воспитувачка – Kurir.mk

За малку ќе му ја откинеше раката: Воспитувачка во Србија се однесува неодговорно кон децата (ВИДЕО)

Предраг Кукиќ — Thu, 18 Jul 2019 15:52:09 +0000

На социјалните мрежи се појавивидео од воспитувачка во домот за незгрижени деца во Србија, која според наведеното се однесува неодговорно кон малите деца кои се без родители. Имено , на снимката се гледа како го носи детето за една рака и со мобилниот ги фотогрфира, и се допишува а мобилен телефон не е дозволен во таа просторија, а воедно не обрнува внимание на децата кои плачат, туку се допишува на телефон. На фејсбук страната на „Левијатан“ се повикува да реагира МВР на оваа снимка. Центарот за заштита на деца без родители во Белград, веднаш по снимката реагирале и ја суспендирале медицинската сестра Џ.А.

Воспитувачката која истепа дете во скопска градинка и понатаму оди на работа

Ивана Ефремовски — Fri, 09 Feb 2018 17:18:29 +0000

МВР се уште работи на расчистување на случајот во клонот „Калинка“ на градинката „Срничка“ во Аеродром по обвинувањето на мајка дека воспитувачка го тепала нејзиниот шестгодишен син. Вчера била сослушана посочената вработена во градинката, но таа негирала дека го удирала детето. Дополнително полицијата ќе разговара со други негувателки и воспитувачки како и со родители на деца кои се згрижени во установата дали имале слично искуство, пренесе Сител. Според пријавата на мајката, кога го зела детето од градинка во вторникот имало оток на десниот образ и кажало дека го удирала воспитувачката. Случајот го испитувале и инспекциските служби од министерството за труд и социјална политика. Разговарале со сите инволвирани, но немале сведоци дали навистина детето било малтретирано. - Затоа оставаме другите органи за истрага да ја утврдат состојбата за да ние можеме понатаму да влеземе во законските процедури кои што ги има детската инспекција, изјави Мила Царовска, министер за труд и социјална политика. Во меѓувреме градоначалникот на Аеродром изјави дека воспитувачката оди на работа. - Додека трае истрагата не можеме да преземеме мерки дали е тоа вистина или не, изјави Златко Марин, градоначалник на општина Аеродром. Крајот на истрагата го чека и раководството на градинката. Од таму за Сител велат дека доколку се утврди вина кај воспитувачката ќе следи соодветна санкција, а ако немало таков настан ќе си продолжи да си работи.

Родителите бесни, воспитувачка во градинка ги депилирала децата (ФОТО)

Ивона Петрова — Fri, 09 Feb 2018 11:51:32 +0000

На воспитувачката во градинка очигледно не и се допаднало што децата имаат споени веѓи, оа одлучила тоа да го промени. Револтирани родители поднеле жалба откако воспитувачка во градинка ги депилирала веѓите на нивните деца, без нивна дозвола. Гленда Круз не можела да поверува кога отишла да го земе синот од градинка и кога видела дека тој имал неуспешен третман за убавина. -Знам дека многу од вас ќе кажат дека ова не е важно, но за мене е бидејќи детската кожа е многу чувствителна. Мојот син е бебе и не знае да се брани. Нема уште ни две години и сега се чувствувам како лоша мајка бидејќи не го заштитив, пишува мајката на Фејсбук. Таа исто така објавила и фотографии на кои јасно се гледа на нејзиниот син му се депилирани веѓите. Набрзо потоа се јавила и друга мајка која потврдила дека на нејзиното дете му се случило истото. -Ја однесов мојата ќерка во градинка, за да може да завршат некои работи. Кога ја земав видов црвена трага меѓу нејзините очи. Мислев дека е изгребана, но кога дојдов дома сфатив дека воспитувачката ги депилирала веѓите на моето дете, напишала Алиса Салгадо. Двете мајка поднеле жалби против воспитувачката.

Воспитувачка тепала дете, за случајот се огласи општина Аеродром

Ивана Ефремовски — Wed, 07 Feb 2018 16:03:46 +0000

Општина Аеродром испрати соопштение во врска со случајот дека воспитувачка во детска градинка во Аеродром тепала дете. Соопштението од општина Аеродром, го пренесуваме во целост Во понеделникот, 5.2.2018 година, родителката Е.Г. (36) од Скопје пријавила кај директорот на градинка во Општина Аеродром дека забележала оток на десниот образ на нејзиниот шестгодишен син. Според изјавата на детето, воспитувачката го удрила неколку пати по десниот образ. Директорот на градинката ја упатил Е.Г. да го однесе детето во Здравствена установа за да се утврдат евентуални повреди и да пријави во полиција за да може да се постапува по случајот. Од страна на лекар била издадена потврда за констатирани повреди во вид на оток во пределот на лицето. Раководството на градинката оствари разговор со вработената, која го негира инцидентот. МВР во моментов презема мерки за целосно расчистување на случајот. Општина Аеродром е во постојана комуникација со директорот на градинката, кој наскоро очекува одговор од МВР во однос на случајот. Доколку се утврди вина, веднаш ќе се спроведат соодветни санкции кон посоченото лице.

Воспитувачка во градинка удрила дете, мајката ја пријавила во полиција

Ивона Петрова — Wed, 07 Feb 2018 13:02:25 +0000

Триесет и шест годишната Е.Г. од Скопје вчера пријавила во полициска станица во Ново Лисиче дека претходниот ден кога нејзиното дете го земала од градинка забележала дека на десниот образ има оток. -Детето кажало дека неговата воспитувачка го удрила неколку пати по десниот образ. За настанот веднаш го известила директорот на градинката, кој и рекол случајот да го пријави во полиција. Е.Г. го однела синот во Здравствена установа, каде од страна на лекар и била издадена лекарска потврда за констатирани повреди во вид на оток во пределот на лицето, информираат од МВР. Од полицијата додаваат дека се преземаат мерки за целосно расчистување на случајот.