воспитување – Kurir.mk

Совети за воспитувањето деца без емпатија

Катерина Бојаџиева — Tue, 17 Oct 2023 08:00:43 +0000

Емпатијата е способност на човек да ги разбере и сочувствува со другите луѓе. Иако многу родители се трудат да го воспитаат своето дете еден ден да стане емпатична (сочувствителна) личност, за некои тоа оди потешко и треба посебно внимание. Како што објаснува американскиот психолог Мишел Борба, постојат признаци за препознавање дете со недостаток на емпатија. - Детето кое нема емпатија има и склоност да ги повредува луѓето околу него затоа што честопати кажува или прави непромислености, вели Борба. Детето со недостаток на сочувство, исто така, вообичаено постојано да зборува за себе. Најчесто за своите достигнувања, без разлика дали некој од присутните го интересира или не, но и за „проблемите“ коишто „никој друг ги нема“. - Тоа дете кое нема доволно развиена емпатија, има склоност да ги озборува и критикува сите оние кои не го делат неговото мислење... Таквото дете не може да се стави на местото на другиот, поради што често изгледа ладно кон туѓите лоши чувства или проблемите низ кои минуваат другите (деца). Обично е нечувствително за потребите на другите, односно може и да го набљудува тој некој на кого очигледно му треба помош и да не направи ништо за тоа, објаснува психологот. Таа нагласува дека детето без емпатија има и големи проблеми да се дружи бидејќи мисли дека заслужува другите да му бидат „подредени“ и има право да добива услуги без да дава ништо за возврат. Кога некој ќе одбие, тоа дете со недостаток на сочувство, тоа го сфаќа како лична навреда и во многу случаи настанува караница или поостар судир.

Да бидеме реални: Лошото однесување на децата е ГРЕШКА на родителите

Ивана Ефремовски — Thu, 19 May 2022 14:26:11 +0000

Доколку кај детето забележите некакво лошо однесување или навики, треба да сте свесни дека најверојатно причината сте вие како родители. Еве кои се најчестите лоши однесувања што децата ги учат од своите родители: Премногу се зависни Родителите кои премногу заштитнички се поставуваат кон своите деца и како октопод ги фаќаат и опкружуваат, ги прават премногу зависни првенствено од нив самите, а со текот на времето и од другите луѓе. Децата кои навикнале секогаш некој друг да ги решава нивните проблеми, да им го расчистува патот и да носат одлуки во нивно име, полошо се снаоѓаат во животот. Тие по тој ист образец ќе продолжат да бараат лица кои ќе треба да ги водат низ животот и имаат тенденција да станат зависни од нив. Ги прекинуваат другите додека зборуваат Доколку родителите се склони на другите да им „упаднуваат“ во збор, нивните деца со сигурност ќе го прават истото. Секогаш дозволувајте им на децата да ви кажат сè што сакаат, докрај. Не дозволувајте вие да бидете поважни од детето и дајте му простор комплетно да се изрази. Научете го колку е важно да се сослуша другиот и да го почека својот ред да зборува. Тоа ќе ги направи децата покултурни и да имаат подобра комуникација. Не ги почитуваат возрасните Ќе има моменти кога некој друг ќе го чува вашето дете. Ваши роднини, бебиситерка, пријатели или соседи... Доколку не се потрудите да го воспитате своето дете така што ќе ве почитува вас, тогаш истото ќе го прави и со другите луѓе. Така автоматски создавате лоша слика за себе и за вашето дете. Премногу зборуваат на семејни теми Децата од најрана возраст се учат да споделуваат. Доколку не го научите своето дете дека некои работи не смеат да се изнесуваат надвор од домот, тоа нема да може да прави разлика меѓу приватност и јавност. Ако не сакате „валканите алишта“ и интимата да се споделуваат во градинката или пред гости, ќе треба да го научите своето дете што треба да остане меѓу вашите четири ѕида. Доцна го усвојуваат речникот на убаво однесување Никогаш не е прерано да ги научите вашите деца како да бидат љубезни и пристојни. Тие навистина треба да ги знаат основните зборови за убаво однесување, како: се извинувам, благодарам, ве молам... Децата се учат од најрана возраст, а ако им ги доближите љубезноста и пристојноста уште од мали нозе, сите ќе бидат воодушевени од нив.

