Вооружен напад – Kurir.mk

Деветмина ранети во вооружен напад во Сан Франциско, пукано од возило во движење

Тале Кристо — Sat, 10 Jun 2023 10:41:45 +0000

Полицијата во Сан Франциско соопшти дека ноќеска биле ранети девет лица во округот Мисион, откако врз нив било пукано од возило во движење. Пукањето се случило околу 21 часот по локално време. „Можеме да потврдиме дека има девет ранети во престрелката и се очекува сите да преживеат. Во моментов се чини дека инцидентот бил со предумисла и изолиран. По инцидентот веќе немаше опасност за јавноста“, соопштија од полицијата во Сан Франциско. Помошникот на општинскиот надзорник, Сантијаго Лерма, изјави дека полицијата му кажала дека врз луѓето биле пукани со огнено оружје и дека едно лице е оперирано. Некои од ранетите се здобиле со полесни телесни повреди, додека за другите не се знае состојбата. Лерма истакнува дека властите веруваат дека е пукано од автомобил во движење.

Последниот ранет во вооружениот напад кај Младеновац ќе биде пуштен од болница

Тале Кристо — Fri, 12 May 2023 18:18:44 +0000

И последниот ранет во вооружениот напад во околината на Смедерево и Младеновац во текот на денот ќе биде пуштен од смедеревската општа болница, потврдија за Радио-телевизија на Србија (РТС). Ноќта на пукањето бил примен со прострелна рана во потколеницата по што му била извршена операција и бил сместен на одделението за ортопедија. Осомничениот за убиството на осум лица во околината на Младеновац и ранувањето на уште 14, У. Б. (21), беше сослушан во Вишото јавно обвинителство во Смедерево и одредена му е мерка притвор до 30 дена. Ден претходно, на 3 мај, во ОУ „Владислав Рибникар“ тринаесетгодишен ученик уби осум врсници и училиштен чувар и рани уште седум лица.

Во вооружениот инцидент во Тунис загинаа пет лица

Дарко Андоновски — Wed, 10 May 2023 13:22:17 +0000

Бројот на жртвите од вчерашниот напад што се случи во близина на синагога во Тунис се искачи на пет. Во вооружениот инцидент загинаа три лица од обезбедувањето и двајца верници, од кои едниот бил француски државјанин. Нападот се случи среде годишниот аџилак на островот Џерба, кој привлекува стотици Евреи од Европа и Израел. Нападот го изврши чувар на поморски објект во Џерба, кој прво пукал врз свој колега, а потоа неселективно отворил оган кон безбедносниот персонал лоциран во близина на синагогата. Напаѓачот, пред да биде застрелан од полицијата, повреди четворица припадници на обезбедувањето и четворица верници.

ФОТО: Вооружен напад во Хамбург, најмалку шестмина загинати

Ивона Петрова — Thu, 09 Mar 2023 21:57:29 +0000

Најмалку шест лица се убиени, а неколку повредени во вооружен напад во северниот германски град Хамбург, јавуваат локалните медиуми. Полицијата на Твитер соопшти дека е во тек голема операција во градската област Алстердорф. Според првичните информации нападот се случил во црква. Дел од медиумите јавуваат дека двајца од повредените се со посериозни повредени. Како што пренесува хамбуршкиот „Моргенпост“, има седум тешко повредени, а 17 полесно повредени.

МВР со детали за вооружениот напад утрово во Топанско поле

Катерина Бојаџиева — Wed, 07 Dec 2022 10:02:52 +0000

Неколку лица со закана со оружје утринава во деловен објект во Скопје нападнале чувар, а потоа запалиле неколку банкомати кои биле во склоп на деловниот објект. -Во 05.54 часот во СВР Скопје било пријавено дека во деловен објект на ул.„М.К.Бригада“ во Скопје неколку лица со закана со оружје го нападнале чуварот Ш.М. Потоа, запалиле неколку банкомати кои биле во склоп на деловниот објект, информираат од МВР. Оттаму посочуваат дека се преземаат мерки за расчистување на случајот.

Вооружен напад утрово во Топанско поле, запалени банкомати во Трговскиот центар

Тале Кристо — Wed, 07 Dec 2022 08:49:45 +0000

Вооружен напад се случил рано утринава пред 6 часот во Трговскиот Центар во населбата Топанско Поле, објави Телма .

Неколку лица со закана со оружје го нападнале чуварот во објектот, а потоа запалиле неколку банкомати кои биле во склоп на деловниот објект. Се преземаат мерки за расчистување на случајот, соопштија од МВР.

