вооружен грабеж – Kurir.mk

Вооружен грабеж во банка во центарот на Атина

Дарко Андоновски — Tue, 14 Sep 2021 10:41:42 +0000

Две непознати лица претпладнево извршиле вооружен грабеж во банка во строгиот центар на Атина, одзеле непознат паричен износ и побегнале, јави дописничката на МИА од Атина. Според грчката телевизија Мега, едниот со пиштол, а другиот со калашников им се заканиле на вработените и клиентите, во банката останале околу две минути, а откако ги земале парите, побегнале пеш. Грабежот се случи околу 12 часот напладне во филијала на банка што се наоѓа на една од попрометните улици во строгиот центар на Атина, во период кога постои голема раздвиженост, не само на грчките граѓани, туку и на туристи. Во тек е акција на полицијата за пронаоѓање и апсење на сторителите.

Грабеж во домот на славниот фудбалер: Спиеле со сопругата и 2- годишниот син кога упаднале вооружените крадци- еве ги деталите

Катерина Бојаџиева — Fri, 16 Apr 2021 15:14:40 +0000

Тројца вооружени мажи упаднале изминатата ноќ во домот на фудбалерот на италијанскиот фудбалски прволигаш Рома, Крис Смолинг, во Рим, јавија попладнево италијанските медиуми. Крадците под закана со оружје го принудиле Смолинг да им го отвори личниот сеф од каде украле часовник „Ролекс“, накит и други вредни предмети. Весникот „Газета дело Спорт“ објави дека Смолинг, неговата сопруга и двегодишниот син спиеле кога крадците упаднале во нивниот дом. Грабежот го пријавиле во полиција околу пет часот изутрината. Рома соопшти дека ќе му ја пружи „сета неопходна помош“ на својот фудбалер. Смолинг не беше во составот на Рома на вчерашниот реванш четвртфинален натпревар против Ајакс во рамки на Лига Европа поради повреда.

Разбојници ограбиле обложувачница во Гази Баба, едниот од нив пукал со пиштол

Дарко Андоновски — Sun, 13 Dec 2020 16:18:32 +0000

Двајца вооружени разбојници ограбиле обложувачница во Гази Баба, а едниот од нив пукал со пиштол и го нападнал вработениот. Според информациите на МВР, вчера околу околу 20,10 часот во полиција било пријавено дека во спортска обложувачница на подрачје на Гази Баба, две лица со закана украле пари, а едното од нив двапати испукало од пиштол, а потоа физички го нападнал вработениот С.З.(51) од Скопје. Од МВР велат дека зе преземаат мерки за расчистување на случајот.

Вооружени грабежи во две аптеки во Скопје

Катерина Бојаџиева — Sat, 28 Mar 2020 14:25:57 +0000

На 27 март 2020 во 11:05 часот во СВР Скопје било пријавено дека во аптека во трговски центар на бул.„Партизански одреди“ непознато лице со закана со нож одзело пари од вработената Т.Д.(30) од Скопје. Исто така вчера, во 11:40 часот во СВР Скопје било пријавено дека во аптека во трговски центар на бул.„Јане Сандански“, непознато лице со закана со нож одзело пари од вработената Е.П.(48) од Велес. Се преземаат мерки за расчистување на настаните.

КУРИР дознава: Вооружен грабеж вечерва во Ново Лисиче

Ивана Ефремовски — Tue, 25 Feb 2020 21:30:43 +0000

Голема драма, која за среќа не се претворила во трагедија, се случила вечерва во скопската населба Ново Лисиче, дознава КУРИР. Аптека на улицата „Февруарски поход“ е ограбена под закана со оружје. Пред да затворат со смената, вработените биле нападнати, а потоа и ограбени. Очевидец за КУРИР раскажува дека сцената била страшна. Вооружениот грабеж се случил веднаш до маалско кафуле и кладилница, објекти кои биле полни со луѓе во тој момент. Како што дознава КУРИР, грабежот се случил околу 22 часот, а полицијата и во моментов е на терен.

Вооружен филмски грабеж на патарина: Животот на вработените во опасност

Дарко Андоновски — Mon, 05 Aug 2019 10:18:10 +0000

Во четири часот утринава беше ограбена наплатната рампа кај Глумово. Како што дознава КУРИР две наоружани лица со фантомки на главата извршиле грабеж на патарината и ги држеле вработените во заложништво. КУРИР дознава дека во овие насилни моменти еден од вооружените крадци ги стопирал возилата кои се обраќаат на таа линија, а другиот со вперен пиштол кон главата на вработените барал пари. Насилничката драма не запрела тука, крадците започнале и да ги кршат и вратите на кабините во кои биле вработените за да и од таму земат пари. По грабежот тие се качиле на мотор кој бил паркиран и избегале во правец на Скопје. Вработените потресени и револтирани бараат надлежните да преземат нешто за поголема безбедност на нив и нивните животи, а досега никој не ги заштитувал и обезбедувал вработените. Случајот е пријавен во полиција, а направен е и увид на местото.

НЛБ Банка се огласи за вооружениот грабеж во експозитурата Чаир

Катерина Бојаџиева — Mon, 15 Apr 2019 11:03:45 +0000

НЛБ Банка се огласи преку известување за вооружениот грабеж во експозитурата Чаир. -Утринава во експозитурата Чаир на НЛБ Банка се случи вооружен грабеж. Клиентите кои се затекнаа во нашата експозитура и вработените на Банката се безбедни и во добра состојба. Во овој момент, Банката соработува со надлежните органи за најбрзо и ефикасно решавање на случајот. Средствата на нашите клиенти се сигурни, бидејќи Банката има осигурување на целиот свој имот и средства. Паралелно, работиме со истражните органи на утврдување на висината од направената штета, за што ќе ја известиме јавноста дополнително, стои во известувањето на НЛБ Банка АД Скопје.

Имало пукање, едно лице повредно: Детали за грабежот во НЛБ Банка во Чаир

Катерина Бојаџиева — Mon, 15 Apr 2019 10:12:34 +0000

Вооружени лица утрово извршиле разбојништво во „НЛБ банка“ на улица „Ферид Бајрам“ во скопско Чаир, при што се одземени засега непозната сума пари. Во МВР настанот е пријавен во 10.30 часот и како што појаснуваат дека при разбојништвото имало пукање од огнено оружје, но нема повредени. Од страна на разбојниците физички е повреден Е.Е. 26 години вработен како обезбедување во банката. Полициски службеници веднаш по пријавувањето на разбојништвото стигнале на местото на настанот и во тек е истрага за расчистување на случајот.

Вооружен грабеж во златарница во Прилеп

Дарко Андоновски — Tue, 25 Dec 2018 11:49:02 +0000

Околу 8:30 часот изутрината во центарот на Прилеп се случил вооружен грабеж, кога тројца вооружени напаѓачи насилно влегле во златарницата која е во старата прилепска чаршија, и се заканиле на продавачката и потоа заминале пленот.

Сведоци на разбојништвото биле околните дуќанџии. Полицијата го потврдува настанот, но се уште се прави увид.

Вооружен грабеж утрово на бензинска во Радишани- еве ги деталите

Катерина Бојаџиева — Fri, 10 Aug 2018 11:54:27 +0000

Непознат маскиран сторител, утрово во 4,24 часот извршил разбојништво во бензинска пумпа на улицата „Радишанска“. Сторителот со закана со пиштол од вработениот одзел засега неутврдена сума на пари, по што побегнал во непознат правец. Се преземаат мерки за пронаоѓање на сторителот и за целосно расчистување на случајот.