Ворен Бафет – Kurir.mk

Милијардер се уште живее во куќата што ја купил пред 65 години, што ќе појадува зависи од берзата

Ивона Петрова — Sun, 05 Mar 2023 19:28:32 +0000

Американскиот милијардер Ворен Бафет сè уште живее во куќата што ја купил пред 65 години за 31.500 долари. Куќата на овој 92-годишник, кој е извршен директор на конгломератот Беркшир Хатавеј, се наоѓа во Омаха, град во американската сојузна држава Небраска. Го купил за 31.500 долари, што е денешни 329.000 долари, јавуваат американските медиуми. -Тој е автентичен. Автентичноста на Бафет е навистина реална бидејќи тој го живее она што го кажува, вели новинарката на CNBC, Беки Квик, која често го интервјуира. Во своето писмо од 2010 година до акционерите, Бафет често ја споменувал вредноста на поседувањето дом и го истакнувал неговиот дом како трета најдобра инвестиција во животот. Споменатата куќа има пет спални соби и е на пет минути возење од седиштето на конгломератот Беркшир Хатавеј. Изградена е во 1921 година и сега се проценува дека вреди 1,2 милиони долари. Како што пренесува CNBC, милијардерот нема намера наскоро да го замени овој дом со полуксузен имот. -Среќен сум таму. Би се преселил ако мислев дека ќе бидам посреќен на друго место. Топло ми е во зима, студено во лето, удобно ми е. Не можев ни да замислам да имам подобра куќа, изјави тој за Би-Би-Си во 2009 година. И покрај тоа што американскиот деловен медиум Блумберг процени дека неговото богатство вреди 106 милијарди долари, тој е личност која не троши многу. Неодамна го замени телефонот на преклоп од 20 долари за Ајфон 11 од 2020 година. На петминутното возење до канцеларијата, тој обично купува појадок во синџир ресторани за брза храна - Мекдоналдс, каде во просек троши околу три долари. Во документарниот филм на HBO „Becoming Warren Buffett“ тој истакна дека тоа што ќе појадува зависи од движењето на берзата. Како што рече, ако сланината, јајцата и кашкавал чинат 3,17 долари, а тоа утро берзата е во пад, тогаш тој ќе јаде нешто што чини 2,95 долари.

Милијардерот Бафет предупредува: Следува пандемија каква досега не сме виделе

Ивона Петрова — Sat, 10 Jul 2021 09:20:12 +0000

Американскиот милијардер и ивестиционен гуру Ворен Бафет неодамна објави дека доаѓа уште една пандемија кога може да биде полоша од Ковид-19. Уверен дека и покрај тоа што пандемијата е совладана, светот не е подготвен да се соочи со вонредна состојба. Како што вели, го загрижуваат и економските последици од Ковид-19 пандемијата која најмногу гу погоди малите претпријатија. -Милиони мали компании се ужасно погодени, вели Бафет. Од друга страна, големите компании работат прилично добро, што според него значи дека економското влијае е причично неусогласено. Открива дека сепак не е се завршено. Популарниот милијардер и самиот во интервјуто признава дека преживеал моменти на финансиска неизвеснот бидејќи не знаел што ќе се случи со авиокомпаниите во сопственост на BNSF Рејлвеј и НетЏет -Сите знаеме дека постои нуклеарна, хемиска, биолошка и сајбер закана и дека светот не е подготвен да се носи со неа. Следува пандемија каква досега не сме виделе, заклучува Бајфет.

Најуспешниот инвеститор во светот влезе во клубот на најбогатите со повеќе од 100 милијарди долари

Ивона Петрова — Thu, 11 Mar 2021 10:00:58 +0000

Американскиот милијардер Ворен Бафет се приклучи на групата луѓе чиј имот се проценува на повеќе од 100 милијарди долари, објави списанието Форбс. Акциите на „Беркшир Хатавеј“ на Бафет вчера достигнаа рекордно ниво, со што неговото богатство достигна 100,3 милијарди долари. Бафет на врвот на листата на најбогати им се придружи на Џеф Безос, Илон Маск, Бернард Арно и Бил Гејтс. Ворен Бафет важи за најуспешен инвеститор во светот, а тој донираше милијарди од своето богатство во добротворни цели.