Вооружен напад на универзитет во Манила – убиени три лица, меѓу нив и поранешна градоначалничка

Магдалена Андонова — Sun, 24 Jul 2022 13:23:17 +0000

Три лица се убиени денеска во вооружен напад на универзитет во Манила, а се чини дека станува збор за убиство со цел, соопштија филипинските власти. Инцидентот се случи на Универзитетот Атенео де Манила додека студентите по право и нивните семејства пристигнуваа на церемонијата на дипломирање, на која требаше да присуствува и претседателот на Врховниот суд. -Во нападот се убиени Роуз Фуригеј, поранешна градоначалничка на јужната провинција Басилан, нејзиниот помошник и чуварот на универзитетот, изјави локалниот претставник Џој Белмонте. Роуз Фуригеј, чија ќерка е една од матурантите, доаѓала да присуствува на церемонијата на дипломирање. Престрелките во училиштата и универзитетите се ретки на Филипините, и покрај благите закони за оружје. Но, целните убиства на политичари се доста чести, особено за време на избори, наведуваат западните агенции. (МИА)

Приведен осомничениот за вчерашниот вооружен напад во Чикаго

Катерина Бојаџиева — Tue, 05 Jul 2022 06:18:20 +0000

Американската полиција соопшти дека го уапсила Роберт Е. Крајмо, осомничениот за вчерашната пукотница во чикашкото предградие Хајланд Парк при што беа убиени шест, а ранети повеќе од 36 лица. Крајмо од покривот на зграда отворил оган од огнено оружје врз собраните на парадата по повод Денот на независноста. Според полициското соопштение, припадниците на органите на редот го опколиле автомобилот на осомничениот, кој со кренати раце излегол од возилото. Тој е приведен, а против него ќе биде покренато обвинение, се наведува во полициското соопштение без да се дадат детали околу мотивите за нападот. „Звучеше како огномет“, изјави пензионираниот лекар Ричард Кауфман кој се наоѓал преку патот од местото од каде напаѓачот пукал врз толпата, додавајќи дека слушнал околу 200 истрели. Настанал метеж, стампедо, луѓето се сопнувале, некои од нив расакрвавени се сопнувале меѓусебно во обид што поскоро да дојдат до засолниште. Повеќето од 36 лица повредени од нападот се со прострелни рани од огнено оружје. Дваесет и шест ранети лица на возраст меѓу осум и 85 години се префрлени во болницата во Хајланд Парк. Вчерашниот инцидент се случи додека кај Американците се уште се свежи сеќавањата на неколкуте оружени напади од неодамна, пред се на масакрот во основното училиште во Увалде-Тексас во кој беа убиени дваесеттина лица, како и десеттината жртви во нападот во супермаркет во градот Бафало во сојузната држава Њујорк.

Деветмина убиени во три нови вооружени напади во САД

Дарко Андоновски — Mon, 06 Jun 2022 07:13:40 +0000

Најмалку девет лица се убиени, а десетици ранети викендот во пукотници во три американски града. Три лица се убиени во оружен напад во сојузната држава Мичиген, во една од трите пукотници регистрирани во периодот од саботата вечер до вчера изутрината. Во пукотницата што се случила вчера изутрината во Сагинава, северозападно од Детроит, загинале две лица, додека една жена подоцна им подлегнала на повредите здобиени во инцидентот. Притоа се ранети уште две лица. Во другите судири викендот се убиени три лица, а најмалку 11 повредени кога неколку лица отвориле оган врз маса луѓе во френкфентен дел во центарот на Филаделфија. Три лица загинале, а 14 се ранети во оружен судир пред ноќен клуб во градот Чатаноди во сојузната држава Тенеси. Три лица биле повредени кога во нив удрил автомобил додека се обидувале да побегнат од нападот. Четиринаесетгодишно девојче е убиено, а осум лица се ранети во оружен напад извршен вечерта во саботата во трговски центар во Феникс, Аризона. Оружените инциденти се случуваат во мигови кога три американски градови се уште жалат по жртвите на злосторствата во кои неодамна беа убиени 35 лица – десет во пукотница во продавница во Бафало во Њујорк, 21 во основно училиште во Увалде во Тексас и четири во болница во Тулса, Оклахома. Во САД оваа година се регистрирани најмалку 240 масовни пукотници, што по дефиниција се инциденти во кои се погодени најмалку четири лица, не сметајќи го напаѓачот. Американскиот претседател Џо Бајден побара од Конгресот да го забрани офанзивното оружје, да ги засили контролите на лицата што поседуваат оружје и да спроведе други мерки за построга контрола на оружјето. Во текот на вчерашниот ден тој го повтори барањето за воведување рестрикции на купувањето полуавтоматско оружје.

Вооружен напад на фестивал: Едно лице загина, 7 повредени

Катерина Бојаџиева — Sun, 29 May 2022 17:37:45 +0000

Едно лице загина, а седум се повредени денеска при оружен напад на фестивал на отворено во источната американска држава Оклахома, соопштија локалните власти. Во соопштението на Државното истражно биро на Оклахома се наведува дека меѓу луѓето врз кои е отворен оган во близина на Тафт има двајца малолетници. Никој досега не е уапсен, објавија медиумите. На настанот по повод Денот на сеќавањето присуствувале околу 1.500 луѓе. Засега нема информации за здравствената состојба на повредените.