восочна фигура – Kurir.mk

ФОТО: Музејот на восочни фигури итно поправа скулптура на Двејн Џонсон поради голема грешка

Ивона Петрова — Thu, 26 Oct 2023 17:07:01 +0000

Францускиот музеј на восочни фигури Гревин веднаш почнал да ја поправа фигурата на Двејн Џонсон откако тоа го побарал самиот актер, а фановите претходно го информирале дека бојата на кожата на фигурата е посветла од неговата природна. Музејот Гревин гордо ја откри фигурата на актерот во природна големина кон средината на месецот, брзо предизвикувајќи бран критики од неговите обожаватели. Најголем дел од поплаките беа за бојата на кожата. Критики имало и за облеката на фигурата.

View this post on Instagram

A post shared by BBC News (@bbcnews)

Откако самиот актер објави на Инстаграм, коментирајќи дека „неговиот тим ќе им се обрати на пријателите во музејот Гревин во Париз за да поправат некои важни детали за неговата восочна фигура, почнувајќи од бојата на кожата“, тимот на музејот брзо почна да работи. Директорот на музејот, Ив Делхоме, изјави за АФП дека неговиот персонал планира да работи „цела ноќ“ за да ја доведе восочната фигура на „очекувањата на обожавателите“. Тој проблемот со бојата на кожата на фигурата го нарече „проблем со осветлување“, ветувајќи дека ќе го реши.

Восочната фигура на Роналдо во новиот музеј „Мадам Тисо“ во „погрешен“ дрес (ФОТО)

Ристе Здравков — Tue, 26 Oct 2021 06:36:12 +0000

Оваа недела е отворен првиот музеј „Мадам Тисо“ во арапскиот свет, а меѓу бројните восочни фигури се појави онаа на Кристијано Роналдо. Восочниот Роналдо изгледа одлично, но има еден проблем – е во „погрешен“ дрес на Јувентус. Како што е познато пред неколку недели Роналдо се врати во Јунајтед, но очигледно дека авторот ја направил оваа фигура додека Роналдо бил дел од тимот од Торино. Управата на Музејот соопштила дека ќе го замени дресот на Португалецот во најскор можен начин. „Во светот на спортот многу работи се менуваат, па така и во фудбалот многу брзо играчите ги менуваат клубовите. Фановите на Роналдо набрзо ќе бидат возбудени кога ќе чујат дека неговата восочна фигура ќе биде со новиот дрес на Манчестер Јунајтед“, објави управата во соопштението.

Навивачите разочарани од восочната фигура на Меси (ФОТО+ВИДЕО)

Магдалена Андонова — Sat, 05 Dec 2020 09:34:26 +0000

Музејот на восочни фигури во Барселона ја изложи новата статуа на капитенот на каталонскиот клуб Лионел Меси, предизвикувајќи подбивни реакции од навивачите поради „изобличениот“ лик на Аргентинецот. Меси е претставен во клупските бои на Барселона со неговиот заштитен број 10 и карактеристичната поза во која ги прославува головите со кренати прсти кон небото. Статуата предизвика големо разочарување и подбивни реакции на социјалните мрежи од голем број навивачи, кои коментираат дека ликот на Меси на восочната фигура е изобличен и повеќе наликува на играчот на Јувентус, Арон Рамзи или голманот на Атлетико Мадрид, Јан Облак.

A statue of Lionel Messi has been unveiled at Barcelona's wax museum 👀 pic.twitter.com/g0eXgPhN7U
— ESPN FC (@ESPNFC) December 4, 2020

Поради обвинувањата за злоставување на деца: Восочната фигура на Мајкл Џексон заменета со фигура на Бред Пит

Ивана Ефремовски — Tue, 12 Feb 2019 08:07:25 +0000

Најстариот трговски центар во Данска ја отстрани восочната фигура на Мајкл Џексон од страв дека може да биде навредлива за купувачите или да биде оштетена заради обвинувањата кон Џексон за злоставување деца. Директорката на маркетинг центарот Редовр, Шарлот Андерсен, трговски центар кој се наоѓа во предградието на Копенхаген, изјави за данската телевизија ТВ 2 дека добиле петнаесетина поплаки од семејства со деца заради фигурата на Џексон. Центарот најави организирање на изложба на восочни светски ѕвезди, вклучувајќи и на Мерлин Монро и Џулија Робертс за време на неделниот зимски школски распуст во Данска кој почна денес. Восочната фигура на Џексон е заменета со фигура на Бред Пит. Трговскиот центар на 75.500 квадратни метри е прв центар отворен во Данска во 1966.година.