возен парк – Kurir.mk

Брутален возен парк на фудбалерот: Со „Bugatti“ се вози за своја душа, додека пак со „Audi“ ги носи децата во градинка ФОТО+ВИДЕО

Ристе Здравков — Fri, 24 Dec 2021 13:58:58 +0000

Асот на Реал Мадрид е вистински љубител на скапоцени и брзи автомобили. Еден од најдобрите напаѓачи на денешницата и сопственик на капитенската лента на најголемиот фудбалски клуб на светот Реал Мадрид, Карим Бензема, повторно е во центар на внимание, но овојпат причината е позитивна. За разлика од пред неколку месеци кога беше осуден на една година затвор за соучество во обид за уцена на поранешен репрезентативен соиграч поради сексуална снимка, Бензема сега просторот во медиумите го зазеде поради возниот парк.

View this post on Instagram

A post shared by Karim Benzema (@karimbenzema)

Францускиот репрезентативец ја отворил вратата од гаражата и покажал како изгледа неговиот возен парк. Во импресивната, околу 10 милиони вредна колекција доминираат светски познати марки автомобили, како што се „Bugatti Veyron“, „Audi RS Q8“, „BMW M6“, „Ferarri 488 Spider“ и други. Првиот автомобил на овој 34-годишен фудбалер бил „Mini Cooper S“, а за 18-от роденден се почестил со брутално „BMW“.

View this post on Instagram

A post shared by Karim Benzema (@karimbenzema)

Иако има скап возен парк, сепак Французинот секојдневно се вози во нормален автомобил со само 600 коњски сили. „Audi RS6“ достигнува брзина од 100 км/ч. за 3,6 секунди, но Карим тврди дека станува збор за идеален караван за превоз на децата во градинка. Додека пак викендите му се резервирани за „Ferrari“ или „Bugatti“.

(ДОКУМЕНТ): Државен пазарен инспекторат го подновува возниот парк среде корона криза

Тале Кристо — Tue, 19 May 2020 08:54:45 +0000

Иако Македонија се наоѓа среде корона криза која што предизвика вистински штети кај компаниите а особено кај народот, и кога во буџетот на државата е направена голема дупка, од државниот пазарен инспекторат во екот на самата пандемија го обновува возниот парк. Имено, во договорот кој што е потпишан од страна на државниот пазарен инспекторат и една скопска компанија и до кој што дојде нашата редакција стои дека ќе бидат набавени 10 автомобили „Фиат Типо“, и тоа кога на државата и се заканува една голема финансиска криза. Инаку и Владата неодамна се поднови со најнов модел на Мерцедес, и тоа луксузна верзија, кој чини околу 250 000 евра, а во кој вчера владини функционери пристигнаа на лидерската средба во кабинетот на претседателот во Вила Водно. А, претходно и Владата во екот на самата пандемија објави дека набавува 3 тони кафе како и пола тон апетисани. Според огласите објавени на 23.04.2020 година се набавуваат околу 3 тони кафе како и пола тон апетисани. Во огласот со број 06170/2020 како предмет на договорот за јавна набавка стои кафе еспресо, филтер, кафе и капучино, а во спецификациите е наведено дека ќе се набавуваат 2 тони еспресо како и преку еден тон капучино, безкофеинско кафе и останати видови на кафе. Во другиот оглас со број 06167/2020 во спецификацијата е наведено дека ќе се набавуваат 170 килограми бадеми, 170 килограми лешници, 135 килограми индиски ореви, 85 килограми фстаци како и 30 килограми кикирики.

Продолжува подновувањето на возните паркови на судовите (ФОТО)

Катерина Бојаџиева — Mon, 04 Mar 2019 13:06:58 +0000

По примерот на скопскиот Апелационен суд, и Апелациониот суд Битола за иста цена, од 27.560 евра од буџетот ќе купува патничка лимузина. Огласот е објавен на Бирото за јавни набавки. Според тендерската документација, автомобилот треба да биде со погон на сите 4 тркала и со моќност од минимум 140 kw како и црна металик боја. На списокот купувачи на нови автомобили се и судовите во Велес и Штип. Тие се поскромни, па планираат да потрошат само по 13 илјади евра. Но, Управниот суд и гостиварска Апелација не се толку скромни, па ќе потрошат по 27 илјади евра за да купат нови возила. Возниот парк го поднови и судот во Тетово- си купија автомобил од 19 илјади евра.