 20 градинки во државава. -Од 2017 до денес отворивме 75 градинки со опфат од 5.500 деца, а заедно со оваа градинка тој број го заокружуваме на вкупно 76, со што се згрижени 5.650 деца. Од 2017 до сега давателите на услуги, воспитувачките и негувателките во градинките, добија околу 36 проценти повисока плата. Со новото усогласување во месец март овој процент ќе достигне нешто повеќе кумулативни 40 до 50 проценти вкупен раст за последните пет години, рече премиерот Ковачевски. Со новото законско покачување што ќе се случи во месец март, за кое премиерот очекува да порасне за 2 500 денари, минималната плата, како што рече, ќе достигне 20 500 денари. Ова, како што истакна, предизвикува линеарно зголемување на платите за околу 2 500 денари на сите вработени во јавните установи за предучилишно воспитание и образование. Министерката за труд и социјална политика нагласи дека од 2017 година МТСП има инвестирано во 76 градинки додека само преку Проектот за подобрување на социјалните услуги се предвиени 16 градинки од кои девет се пуштени во употреба. -Оваа градинка ќе биде втор дом за околу 150 дечиња кои низ учење преку игра ќе се вклучат во воспитно згрижувачкиот процес и ќе стекнат вештини и знаења за нивниот натамошен успешен развој. Оваа неверојатно архитектонско дело кое ја доби наградата во 2021 од асоцијацијата на архитекти ќе ги понуди најдобрите услови за децата, нагласи министерката Тренчевска. Според градоначалникот Стојкоски со отворањето на градинката „Сонце“ се намалува бројот на дечиња кои чекаат на списоците за упис во детските градинки. -Со правилен менаџмент за една година имаме намалување на листата за чекање од приближно 600 дечиња. Со целосно ставање во функција на овој објект ќе дојдеме до 180 деца кои се на листите на чекање. Раниот детски развој е особено важен за децата , за нивната социјализација и за стекнување здрави животни навики. Со сите ресурси со кои располагаме се залагаме да ги зголемиме капацитетите на постоечките градинки, рече Стојкоски. Директорот на Канцеларијата на Светска Банка за Северна Македонија и Косово Масимилиано Паолучи посочи дека со нивна поддршка МТСП почна 16 проекти поврзани со инфраструктурата. Најголем дел од нив, како што кажа, се завршени или се во напредна фаза на завршување и ќе овозможат две илјади деца во земјава да присуствуваат во градинката. Фокусот, додаде, е на децата од социјално обесправени групи. -Инвестирањето во раниот детски развој е најдобрата инвестиција што една земја може да ја поддржи. Секои четири евра потрошени денеска за гарантирање пристап до ран детски развој враќаат 16 евра назад. Владата, локалните самоуправи и државаат даваат висок приоритет на раното детско образование. Ние ќе продолжиме да соработуваме во допонлително унарпедување на раниот детски развој во Македонија, рече Паолучи.

Стојкоски: Новата детска градинка во Волково ќе згрижи над 135 дечиња, го надминуваме проблемот со сместување на деца во градинките

