вонреден конгрес – Kurir.mk

ВМРО-ДПМНЕ за пропаднатиот вонреден конгрес на иницијативата: Уште една инвестиција на Заев пропадна, ВМРО-ДПМНЕ е реформирана партија

Катерина Бојаџиева — Thu, 18 Mar 2021 17:26:59 +0000

Во врска со откажување на таканаречениот вонреден конгрес на иницијативата Мериот, ВМРО-ДПМНЕ го истакнува следното: Уште една инвестиција на Заев пропадна. Уште еден пораз за тоа да се инсталира контролирана опозиција. Ова е и најголем доказ дека ВМРО-ДПМНЕ пактови со криминал не прави но и дека луѓе кои уценети одработуваат за Заев не може да бидат иднина. ВМРО-ДПМНЕ е реформирана и прочистена партија од компромитирани кадри кои решија да му служат на Заев. Ништо од приказните и лагите дека имале мнозинство делегати па дека нив им била намерата да направат промени во опозицијата со тезата Заев е добар, а ВМРО-ДПМНЕ не чини. ВМРО-ДПМНЕ е отворено за сите чесни и добронамерни луѓе и единствена цел останува пораз на Заев и одговорност за неправдите и криминалите. Македонската пролет доаѓа, велат од ВМРО-ДПМНЕ.

Иницијативата се посрамоти: Откажан вонредниот конгрес!

Ивана Ефремовски — Thu, 18 Mar 2021 17:13:41 +0000

Откако претходно најавија дека настанот ќе се одржи на 28-ми март, денеска испратија соопштение дека се повлекуваат. -Заради влошената епидемиолошка состоба и доцнењето со техничките подготовки, Иницијативниот одбор донесе одлука за одложување на закажаниот Вонреден конгрес, стои во нивното соопштение. Иницијативниот одбор додава дека навремено ќе ги информира делегатите и јавноста откако ќе се утврди новиот термин. Она што е симптоматично е тоа дека датумот за конгресот беше најавен на 10-ти февруари, кога епидемиолошката слика беше иста како и денеска, па оттука останува нејасно како наеднаш се променија работите веднаш откако Мијалков заврши во притвор? - коментира Лидер. Предводниците на иницијативата Ивица Коневски, Филип Петровски и Борче Стамов веќе две недели се отсутни од јавноста.

Иницијативниот одбор донесе одлука за одложување на закажаниот Вонреден конгрес

Ивана Ефремовски — Thu, 18 Mar 2021 15:57:23 +0000

Откако Сашо Мијалков заврши во притвор, МК „Мериот“ го откажа и Конгресот. Иницијативниот одбор за свикување на Вонреден конгрес на ВМРО-ДПМНЕ, одржа состанок на кој беа разгледани подготовките за Конгресот закажан за 28-ми март во Скопје. -Заради влошената епидемиолошка состоба и доцнењето со техничките подготовки, Иницијативниот одбор донесе одлука за одложување на закажаниот Вонреден конгрес. Иницијативниот одбор навремено ќе ги информира делегатите и јавноста откако ќе се утврди новиот термин, се наведува во нивното соопштение. Како дел од овој Иницијативен одбор се вбројуваат лица блиски до Сашо Мијалков. Откако тој е во притвор, се носи одлука за одложување на закажаниот Вонреден конгрес. Ова е само потврда на информациите кои кружеа во јавноста дека Мијалков стои зад оваа иницијатива.

ВМРО-ДПМНЕ: Иницијативата за вонреден конгрес на група луѓе е политичка иницијатива и има за цел да му помогнат на Заев да му фрлат гума за спасување

Дарко Андоновски — Wed, 10 Feb 2021 13:54:10 +0000

На прашањето: „Иницијативниот одбор за вонреден конгрес објави дека собрале потписи од делегатите за конгрес на 28 март. Како ја коментирате оваа информација и каков ќе биде одговорот на партијата дали доколку се одржи раководството ќе ги прифати одлуките на тој конгрес?“, Антонијо Милошоски од ВМРО-ДПМНЕ вели дека иницијативата за вонреден конгрес на група луѓе е политичка иницијатива на луѓе кои имаат за цел да му помогнат на Заев да му фрлат гума за спасување и да го одвлечат вниманието. -По однос на иницијативата за вонреден конгрес на група на луѓе кои подолго време имаат одредена дистанца од политичката партија ВМРО-ДПМНЕ, нашиот коментар е следен, оваа иницијатива не е статутарна, ниту е правна, ова е политичка иницијатива на група на луѓе кои имаат за цел да му помогнат на Заев да му фрлат гума за спасување и да го одвлечат вниманието. Во моменти кога државата е хибриден режим, најкорумпирана држава во Европа, нула вакцини, 3 илјади жртви, 55 илјади нови невработени и многу затворени фирми оваа иницијативна група се обидува тоа да го релативизира и Заев кој што во моментот во самото Собрание е на стаклени нозе со своето мнозинство да може да ја дефокусира јавноста да се занимава со споредни теми во опозицијата. Затоа сакам да напоменам дека ваквата иницијатива правно гледано е не статутарна политички гледано е координирана со Заев на кого што му е очајно потребен дефокус од лошите политики чија што цена ја плаќаат граѓаните со овој економски и здравствен колапс. На крајот на краиштата бидејќи и самиот месец март е најавен од самите иницијатори би било добро овие иницијатори заедно со Заев кој што најави исто така конгрес на СДСМ да одржат сплотени со Заев еден заеднички конгрес ако веќе одработуваат за Заев нека биде тоа на еден економичен начин на исто место и со иста цел. И само да додадам исто дополнително за ова иницијатива тоа би сакал да кажам во ВМРО-ДПМНЕ воопшто не сме изненадени од ваквиот чекор, овој чекор веќе беше најавуван долго време политички е координиран со Заев но истиот сметаме дека статутарно е неоснован а политички може до одредена мерка да му послужи на Заев но нема да го спаси од реалните проблеми на корупција и хибриден режим во кој што ја доведе државата, вели Милошоски.