вооружена престрелка – Kurir.mk

Вооружена престрелка на концерт во САД, повредени шест лица

Тале Кристо — Sat, 15 Jan 2022 12:43:14 +0000

Најмалку шест лица се повредени во престрелка за време на концерт во Јуџин, Орегон. Ова го соопшти градската полиција преку Твитер. Синоќа на паркингот пред објектот каде се одржувал локален концерт дошло до инциденти со огнено оружје. Полицијата и служби за итна помош пристигнале на местото на настанот. Пет жртви биле веднаш транспортирани во локалната болница. Подоцна нивниот број се зголеми на шест. Мотивите за инцидентот засега не се познати.

Престрелка во Арачиново: Причината е нарушени семејни односи

Катерина Бојаџиева — Tue, 17 Aug 2021 20:59:57 +0000

Вчера во 23.42 часот во СВР Скопје, Ш.О.(26) од с.Арачиново, пријавил дека околу 22.30 часот во с. Арачиново, додека се движел со неговото патничко возило „ауди А4“ со скопски регистарски ознаки, во кое биле неговата мајка Џ.О.(45) и неговиот брат А.О.(20), од патничко возило „ауди А4“, со германски национални ознаки, во кое биле О.М.(36) од с.Арачиново и С.Ќ.(26) од с.Љуботен, скопско, биле испукани проектили кои го оштетиле неговото возило. Повредени лица нема, а според пријавата, причина за нападот се нарушени семејни односи. Полициски службеници излегле на местото. По наредба на Јавен обвинител, Ш.О. и А.О. биле приведени во полициска станица, поради сомнение дека и тие употребиле огнено оружје. По целосно расчистување на случајот ќе бидат поднесени соодветни поднесоци.

Почина ранетиот во престрелката во Диво Насеље

Ивона Петрова — Wed, 31 Oct 2018 21:30:13 +0000

Лицето кое што вечерва беше погодено од огнено оружје во пукањето во Куманово, им подлегна на повредите во Клиничкиот центар во Скопје. Оваа вест ја потврдија и од болницата, јавува ТВ 21. До пукањето дошло после расправијата меѓу две семејства во кумановско Диво Насеље. Ранетото лице поради тежината на повредите беше донесено во Скопје, но ја загуби битката за животот. Од тепачката неколку лица од двете семејства се полесно повредени.

Вооружена престрелка вечерва во Скопје

Матеја Петровски — Thu, 16 Aug 2018 19:48:16 +0000

Вечерва дошло до вооружена престрелка во Скопје, дознава Курир. Вечерва околу 19 часот на улица Лазо Трповски, во близина на еден маркет по претходна расправија меѓу три лица дошло до меѓусебна престрелка, потврдија од МВР за Курир. Според информации, до престрелка дошло најверојатно поради нерасчистени имотно правни односи. Според нашите информации нема повредени, а увидна екипа од полицијата е излезена на терен, каде се работи на расчистување на случајот. Повеќе детали се очекуваат во текот на утрешниот ден.

Поранешна НБА ѕвезда убиена при престрелка со полицијата

Даниел Василев — Sat, 07 Jul 2018 13:15:34 +0000

Поранешниот НБА играч и Тајлер Ханикат се забарикадирал во куќата во Лос Анџелес и пукал на полицијата, која го убила, јавуваат американските медиуми. Полицијата добила повик од мајката на кошаркарот која им рекла дека нејзиниот син се однесува неконтролирано. Кога полицијата пристинала на местото, тој пукал на полицајците кои возвратиле. Според медиумите, ниту еден од полицајците не е повреден во пукотниците, а околу 30 станари од соседството се евакуирани, при што реагирала и полициските специјалци. Тие по пукотниците го пронашле мажот во куќата кој не давал знаци на живот. -Единицата SWAT влезе во куќата и пронајде безживотно тело. Тој е прогласен за мртов на лице место. Истражувачите од нашето одделение се на местото на настанот и спроведуваат истрага, а ние ќе дадеме повеќе детали кога ќе ги имаме, се вели во соопштението на полицијата од Лос Анџелес. Ханикат минатата сезона играше за Химки, а претходната за Анадоли Ефес.