Ивона Петрова — Fri, 30 Dec 2022 11:55:42 +0000

Градоначалникот на Општина Ѓорче Петров, Александар Стојкоски денеска заедно со претседателот на ВМРО-ДПМНЕ, Христијан Мицкоски присуствуваше на увид на завршни градежни активности пред објектот на новата детска градинка „Сонце“, клон од градинката „Росица“ во Волково. - Должен сум да напоменам дека проектот е финансиран од Светска Банка преку Министерството за труд и социјална политика во поголем дел и дел она што го завршивме како градежни активности од приближно 7 милиони денари од страна на општината Ѓорче Петров во изминатата година. Успеавме да ги надминеме сите градежни проблеми кои што ги имавме со самиот објект, а се однесуваа пред се во делот на изградба на потпорните ѕидови, внатрешни, надворешни оградувања, во делот безбедноста на дечињата. Она што го имаме позади нас можете да видите дека сега има поставено ограда и на кровната конструкција. Во дел интервениравме во санитарните јазли, извршивме интервенција и во делот на системот за ладење и греење со што конечно објектот е спремен да ги прими дечињата. Се работи за објект во приближна големина од околу 1600 метри квадратни корисна површина, објект во кој што ќе можат да се сместат 7 групи на дечиња од различна возраст. Дополнително целата парцела на објектот е некаде околу 6.000 метри квадратни. Во овој објект ќе можат да се сместат по сите стандарди околу 135 деца, а верувам дека ќе може и повеќе, кога ќе земе градинката да работи со пол капацитет. Конечно успеавме да ги надминеме недоразбирањата со Министерството за труд и социјална политика бидејќи цела година баравме согласности за нови вработувања, да го отвориме овој објект и да профункционира објектот „Детелинка“ кој што до сега го финансиравме сами од страна на општината Ѓорче Петров. Со ова решаваме горлив проблем бидејќи тука со сместувања на овие деца очекуваме листата на чекање во градинките во Ѓорче Петров да дојде под 200 дечиња, инаку таа во еден момент беше и до 800 деца. Со правилна реорганизација годинава успеавме да запишеме околу 1300 дечиња. Јас верувам дека со отварањето на овој капацитет дека дополнително ќе се намали тој проблем. Паралелно со ова аплициравме годинава за изградба на нова детска градинка во населбата Дексион или Ѓорче 2. Изработивме и проект за нова детска градинка во Стопански Двор каде што имаме чиста локација. Во буџетот на општина Ѓорче Петров за 2023 година се предвидени средства за проектирање на две дополнително нови детски градинки од кој што едната во планот кој ни е во потапка на носење СЖ16 на местото на стамбен објект избришавме маркица и уцртавме маркица за градинка. Сметавме дека е многу попотребно во тој централен дел на Ѓорче Петров да предвидиме нови локации за детски градинки бидејќи и потребите на жителите во тој дел се најзиразени можам да кажам во моментот. Дополнително работиме и на локација на уште една детска градинка, тоа е во дворот на основното училиште „Димитар Поп- Ѓорѓиев – Беровски кој што со носење на планот кој што го опфаќа тој дел од општината Ѓорче Петров верувам дека дополнително ќе придонесе во надминување на овој горлив проблем, истакна Стојкоски.

Жена нападната во Волково

Ивана Ефремовски — Tue, 18 Oct 2022 15:00:48 +0000

На 17.10.2022 во 01:54 часот во Полициската станица Ѓорче Петров, В.Л.(51) од с.Волково, скопско, пријавила дека на 16.10.2022 околу 13:30 часот во двор од куќа во с.Волково, по претходно недоразбирање, била физички нападната со тврд предмет од Љ.Д.(58) од с.Сарај, скопско, кого го познавала. Се преземаат мерки за расчистување на случајот.

Драма во скопско Волково: Три жени се степале, една завршила во болница

Магдалена Андонова — Mon, 29 Aug 2022 14:56:09 +0000

Три жени се степале во скопско Волково, а едната завршила во болница поради здобиените повреди, информираше Министерството за внатрешни работи (МВР). Како што е наведено во полицискиот билтен, тепачката се случила во саботата околу 11 часот. „Во СВР Скопје од Градската општа болница ‘8 Септември’ било пријавено дека кај нив била донесена Т.Ј.З.(28) од Скопје со повреди здобиени од физички напад. Според пријавеното, истиот ден околу 11.00 часот во селото Волково таа била физички нападната од две женски лица“, наведено е во полицискиот билтен. Полицијата работи на расчистување на случајот, се додава во соопштението.