Имате палави и разгалени деца? Еве неколку совети како правилно да ги воспитате

Магдалена Андонова — Fri, 14 Jan 2022 11:31:08 +0000

Велат, „нечие однесување доаѓа од дома“, но многумина ќе се сложат оти и покрај огромниот напор, некои родители едноставно не можат да ги воспитаат своите деца во вистинската насока. Следат неколку совети за родители и нивните палави и разгалени деца. За правилно воспитување на детето, клучни се неколку фактори, а тука е, на пр. и поставувањето јасни граници. Детето мора да си го знае местото и да стекне некои навики. Ако правите за него сѐ што ќе посака, така ќе му биде полесно сега, но потешко – подоцна, пишува страницата „Very Well Family“. Односно, така не му правите услуга ни на своето дете, ниту себеси. Според тоа, сосем е в ред да им се даваат задачи на децата, но и да си добијат одредена казна доколку не го почитуваат тоа што родителот го кажал. Децата треба да научат да ги поднесуваат последиците од нивното однесување. Многу психолози веруваат дека казнувањето е составен дел од образованието, а една од најголемите грешки е исполнувањето на секоја желба на детето. Не мора да му купувате сѐ што тоа ќе покаже со прст. Нека види дека не може да добие сѐ што ќе посака. Натаму, за што поефикасно воспитание, мора да има целосна согласност меѓу двајцата родители. Ако едниот родител одреди казна, а другиот прави сѐ за да ја прекрши таа казна за да му се доближи до детето, тоа ќе знае како да ја злоупотреби таа слабост, се вели во написот.

Зошто децата не ве слушаат кога го повишувате гласот: Методи за спречување на неприфатливо однесување

Магдалена Андонова — Sat, 29 May 2021 11:00:30 +0000

Сите деца понекогаш се непослушни и имаат неприфатливо однесување. Можеби во тие моменти ќе ги преиспитате своите начини на воспитување и ќе го побарате проблемот во вас како родител. Сепак, таквото однесување е нормално кога децата се уморни, гладни или лишени од сон. Но, ако забележите дека непослушното однесување станува вообичаено, треба да направите нешто. Постојат голем број начини да се справите со овие предизвици на конструктивен начин, истовремено почитувајќи ја личноста и чувствата на децата и родителите. Поради некоја причина, често е невозможно да се привлече нивното внимание додека родителите на крајот не го изгубат нервот и не го кренат гласот. Но, мајка на две момчиња и советничка за родители, Тиа Слејтаман, вели дека вистинскиот начин е да ги научите децата да слушаат поставувајќи јасни и конкретни граници. Нејзиниот совет до сите родители е да практикуваат стратегија што не вклучува викање кон детето. Ако започнете да разговарате со нив на убав начин секој пат, сепак, по одредено време, секогаш го завршувате разговорот со кревање на гласот, всушност не сте направиле ништо. На тој начин, децата учат дека не мора да слушаат прв пат кога ќе им кажете нешто. Методи Пауза техника Стоп, понекогаш е доволна и една минута. Поставете го детето настрана и смирено објасни му зошто неговото однесување е неприфатливо и дека треба да седи и да се одмора на местото што си го планирал за паузата. Кажете му дека ќе може да продолжи да игра само кога ќе сфати каде погрешил. Поставување граници Разбирањето на последиците и поставувањето јасни граници ќе му помогнат на вашето дете да преземе одговорност за своето однесување. Направете семеен кодекс на однесување Во оваа политика, не ги наведувајте само правилата што важат за децата. Учествувајте исто така. Воведете правило дека на маса нема мобилни телефони и со тоа искористете ја можноста да разговарате со детето за тоа како го поминал денот на училиште.