вооружен масакар – Kurir.mk

ШОКАНТНО БАРАЊЕ НА МАЈКАТА НА ДЕТЕТО УБИЕЦ ОД БЕЛГРАД – испратила писмо во кое масакрот не е споменат во ниту еден момент!

Дарко Андоновски — Mon, 21 Aug 2023 07:40:05 +0000

Мајката на момчето убиец од ОУ „Владислав Рибникар“ во Белград се обратила до институциите со барање да се реши прашањето за дообразувањето на нејзините две деца. Мајката на Коста К. во писмото со ниту еден збор не го спомнала масакрот во „Рибникар“, туку апелира за помош наведувајќи дека ситуацијата во која се наоѓа нејзиното семејство е сложена, објави Блиц. Во писмото кое, според Блиц, е многу кратко, мајката на момчето кое уби девет ученици и чувар наведува дека „прашањето за задолжително основно образование за нејзините деца е отворено“. Таа напоменува дека нејзината помала ќерка, која учела во истото училиште со Коста.К, не може да го продолжи образованието во „Рибникар“, а нејзиниот син е на Клиниката за неврологија и психијатрија за деца и млади. Мајката на момчето-убиец барањето го испратила пред неколку дена. Според Блиц, момчето убиец нема да биде пуштено од Клиниката, а неговата доедукација ќе се одвива според прописите. Бидејќи основното образование во Србија е задолжително со закон, индивидуалната настава ќе се посетува онлајн, според условите за хоспитализираните деца. Во текот на неделата треба да се знае дали ќе има одредени промени, како и каков точно ќе биде моделот на школување на момчето кое уби девет негови врсници и еден чувар.

Од деветмина ранети во двата масакри во Србија, тројца се во тешка состојба

Дарко Андоновски — Thu, 11 May 2023 08:55:15 +0000

Директорот на Универзитетскиот клинички центар на Србија, Милика Ашанин, изјави дека од деветте пациенти ранети во престрелките во Младеновац и во основното училиште „Владислав Рибникар“, тројца пациенти се во тешка состојба, пренесува Н1. Тој за Српската радио-телевизија изјави дека имаат шест пациенти од престрелката во Младеновац, дека сите лица на кои им бил опериран абдоменот се добро, а две лица се во тешка состојба. Според него, во тешка состојба е пациентката со тешка повреда на внатрешните органи, како и пациентката со повреда на главата, но и двајцата се свесни. Ашанин рече дека лекуваат тројца пациенти од училиштето „Владислав Рибникар“, дека еден пациент со повреди на вратот и ‘рбетот е во тешка состојба, а ученичката и наставничката се многу подобри. Како што јави РТС, девојчето кое беше повредено во пукањето во училиштето, а кое се лекува во детската болница во Тиршова, е во животна опасност.

Вооружен масакр ја шокира Канада, напаѓачот убиен

Тале Кристо — Mon, 20 Apr 2020 07:39:30 +0000

Најмалку 16 лица се убиени во напад што траеше 12 часа во канадската провинција Нова Шкотска. Габриел Вортман (51) пукал кон луѓе во неколку места во таа провинција. Властите се уште не утврдиле точен број на жртви и нивниот број може да се зголеми. Ова е најтешкиот масакр во историјата на Канада . Во 1989 година во Монтреал беа убени 14 луѓе. Напаѓачот носел делови од полициска униформа и, наводно, користел еден автомобил кој наликува на патролен. Тој не бил службеник за спроведување на законот, туку стоматолог. Вортман загинал по потера низ целата провинција. Засега не се познати мотивите за нападот и нема прецизни информации околу смртта на напаѓачот.