воздушна пушка – Kurir.mk

Уште еден ужас во Србија: 18-годишно момче тешко повредено, во него е пукано со воздушна пушка

Ивана Ефремовски — Fri, 05 May 2023 08:09:15 +0000

Осумнаесетгодишниот А.Ќ. бил погоден со воздушна пушка во пределот на градниот кош, а лицето што пукало во него е уапсено. Поради обилно крварење и фактот дека куршумот се заглавил во пределот на градниот кош до градната коска, младиот човек веднаш бил хоспитализиран и итно опериран во Клиничкиот центар Ниш. „Само што разговаравме со колегите од Ниш. Младото момче е добро и надвор од животна опасност“, вели директорот Небојша Димитријевиќ. Во Универзитетската болница Ниш велат дека кај нив бил донесен млад човек со прострелна рана во пределот на градниот кош, во тешка општа состојба. „Веднаш по приемот е внесен во операциона сала, опериран и моментално е хоспитализиран на Клиниката за анестезија каде се следи постоперативниот тек“, соопштија од таму. Според полицијата, инцидентот се случил околу 22 часот во семејната куќа на овој млад човек, при што е утврдено дека се работи за случаен инцидент.

Млад скопјанец се повредил со воздушна пушка во својот дом

Ивана Ефремовски — Mon, 26 Dec 2022 16:00:03 +0000

На 26.12.2022 во 01.54 часот во СВР Скопје, од Градската општа болница „Св. Наум Охридски“ било пријавено дека кај нив со повреди бил донесен М.Б.(25) од Скопје. Според пријавеното, тој се здобил со повредите од воздушна пушка додека бил во својот дом. Се преземаат мерки за расчистување на случајот.

Малолетник самоволно земал да чисти воздушна пушка – откако пушката испукала, веќе било доцна

Дарко Андоновски — Sat, 03 Dec 2022 15:50:55 +0000

На 02.12.2022 во 13.45 часот во СВР Скопје, од Градската општа болница „Св.Наум Охридски“ било пријавено дека со повреда од огнено оружје бил донесен малолетник од нас.Шуто Оризари-Скопје. По преземени мерки било утврдено дека малолетникот своеволно земал да чисти воздушна пушка во домот, при што пушката испукала и го повредила на дланката. Се преземаат мерки за расчистување на случајот.

ДРАМА ВО СКОПЈЕ: Ја зел пушката и пукал во мачка на сограѓанин

Дарко Андоновски — Wed, 09 Nov 2022 15:13:33 +0000

На 08.11.2022 во 21.00 часот, полициски службеници од Одделението за криминалистички работи Ѓорче Петров при СВР Скопје извршиле службен разговор со М.Т.(67) од Скопје затоа што околу 14.30 часот со воздушна пушка пукал кон мачка домашен миленик, сопственост на Ф.Л.(22) од Скопје. По документирање на случајот ќе биде поднесен соодветен поднесок.

Малолетник со повреда од воздушна пушка примен во болница

Магдалена Андонова — Mon, 29 Aug 2022 15:40:59 +0000

МВР информира дека вчера во 22.10 часот било пријавено дека дека во Комплекс клиники „Мајка Тереза“ - Скопје бил примен повреден малолетник. На клиниката со здобиени повреди од дијабола од воздушна пушка е донесен малолетник од с.Ваксинце, кумановско, информира МВР. Се преземаат мерки за расчистување на случајот.

Малолетник повреден од испукана дијабола од воздушна пушка

Ивана Ефремовски — Sun, 27 Mar 2022 17:53:55 +0000

На 26.03.2022 во 17:25 часот во Полициската станица Пробиштип било пријавено дека во Итна медицинска помош со повреда бил донесен малолетник од Пробиштип. Според пријавеното, повредата настанала од испукана дијабола од воздушна пушка. Се работи на расчистување на случајот.

Прилепчанец пукал со воздушна пушка, маж тешко повреден во глава

Ивона Петрова — Fri, 12 Jun 2020 12:19:45 +0000

ОВР Прилеп поднесе кривична пријава против С.А.(23) од Прилеп, поради постоење основи на сомнение за сторено кривично дело „тешка телесна повреда“. -На 06.05.2020 на ул.„Беровска“, во куќата на Н.А., пријавениот зел воздушна пушка и испукал и го погодил во главата Н.А., нанесувајќи му тешка телесна повреда, информираат од МВР.

Драма во Прилеп: Со воздушна пушка пукал кон куче скитник си го погодил братучедот во глава- еве ги деталите

Дарко Андоновски — Thu, 07 May 2020 14:15:52 +0000

На 06.05.2020 околу 15.00 часот во Полициска станица Прилеп било пријавено дека од куќа на ул.„Беровска“ во Прилеп, во сопственост на С.А.(23), со воздушна пушка „норика“ кал.4,5мм, сопственост на А.З. од Прилеп, која ја поседувал со дозвола, С.А. пукал кон куче скитник во неговата бавча, но го погодил неговиот братучед Н.А.(47) во пределот на главата. Н.А. бил пренесен во Комплекс клиники „Мајка Тереза“ во Скопје. Се преземаат мерки за расчистување на случајот, информираат од МВР.

Малолетник повреден: Старец пукал со воздушна пушка бидејќи му сметала вревата пред зграда

Ивана Ефремовски — Thu, 27 Jun 2019 12:09:16 +0000

Еден малолетник е повреден кога 76-годишно лице пукало со воздушна пушка од својот балкон, бидејќи му сметала вревата која децата во средата навечер ја правеле играјќи пред зградата. Возрасниот тетовец подоцна е приведен во полициска станица. -Во раните утрински часови денес во СВР Тетово е приведен С.К. (76) поради пријавата дека вчера околу 22 часот од балкон на зграда на ул.„Железничка“ во Тетово од воздушна пушка испукал кон малолетници кои биле пред зградата. Притоа, погодил еден малолетник кој се здобил со телесни повреди. С.К. рекол дека причина била вревата што ја правеле малолетниците пред зградата, информираат од СВР Тетово. Малолетникот е пренесен во Клиничката болница во Тетово, но нема информации за неговата здравствена состојба. Полицијата известила јавен обвинител и продолжува со процедурите за расчистување на случајот. (МИА)

Скопјанец повреден, непознато лице пукало во него со воздушна пушка

Предраг Кукиќ — Thu, 09 May 2019 14:07:02 +0000

На 08.05.2019 година околу 06.00 часот во СВР Скопје било пријавено дека позади угостителски објект на бул.„Св.Климент Охридски“ непознато лице со воздушна пушка пукало кон И.Р.(20) од Скопје и го погодило во пределот на левата потколеница. Претходно, според пријавеното, И.Р. бил физички нападнат од неколку лица. На И.Р. му била укажана лекарска помош во комплексот клиники „Мајка Тереза“ во Скопје. Се преземаат мерки за расчистување на случајот.