вотка – Kurir.mk

ЦВЕКЛО И ВОТКА: Руски еликсир на младоста

Ивана Ефремовски — Fri, 27 May 2022 15:48:10 +0000

Русите се убедени дека нашле еликсир на младоста, токму во овој пијалок. Се што ви треба е малку цвекло и, се разбира, мала квалитетна вотка за да изгледате млади, свежи и да блеснете во полн сјај. Метод на подготовка: Земете празно стаклено шише и наполнете го со фино рендано цвекло. Потоа полејте го цвеклото со квалитетна вотка и добро затворете. Оставете состојките да отстојат на топло место 12 дена, но за тоа време секојдневно протресувајте го шишето. По 12 дена, прецедете ја течноста од шишето и пијте една мала чаша секој ден пред секој оброк. Руските специјалисти уверуваат дека овој еликсир го задржува здравјето, го енергизира телото со витамини и енергија, а со редовно пиење ќе се чувствувате одлично.

Нов удар кон Русија: Бајден забрани увоз на руска вотка

Магдалена Андонова — Fri, 11 Mar 2022 17:29:39 +0000

Откако пред неколку дена САД забранија увоз на гас, нафта и јаглен од Русија, претседателот Џо Бајден објави нови санкции, кои опфаќаат и забрана за увоз на руските вотка, морски плодови и дијаманти. Со ваквиот чекор, пренесува Би-би-си, се таргетираат дел од највредните извозни продукти на Русија и САД очекуваат на ваков начин да извршат притисок врз економијата на Москва. - Забрануваме стоки од неколку сектори на руската економија, рече Бајден. Ќе се забрани и извоз на луксузни стоки во Русија. Исто така, САД ќе го отповикаат статусот на Русија на „трајни нормални трговски односи“ што значи дека САД ќе воведат царини за широк спектар на руски стоки. Претседателот посочи и дека ќе додадат имиња на уште неколку руски олигарси на листата санкционирани лица. Бајден во обраќањето порача и дека рускиот претседател Владимир Путин не може да продолжи со војната со која ги загрозува основите на меѓународниот мир и стабилност, а потоа да бара финансиска помош од меѓународната заедница.

Коронавирусот за 20 отсто ја зголеми продажбата на вотката во Русија

Тале Кристо — Sat, 04 Apr 2020 08:33:51 +0000

Во екот на светската здравствена криза предизвикана од новиот коронавирус, изолацијата и социјалната дистанца, минатиот месец е зголемена малопродажбата на водка и коњак во Русија за над 20 отсто, во споредба со истиот период лани, изјави претседателот на Националниот сојуз за заштита на потрошувачите, Павел Шапкин. – На крајот на март се зголеми статистиката за малопродажбата на сите видови алкохолни пијалоци. За вотка и коњак – околу 20 отсто раст во однос на март 2019 година, за вино – 10 проценти, за пиво – пет отсто. Априлскиот раст на продажбата ќе биде значително поголем, истакна Шапкин. Според него, ситуацијата со ширењето на новиот коронавирус може драстично да ја зголеми продажбата на алкохолни пијалоци поради две причини – прво поради консумирање, а второ како замена за антисептик.

Русите ќе се разлутат: Им поскапе омилениот пијалак

Ивана Ефремовски — Wed, 01 Jan 2020 09:37:23 +0000

Од првиот ден од 2020 година, Русите ќе пијат поскапа вотка, по одлуката на Министерството за финансии да ја зголеми цената на омилениот пијалак на таа нација на 230 рубли (3,3 евра). Љубителите на чашка вотка, исто така, ќе се соочат со зголемување на цените на другите алкохолни пијалоци така што минималната цена на половина литарско шише коњак ќе поскапе на 433 рубли (околу 7 евра), додека шише ракија ќе чини 315 рубли (5,1 евра). Министерството за финансии на Русија уште од 2009 година ги замрзнуваше цените на алкохолните пијалаци за да се спротивстави на нелегалното производство и продажба. Според руски медиуми, се преиспитуваат цените и за одделни видови вина.

Ќе паднете во несвест кога ќе бидите колку вреди: Во Данска украдено најскапото шише вотка во светот

Матеја Петровски — Fri, 05 Jan 2018 17:29:30 +0000

Данската полиција истажува кражба на шише вотка за кое се тврди дека е најскапо на светот, со цена од 1,3 милиони долари. Истражителот Кнуд Хвас кажа дека е прерано да се каже дали крадецот провалил во „Кафе 33“ или користел клуч. Не е украдено ништо друго. Хвас кажа дека полицијата работи на кражбата за која се известени во вторникот. Данската ТВ2 навела дека шишето „Русо-Балктика“ е сочинето од три килограми злато и иста количина сребро, со капаче од дијаманти. Сопственикот на кафулето Брајан Ингберг, кој во барот има 1.200 шишиња вотка, кажа дека украденото шише е налик на предните страни на постарите автомобили. Според неговите зборови вотката не е осигурана и позајмена е од еден руски бизнисмен.