Ворен Бафет наполни 90 години: Овие се неговите совети за успех

Магдалена Андонова — Mon, 31 Aug 2020 13:03:40 +0000

Најуспешниот инвеститор на 20 век наполни 90 години. По тој повод неговиот пријател и исто така успешен бизнисмен, основачот на „Мајкрософт“, Бил Гејтс му направи торта. Гејтс преку видео на Твитер му се обрати на својот пријател Бафет. -Ворен, среќен 90-ти роденден, рече Гејтс.

Happy 90th birthday, Warren! pic.twitter.com/8nH2EulTR4
— Bill Gates (@BillGates) August 30, 2020

Бафет подели многу свои совети со дипломците за тоа како најлесно да се заработи. Секако овие совети не им вредат само на младите луѓе на почетокот на кариерата, туку може да ги употреби секој кој сака да оствари успех во капиталистичкото општество. Ова се некои од нив… Не е се во инвестирањето Првото нешто што луѓето можат да научат од Ворен, се разбира, е како да се размислува за инвестирање. За жал, повеќето луѓе застануваат само на ова, и на тој начин го пропуштаат фактот дека тој има огромно знаење за бизнисот и дека е многу моќен. На пример, тој тврди дека пазарот треба да се игнорира наместо да се следи, само затоа што на тој начин ќе ги искористите недостатоците на пазарот и грешките на компаниите. Користете ја својата платформа Многу бизнис менаџери им пишуваат писмa на своите акционери, но Ворен е со право познат по неговиот стил. Ворен е подготвен да зборува отворено и критикуваат нешта, исто како што не се двоуми да заземе став, како на пример кога даде поддршка на законот за зголемување на даноците за богатите, иако тоа директно се коси со неговите интереси. Мораш да бидеш свесен колку е твоето време драгоцено Без оглед колку пари имате, не можете да купите повеќе време. Секој ден има само 24 часа. Ворен не дозволува неговиот календар да биде исполнет со неважни состанови. Од друга страна, пак, е многу дарежлив со одвојување време за луѓе кои му се вредни. Никогаш не престанувајте да учите Според зборовите на Чарли Мундер од „Berkshire Hathaway“, Ворен Бафет ги насочил своите активности на неколку работи, со максимална концентрираност на нив. Работејќи така 50 години, станал експерт во тие нешта, исто како што на пример, Роџер Федерер е мајстор во тенисот. Со други зборови, Бафет сфатил во што е добар и константно работел на тоа усвојувајќи нови знаења. Клучот е трпеливоста Во бизнисот, но и во многу други нешта, трпението е важно, ако не и пресуден фактор. Бафет знаел кога треба да почека, иако е многу лесно да попуштиш на притисокот и да го „притиснеш копчето“. Но наместо избрзани одлуки, тој седел и чекал подобра понуда, која на крајот сепак се појавила. Трпението многу често значи – чекор напред. Дадете им признание на своите колеги Секој успешен претприемач не успеал сам. Секогаш тука биле другите успешни колеги, работници или деловни партнери кои го одработувале својот дел од работата. Ако сакате да ги следите чекорите на Ворен Бафет, никогаш немојте да заборавите да им се заблагодарите или да ги наградите луѓето кои ви помогнале на патот до успехот.

Милијардерот Бафет купи уште 75 милиони акции на Епл

Даниел Василев — Fri, 04 May 2018 11:35:35 +0000

Милијардерот Ворен Бафет, односно неговиот фонд Беркшир хатавеј, купи уште 75 милиони акции на Епл (Apple). Со тоа овој бизнисмен дополнително го зголеми својот удел во ИТ компанијата - сега има вкупно 240,3 милиони акции во вредност од 42,5 милијарди долари. - Тоа е неверојатна компанија. Мислам дека заработува двапати повеќе од другите најпрофитабилни компании во САД ", истакна Бафет. МИА

Седум совети од најбогатиот човек во светот кои гарантираат среќа

Ивона Петрова — Wed, 04 Apr 2018 20:52:04 +0000

Чувството на среќа доаѓа ретко, а обично не трае долго. Но, со дисциплинирано однесување, како што велат голем број успешни луѓе, до него може да се дојде. Затоа ви пренесуваме седум кратки совети кои Ворен Бафет, еден од најбогатите бизнисмени на денешницата, ги сподели со своите пријатели на Твитер. -Не се расфрлајте -Помалку зборувајте -Учете секој ден -Помагајте им на оние кои се помалку среќни од вас -Смејте се секојдневно -Игнорирајте ги безмислиците -Не очекувајте да го имате она што не ви припаѓа Советите на Ворен можеби не е лесно да се применуваат во пракса, но едно им е заедничко. За ниту еден не ви се потребни пари.