воздушен напад – Kurir.mk

Во Киев издадено предупредување за воздушен напад

Ивана Ефремовски — Fri, 16 Jun 2023 09:54:14 +0000

Во украинската престолнина Киев и во регионот на Киев денеска е издадено предупредување за воздушен напад, откако воздухопловните сили на таа земја соопштија дека од Црното Море се лансирани неколку руски ракети „Калибр“ во правец на Киев. Предупредувањето за воздушен напад e издадено на денот кога делегацијата на африканските земји предводена од јужноафриканскиот претседател Кирил Рамафоса пристигнала во Киев како дел од мировната мисија. Рамафоса, заедно со лидерите на Сенегал, Замбија, Коморските Острови и Египет, денеска треба да се сретне со украинскиот претседател Володимир Зеленски, а утре треба да отпатува за Санкт Петербург, Русија, на разговори со рускиот претседател Владимир Путин. (МИА)

Украински власти: 20 лица ранети во воздушен напад врз градот Дњепар

Ивона Петрова — Sun, 04 Jun 2023 09:31:50 +0000

Во воздушен напад врз Дњепар во центарот на Украина синоќа се ранети 20 лица, од кои три потешко се деца, соопштија украинските власти. Украинскиот претседател Володимир Зеленски ја обвини Русија за „напад на град“ лоциран во центарот на земјата. „Во нападот се погодени две згради во станбен кварт на градот... За жал, има луѓе под урнатините“, напиша Зеленски на Фејсбук. Гувернерот на реонот на Дњепар Сергиј Лисак изјави дека во нападот се ранети пет деца, а според проценката на лекари состојбата на три од нив е многу тешка. „Вкупниот број на ранети достигна 20, а меѓу нив 17 се префрлени во болница“, изјави гувернерот и изјави дека спасувачите продолжуваат да трагаат по жртви под урнатините.

Утрово воздушен напад врз Киев

Ивона Петрова — Thu, 18 May 2023 05:36:35 +0000

Пожари се предизвикани во две киевски области од остатоци од ракети кои паднале при воздушен напад, соопштија локалните власти. Градоначалникот на Киев Виталиј Кличко на Телеграм соопшти дека еден од пожарите избувнал во гаражи во областа Дарница во главниот град. Според него, нема повредени. Шефот на воената администрација на Киев, Сергиј Попко, исто така, на Телеграм објави дека пожар избувнал и во ненаселена област во источната периферија на градот. Тој, исто така, не даде детали за евентуални жртви. Попко изјави дека главниот град бил нападнат со крстосувачки ракети и оти сите биле соборени од противвоздушната одбрана. Украинската армија, исто така, информира за напад со крстосувачки проектил во Виничката област во централна Украина, а локалните медиуми наведуваат дека имало експлозии и во областа Хмелницки, околу 100 километри западно од Виничката област.

Сирените за воздушен напад се слушаат низ цела Украина

Ивона Петрова — Sat, 17 Dec 2022 14:16:50 +0000

Во сите украински региони се слушаат сирени, кои предупредуваат за воздушни напади, што е показател дека може да претстои нов бран руски бомбардирања. Вчера Киев доживеа значаен ден на удари, со повеќе од 70 проектили испукани врз градот и прекин на снабдувањето со вода и струја. Имаше и напади врз градови во централна и источна Украина, каде беа убиени неколку луѓе. И утрово имаше извештаи за експлозии во Одеса.

Зеленски: Сирените за воздушен напад се огласија во речиси цела Украина

Ивона Петрова — Wed, 06 Jul 2022 06:54:55 +0000

Претседателот на Украина, Володимир Зеленски изјави дека синоќа сирените за воздушен напад биле вклучени речиси низ цела Украина и повторно ги повика сојузниците да обезбедат модерни противракетни системи. Тој наведе дека извесен период немало воздушна тревога во Киев некои региони. – Некои луѓе дури се чувствуваа вознемирени поради таквата необична тишина, барајќи објаснување дали Русите се подготвуваа за нешто. Не треба да барате логика во акциите на терористите. Руската армија не застанува, има една задача, да одзема животи, да ги плаши луѓето, па и неколку дена без сирени изгледаат како хорор. Вечерва Киев и речиси цела Украина слушнаа сирени, посочи Зеленски.

