ФОТО+ВИДЕО: Волксваген и ја реставрираше „Бубата“ која ја вози 52 години

Ивона Петрова — Thu, 13 Dec 2018 20:10:41 +0000

„Бубата“ која Кетлин Брукс ја купила на 12. декември 1966. године ја нарекла Ени, а од тогаш тие две се неразделни цели 52 години. Кога Волксваген слушнале за овој случај, одлучиле целосно да ја реставрираат Ени. -Со мене беше низ мојот брак и развод. Во купувањето на куќата, почетокот на мојата работа, промената на неколку работни места, борбата со ракот на дојката. Секаде беше со мене и помина над 720.000 километри, вели Кетлин. Низ шега сопственичката на автомобилот вели дека Ени е иста како неа. -Спора е на угорнина и подобро работи кога е студено времето, вели сопственичката. Кога Волксваген дознале за нивниот однос, одлучиле да ја наградат за верност, а организиран е тим од 60 лица од фабриката во Мексико (каде последната, вистинска „Буба“ со воздушно ладење е направена во 2003 година), да извршат реставрација на Ени. Тимот ја спровел неверојатната трансформација, се со цел Кетлин да може да го користи автомобилот додека сака. Направени биле голем број унапредувања кои ќе и го олеснат возењето. Вградени биле диск-сопирачки на сите четири тркала, моторот бил преработен и зголема е моќноста на 1.600 кубика, ауспухот е од не’рѓосувачки челик, има електронско палење, но и многу други работи.

Фолксваген планира да го промени логото

Даниел Василев — Thu, 19 Apr 2018 17:40:28 +0000

Германската автокомпанија Фолксваген најверојатно ќе го промени своето препознатливо лого. Гигантот од Волсбург сака да го усогласи својот визуелен идентитет со промената на автоиндустријата кон електрични возила. Директорот на Волксваген Јохен Сенгпил најави деби на новото лого за следната година. Главната идеја е новата слика на логото да биде разнобојна со што компанијата да ја оттргне својата слика како „премногу германска“. Секако, на овој чекор на автокомпанијата е поради лошата слика која компанијата ја има во јавноста по дизел скандалот. Волксваген во наредните месеци ќе избере креативна агенција која ќе треба даде идеи за новото лого. Меѓутоа, со оглед на препознатливоста на актуелното лого, тешко е да се очекува оти Волксваген потполно ќе го промени визуелниот идентитет, освен мал футуристички редизајн. Нешто слично направи и Тојота со синкаст ефект на своето стандардно лого на електричните возила.

волксваген – Kurir.mk

ФОТО+ВИДЕО: Волксваген и ја реставрираше „Бубата“ која ја вози 52 години

Фолксваген планира да го промени логото