воздушен сообраќај – Kurir.mk

Штрајкот на воздушниот сообраќај во Италија приземји речиси 1.000 летови, штетите се во милиони евра

Ивона Петрова — Sun, 16 Jul 2023 12:51:00 +0000

Штрајкот во италијанскиот воздушен транспорт во саботата резултираше со откажување на речиси 1.000 летови, објави денеска новинската агенција АНСА. Според синдикатот кој го свика штрајкот, на него учествувале речиси сто проценти од вработените кои се очекуваше да штрајкуваат, наведува агенцијата. Неколку стотици летови беа откажани само на главните италијански аеродроми во Рим, Милано, Неапол и Венеција, при што беа погодени околу 250.000 патници. Здружението за заштита на потрошувачите „Кодаконс“ смета дека штетите поради откажување и доцнење се во милиони. Покрај копнениот персонал, штрајкуваа и пилотите на Малта Ер, кои управуваат со летовите на „Рајанер“ во Италија, како и пилотите и стјуардесите на нискобуџетната авиокомпанија „Вулинг'. Ова беше втор голем штрајк во Италија, по штрајкот на железницата во четвртокот што предизвика значителен прекин на јавниот транспорт. Штрајковите ја погодуваат земјата, популарна дестинација за одмор, во екот на шпицот на туристичката сезона и топлотниот бран.

Во Франција продолжува штрајкот на контролорите на воздушниот сообраќај

Ивона Петрова — Fri, 31 Mar 2023 19:17:11 +0000

Француското цивилно воздухопловство побара од авиокомпаниите да откажат 20 отсто од своите летови во понеделник и вторник на некои аеродроми, поради продолжувањето на штрајкот на контролорите на воздушниот сообраќај кои протестираат против пензиските реформи. Превентивните откажувања ќе се однесуваат на 20 отсто од летовите во Франција во понеделник и вторник на аеродромите во Марсеј и Бордо, а парискиот аеродром Орли исто така е погоден од мерката, соопшти Цивилното воздухопловство. Побарано е намалување на бројот на летови на аеродромите во Тулуз и Бордо во текот на утрешниот ден, а во недела во Нант. „И покрај превентивните мерки, сепак, може да се очекуваат прекини и доцнења“, се наведува во соопштението. Главната асоцијација на европските компании, Ерлајнс за Европа (Airlines for Europe), побара од Европската комисија оваа недела да интервенира за да обезбеди летови над француска територија во случај на штрајк на контролата на летање.

Полска времено прекинува со воздушен сообраќај со Франција поради Ковид-19

Ивона Петрова — Wed, 16 Sep 2020 05:21:19 +0000

Полска ги прекинува од денеска воздушните врски со Франција поради пандемијата со новиот коронавирус. Тоа го соопшти полската Влада. Франција е на списокот на околу 30 земји со кои воздушните врски се веќе прекинати поради пандемијата. Летовите се забранети до 29 септември. Дозволени се само чартери резервирани за 16 септември.

Целосно закрепнување на воздушниот сообраќај е можно дури во 2023 година

Ивона Петрова — Thu, 14 May 2020 09:13:08 +0000

Воздушниот сообраќај нема да се врати на нивото од пред пандедемијата со коронавирусот се до 2023 година, пресмета Меѓународната асоцијација за воздушен сообраќај (ИАТА). Оваа организација, што околу себе собира 290 авиокомпании, проценува дека во 2021 година сообраќајот, мерен во километри по патник, ќе биде помал за 24 проценти отколку во 2019 година, а проценката се темели на закрепнувањето што треба да почне од третиот квартал на 2020 година, со отворањето на домашните линии. Во песимистичкото сценарио, каде ограничувањата за движење ќе останат и во третиот квартал од оваа година, ИАТА предвидува дека следната година ќе има пад на сообраќајот за 34 проценти, пренесува Хина.

ВИДЕО: Воздушниот сообраќај пред и после коронавирусот!

Тале Кристо — Sun, 05 Apr 2020 20:42:18 +0000

Пандемијата од Ковид-19 речиси и да го уништи цивилниот воздушен сообраќај. Во видеото подолу можете да ја погледнете разликата во воздушниот сообраќај пред и после коронавирусот, кој што го зафати светот. Јасно можи да се забележи, дека авиособраќајот речиси се намалил за повеќе од 90 посто. Погледнете го видеото и уверете се: