возач – Kurir.mk

Возач на автобус нападнал патник

Ивона Петрова — Sat, 28 Oct 2023 14:42:41 +0000

На 27.10.2023 во 22.45 часот во Полициско одделение Сарај Р.Б.(22) од с. Кобаница, скопско пријавил дека околу 22.00 часот на подрачје на Центар во автобус кој се движел од Транспортен центар кон с. Бојане, скопско, бил физички нападнат од возачот Џ.Х.(31), информира МВР. Се преземаат мерки за расчистување на случајот.

Скопјанец физички нападнат од возач на приватен автобус

Тале Кристо — Mon, 23 Oct 2023 15:59:23 +0000

Скопјанецот Д.Ј. (26) вчера на подрачјето на Центар бил физички нападнат од едно лице, возач на приватен автобус. Како што соопшти МВР, Д.Ј. вчера попладне, во 17.30 часот, го пријавил случајот во СВР Скопје. Според пријавата, нападот се случил околу 13.30 часот по претходно недоразбирање. Полицијата презема мерки за расчистување на случајот.

Обвинителство поведе постапка против возачот кој усмрти дете на „Пластичарска“

Тале Кристо — Fri, 13 Oct 2023 18:30:08 +0000

Основното јавно обвинителство Скопје поведе постапка против 21-годишен скопјанец кој вчера попладне удри десетгодишно дете на булеварот „Никола Карев“, познат како „Пластичарска“ и побегна од местото на несреќата. Како што информираат од Обвинителството, возачот е осомничен за „тешки дела против безбедноста на луѓето и имотот во сообраќајот“ и за „неукажување помош на лице повредено во сообраќајна незгода“. Според Обвинителството, осомничениот, на 12 октомври, како учесник во сообраќајот на јавните патишта, движејќи по булеварот „Никола Карев“ во насока од исток кон запад, управувал автомобил Мерцедес Е 320 и брзината на движење не ја приспособил спрема својствата и состојбите на патот, густината на сообраќајот и другите сообраќајни услови, така што да може навремено да го запре пред секоја пречка што под дадените услови да може да ја предвиди. - Со предниот дел од возилото удрил во телото на пешак – дете родено 2013 година кое како пешак попречно го поминувало коловозот надвор од обележан пешачки премин. Од повредите здобиени при сообраќајната несреќа детето починало на Ургентниот центар, а осомничениот, без да укаже помош на повреденото лице го напуштил местото, стои во соопштението од ЈО. Оттаму дополнуваат дека, ценејќи ги сите околности, надлежниот јавен обвинител му предложил на судот да определи мерка куќен притвор за осомниченото лице, а дополнително и мерки на претпазливост – привремено одземање на патна или друга исправа за преминување на државната граница односно забрана за нејзино издавање и привремено одземање на возачка дозвола односно забрана за нејзино издавање.

Возач од Гостивар прегазил тинејџер, па се забил во куќа

Тале Кристо — Mon, 11 Sep 2023 10:58:08 +0000

На 10.09.2023 во 18.10 часот во ОВР Гостивар било пријавено дека на ул.„ЈНА“ во Гостивар, патничко моторно возило „бмв“ со гостиварски регистарски ознаки управувано од Е.М.(22) од с.Балиндол-гостиварско, удрило во Х.Н.(18) од Гостивар, а потоа во ограда и куќа на истата улица. Во несреќата со тешки телесни повреди се здобиле пешакот и сопатникот од возилото В.Ќ.(28) од Гостивар, констатирани во Општата болница Гостивар. Извршен бил увид од увидна екипа од ОВР Гостивар.

Позната причината за тешката сообраќајка во Грција, тројца загинати и 42 повредени

Ивона Петрова — Sun, 10 Sep 2023 08:54:12 +0000

Тешката сообраќајна несреќа во Грција, во која загинаа три лица, се случила кога возачот на автомобил со грчки таблички заспал и удрил во автобус со српски туристи, изјавил претседателот на YUTA, Александар Сеничиќ. Како што рекол Сеничиќ, по судирот, возачот на автобусот успеал да избегне столб покрај коловозот и се превртел. При превртувањето дошло до судир со друг автомобил. Трите жртви биле во автомобилот кој прв удрил во автобусот, потврди Сеничиќ за грчките медиуми. Во тешка сообраќајка на патот Атина - Солун, повредени се 42 лица. На местото на настанот веднаш пристигнале полицајци и 18 пожарникари со 6 возила.

Возач (75) тешко повреден откако излетал од пат со автомобилот

Ивона Петрова — Tue, 29 Aug 2023 11:10:20 +0000

На 28.08.2023 во 20.00 часот во Полициската станица Радовиш било пријавено дека на регионален пат од село Ињево кон село Дедино, радовишко, В.К.(75) од Радовиш управувајќи патничко возило „хјундаи“ со радовишки регистерски ознаки излетал надвор од патот, информира МВР. Во несреќата со тешки телесни повреди се здобил возачот В.К., констатирани во Медицински центар Штип. Увид на местото на несреќата извршила екипа на Полициската станица Радовиш.

Возач тешко повреден, излетал од патот Охрид-Кичево

Ивона Петрова — Mon, 14 Aug 2023 13:19:52 +0000

На 13.08.2023 во 22.50 часот во СВР Охрид било пријавено дека И.С.(60) од општина Маврово и Ростуше, управувајќи патничко возило „пежо“ со гостиварски регистарски ознаки на патот Охрид-Кичево, изгубил контрола и излетал од патот, информира МВР. Притоа, возачот се здобил со тешки телесни повреди констатирани во болницата „Св.Ерамо“ во Охрид. Увид на местото на незгодата извршија полициски екипи.

Возач тешко повреден откако со товарно возило излетал од пат

Ивона Петрова — Thu, 10 Aug 2023 10:34:40 +0000

На 09.08.2023 во 12.50 часот во СВР Велес било пријавено дека на локалниот пат с.Раштани-Велес, товарно моторно возило „киа“ со велешки регистарски ознаки, управувано од В.Ј.(59) од Велес, излетало надвор од коловозот. Во несреќата возачот се здобил со тешки телесни повреди, констатирани во Општата болница Велес. Извршен бил увид од увидна екипа од СВР Велес.

Тешко повреден велешанец, со возило излетал од коловозот

Ивана Ефремовски — Sun, 30 Jul 2023 10:17:33 +0000

На 29.07.2023 во 04:00 часот било пријавено дека на магистралниот пат Штип-Велес патничко моторно возило „мерцедес“ со велешки регистарски ознаки, управувано од Т.М.(24) од Велес, излетало надвор од коловозот. Во несреќата со тешки телесни повреди се здобил возачот, констатирани во Комплексот клиники „Мајка Тереза“ во Скопје. Извршен бил увид од увидна екипа од СВР Велес.

Нападнат возач на ЈСП

Тале Кристо — Sat, 01 Jul 2023 14:24:07 +0000

На 30.06.2023 во 20.05 часот А.С.(42) од Скопје, пријавил дека околу 12.20 часот на автобуска постојка на подрачјето на Центар, додека управувал автобус на ЈСП, по претходно недоразбирање во сообраќајот, бил физички нападнат од едно лице кое било со патничко возило. Се преземаат мерки за расчистување на случајот.