Продолжуваат активностите за изградба на повеќе од 20 улици во населените места во општина Ѓорче Петров

Ивона Петрова — Thu, 18 Aug 2022 08:51:40 +0000

Екипите на ЈП „Улици и патишта“ денеска работат на асфалтирање на улицата 23 во населеното место Волково која е во должина 120 метри и широчина од 3 метри на вкупна површина од 360 квадратни метри. Досега во населеното место Волково асфалтирани се улица 3, улица бб, ул.73 и улица 21 на вкупна површина од околу 1700 квадратни метри. Градежните активности продолжуваат на следната улица број 77 во Волково. По налог на Град Скопје, а во корелација со општина Ѓорче Петров екипите на ЈП Улици и патишта Скопје и во наредниот период ќе продолжат со асфалтирање и на останатите локални улици во населените места Волково, Ново Село и Стопански Двор согласно предвидената динамика.

Асфалтирана улицата 21 во населеното место Волково

Ивана Ефремовски — Mon, 15 Aug 2022 11:36:57 +0000

Денеска екипите на ЈП Улици и патишта, по налог на Градот Скопје ја завршуваат реконструкцијата на улицата 21 во населеното место Волково, во општина Ѓорче Петров. Се асфалтира површина од околу 700 квадратни метри, со должина на улицата од 200 метри и широчина од 3,50 метри. Во изминатиот период во ова населено место беа асфалтирани ул. 3, ул.бб и улица бр.73 .

Цело Волково остана без струја – има голем дефект

Ристе Здравков — Tue, 12 Jul 2022 15:45:34 +0000

Голем дефект на далековод во скопската општина Ѓорче Петров ги остави предмалку жителите на Волково, Ново Село и Стопански Двор без електрична енергија, објави „Плусинфо“. Од ЕВК за Плусинфо ја потвдиле информацијата и велат дека сите дежурни екипи се упатени кон далеководот. Се работи за голем дефект на далековод. Нашите дежурни екипи се веќе излезени на терен и работат на решавање на проблемот. Засега не се знае колку време ќе одземе поправката, односно кога повторно граѓаните ќе можат да користат струја – велат од ЕВН.

Градежните активности на градинката во Волково во завршна фаза

Ивона Петрова — Tue, 31 May 2022 11:10:10 +0000

Градоначалникот на Општина Ѓорче Петров информира дека во завршна фаза влегуваат градежните активности на градинката во Волково. Според динамиката на изведба, истите треба да бидат финиширани во јуни. -Заедно со Ана Бјерде, потпретседател на Светска банка за Европа и Централна Азија, висока делегација од Светска банка и министерката за труд и социјална политика, Јованка Тренчевска, денеска извршивме увид во објектот со интенција да биде пуштен во употреба во септември. Во разговор со министерката, добив ветување за брза реализација на согласностите за вработување за градинката во Волково, но и за објектот „Детелинка“ во У.З. Мирче Ацев кој е подготвен да прими околу 100-тина нови дечиња, вели Стојкоски. Пуштање во употреба на нови капацитети е еден од начините за намалување на листите на чекање при упис на деца во градинките. Градоначалникот посочува дека се свесни за проблемот, но работат со забрзано темпо кон подобрување на условите за дечињата во просториите за предучилишна возраст.

Градоначалникот на Ѓорче: Кој лаже, тој краде и на таван спие. Кој е тоа? Читај СДСМ!

Тале Кристо — Sat, 09 Apr 2022 19:11:40 +0000

По споделените фотографии од страна на СДСМ дека игралиштето „Бранители“ во Волково не било дофарбано и дека објавата за акцијата е евтин ПР, градоначалникот на Ѓорче Петров, Александар Стојкоски, на ироничен начин ги демантираше. Имено, Стојкоски објави фотографии, кои пред неколку денови беа доставени и до медиумите, а на кои се гледа дека игралиштето добило нов лик. Од нив, може да се потврди дека фарбањето е целосно завршено. Кој лаже, тој краде и на таван спие. Кој е тоа? Читај СДСМ, пишува кратко во својата реакција Стојкоски.