Во нападот кај Лавов: Најмалку девет загинати и 57 ранети, Русија истрелала 30 ракети

Ивона Петрова — Sun, 13 Mar 2022 09:19:54 +0000

Гувернерот на областа Лавов изјави дека во нападот на воената база западно од Лавов загинале девет лица, а ранети се 57 луѓе. Гувернерот Максим Козицки потврди дека Русија утринава истрелала 30 ракети врз комплекс на околу 50 километри југозападно од Лавов и на околу 25 километри од границата со Полска. Украинскиот министер за одбрана Олексеј Резников претходно изјави дека во објектот работеле и странски воени инструктори, но не е јасно дали некој од нив бил во базата кога се случил нападот.

Сирени за воздушен напад повторно во повеќе градови во Украина

Ивона Петрова — Sun, 13 Mar 2022 07:53:04 +0000

Сирени за воздушен напад утрово се огласија во повеќе делови на Украина, јави украинската новинска агенција Укринформ. Сирени се огласиле во Житомир, западно од Киев, и во областите Тернопил, Ривне и Ивано-Гранковск на запад. Сирени се огласија и во областа Волин на северозапад и Краматорск во источна Украина.

Сирени за воздушен напад ја разбудија Украина

Ивона Петрова — Sat, 12 Mar 2022 08:02:40 +0000

Сирени за воздушни напади утрово ги разбуди повеќето градови во Украина, јави Би-Би-Си. Малку по 6 часот по локално време сирени се огласија во повеќе од 15 региони и многу градови во Украина. Предупредувањето се слушна и во главниот град Киев, заедно со клучните градови како Одеса, Суми, Харков и Дњепар, пренесе Бгнес. Дњепар беше еден од градовите кои утрово беа гранатирани од руска страна, но градоначалникот Бориј Филатов информира дека украинските системи за противвоздушна одбрана успешно го одбиле нападот. Како што јави „Киев Индипендент“, во нападите нема жртви. Известувачите на Си-Ен-Ен во централниот украински град Дњепар јавија дека утрово имало најмалку две експлозии. Тие исто така виделе чад источно од реката Дњепар. Украинскиот северен град Чернигов утрово повторно беше цел на руски напади, а ситуацијата во опколениот град секој ден се влошува. Со оглед на тоа постојано се гранатира и е цел на воздушни бомбардирања, во градот се целосно прекинати снабдувањето со гас, топлинска енергија и вода. Залихите кои луѓето ги собрале наскоро ќе се потрошат. Струја има само во неколку области, а поголемиот дел од градот е без светло и комуникациите се прекинати, јавија локалните медиуми.

Киев предупредува за руски воздушен напад: Граѓаните да бараат подземни засолништа

Тале Кристо — Thu, 24 Feb 2022 15:10:04 +0000

Украинската влада ги предупреди граѓаните за руски воздушен напад. Сите жители да барат подземни засолништа. Сирените се слушаат во целиот Киев. Претходно руските воздушни сили го зазедоа аеродромот во Антов, кој што се наоѓа на 25 километри од Киев, објави новинарот на Си-Ен-Ен Мет Ченс. -Тоа се војниците што ги гледате, тоа се војници од руските воздухопловни сили. Тие го зазедоа аеродромот, напишаа новинарите на Си-Ен-Ен на Твитер.

Најмалку 11 цивили погинаа во воздушен напад на НАТО во Авганистан

Ивона Петрова — Wed, 19 Feb 2020 12:00:26 +0000

Најмалку 11 лица погинаа во воздушен напад на силите на НАТО во подрачјето на Херат, во западниот дел на Авганистан. Претседавачот со Покраинскиот совет на Херат, Махди Хадид, потврди дека нападот врз возило со цивили бил изведен од беспилотно летало на НАТО. Тој наведе дека во нападот погинале 11 цивили, пренесе Анадолија, додавајќи дека меѓу нив осум се деца. Џејлани Фахрад, портпарол на Канцеларијата на гувернерот на Херат, изјави дека во нападот погинале и тројца талибанци, како и дека е отворена истрага во врска со убиството на цивилите. -Нападот е изведен додека роднините се возеле кон дома. Биле нападнати додека биле во возилото, во кое немало членови на терористичка организација, изјави Али Кан, роднина на жртвите на нападот.