вооружени лица – Kurir.mk

ДРАМА СРЕДЕ БЕЛ ДЕН ВО СКОПСКИ ЦЕНТАР: Три вооружени лица влегле во банка, украле пари и испукале еден куршум

Магдалена Андонова — Tue, 08 Mar 2022 16:19:13 +0000

На 08.03.2022 во 12.35 часот во Полициска станица Центар било пријавено дека од експозитура на банка на подрачје на Центар три лица со закана со оружје од вработените одземале пари, по што во близина на местото на настанот едно од лицата испукало еден куршум. Повредени лица нема. Се преземаат мерки за расчистување на случајот.

Вооружени лица нападнаа затвор и ослободија околу 1.000 затвореници

Катерина Бојаџиева — Sat, 23 Oct 2021 14:15:45 +0000

Тешко вооружени мажи упаднаа во затвор во југозападна Нигерија користејќи гранати, соопштија денеска затворските служби, а според непотврдени медиумски извештаи, речиси илјада затвореници избегале. – Вооружените луѓе кои дојдоа беа во голем број. Го нападнаа синоќа поправниот дом „Абонлого“ со гранати. Многу затвореници беа повторно уапсени по нападот и тоа сè уште трае, изјави Оланруаџу Анжорин, портпарол на управата на затворот во државата Ојо, без да прецизира колку затвореници избегале и без да потврди дали има жртви. Полицијата наскоро ќе даде изјава со детали за нападот, додаде портпаролот. Неколку локални медиуми објавија дека за време на нападот биле ослободени речиси 1.000 затвореници. Сè уште не е можно да се потврдат таквите наводи. Околу 240 затвореници избегаа за време на напад на друг затвор на 13 септември во државата Коги во централниот дел на Нигерија. Во април, повеќе од 1.800 затвореници избегаа за време на напад на друг затвор во југоисточниот дел на земјата.

Вооружени и маскирани лица одзеле пари од обложувалница во Теарце

Магдалена Андонова — Mon, 23 Nov 2020 15:17:07 +0000

Две лица со маски и оружје украле пари од спортска обложувалница ноќеска во тетовско Теарце. Полицијата нема информација колку точно пари се одземени, но го потврдува оруженото разбоништво. -Вчера вечер околу 22 часот и 30 минути во СВР Tетово е пријавено дека две лица со закана со оружје од спортска обложувалница во тетовско Теарце одзеле пари, информира портпаролот на СВР Тетово, Марјан Јосифоски. По пријавата на случјот е извршен увид и се преземаат мерки за расчистување на случајот.