возило – Kurir.mk

ЦУК: Излетано возило кај НП Галичица, нема повредени, возилото виси на карпа

Тале Кристо — Tue, 05 Sep 2023 18:04:43 +0000

Патничко возило „фолксваген“ излетало од главниот пат кај националниот парк Галичица. Како што соопшти Центарот за управување со кризи (ЦУК), возлиото виси на карпа, но луѓето во него се неповредени. Пријавата за возилото била добиена на бројот 112. -Возило е излетано код главниот пат кај националниот парк Галичица на 10 минуи возење по наплатниот пункт, кај местото викано Коритски Рид. Патничкото возило е марка „фолксваген“ во црвена боја со регистерски ознаки 01645KH. РЦУК Охрид извести дека за настанот запознаени се МВР СВР Охрид и тие испратиле патрола на тој дел, по што известиле дека лицата се наповредени, но возилото висело на некоја карпа, наведува ЦУК. Известен е и Антонио Додевски од Планинската спасителна служба Охрид кој на местото на настанот ќе направи увид.

Со возило барано од Интерпол, Грк сакал да ја напушти Македонија

Ивана Ефремовски — Thu, 03 Aug 2023 10:48:37 +0000

На 03.08.2023 во 02:20 часот на Граничниот премин Табановце, на излез од државата, при извршена контрола на М.Е.(38) од Р.Грција, кој управувал патничко возило „фолксваген пасат“ со холандски национални ознаки, било констатирано дека возилото е предмет на потрага од Интерпол-Холандија. Тој бил лишен од слобода и предаден на полициски службеници од СВР Куманово за понатамошна постапка.

Ова го има само на Балкан! Му се одмаздил на возач бидејќи му се паркирал пред влезот: „Вашиот автомобил е заклучен“

Ристе Здравков — Sun, 23 Jul 2023 19:34:26 +0000

На хрватската Фејсбук страница „Prometne zgode i nezgode“ се објавени две фотографии кои предизвикаа мноштво коментари - во поголемиот дел шеговити. На фотографијата се гледа паркиран автомобил, очигледно со странски регистарски таблици, кој е заврзан за ограда со помош на некаква сајла со брава. На шофершајбната била оставена порака која гласела: „Го заклучив вашиот автомобил бидејќи нѝ го блокираше нашиот влез“. Многу луѓе во коментари ја поздравиле ваквата „акција“ додека други ја критикувале постапката на човекот кој го направил ова. „Странец тешко дека ќе разбере хрватски, а ваквото „казнување“ резултира со повеќе штета отколку корист... овој би можел да остане без ограда или некој би можел да се сопне од жицата“, гласел еден од коментарите.

Адвокат и нотар вмешани во измама: За продажба на едно возило направиле ХАОС – еве за што ќе одговараат

Ивана Ефремовски — Thu, 06 Jul 2023 14:20:13 +0000

СВР Тетово поднесе кривична пријава против А.М. (50) од Тетово, поради постоење основано сомнение дека сторил четири кривични дела, и тоа: „фалсификување исправа“, „употреба на исправа со невистинита содржина“, „злоупотреба на службена положба и овластување“ и „злоупотреба на лични податоци“, Х.И.(44) од с.Голема Речица, поради постоење основано сомнение дека сторил три кривични дела, и тоа: „измама“, „злоупотреба на лични податоци“ и помагање во врска со кривично дело „фалсификување исправа“, К.А.(36) од с.Голема Речица поради постоење основано сомнение дека сторил две кривични дела и тоа: „фалсификување исправа“ и „употреба на исправа со невистинита содржина“ и Н.Т.(43) од Тетово, поради постоење основано сомнение дека сторил кривично дело „несовесно работење во службата“. Имено, првопријавениот А.М., во својство на адвокат и третопријавениот К.А. на 17.05.2023 направиле лажен купопродажен договор за патничко возило како да е склучен помеѓу едно лице од с.Требош - како продавач и пријавениот К.А. и уште едно лице - како купувачи. При изготвување на договорот А.М. изготвил и Изјава на име на Х.И., а потоа истата ја заверил кај нотар. Потоа, Н.Т. во својство на нотар направил препис на Договорот, но наведените податоци не се совпаѓале со податоците кои биле наведени во штембилот, а потоа и препис на документ кој не бил оригинал, бидејќи купопродажен договор не постоел, со што со извршениот препис, купопродажниот Договор станал валиден, додека третопријавениот К.А. направениот препис го употребил на технички преглед и патничкото возило „голф 5“ го префрлил на свое име, а потоа го продал на друго лице. Исто така, второпријавениот Х.И., сакајќи да го продаде возилото, го зел од Н.И., а по неколку денови Х.И., му го дал на А.М. возилото со клуч и сообраќајна дозвола на име на Н.И., по што истиот направил лажен договор и возилото му го продал на третопријавениот К.А.

Возило со косовски таблички паднало во реката Лепенец, се трага по три лица

Ивана Ефремовски — Sat, 17 Jun 2023 18:10:24 +0000

Возило со косовски регистарски таблички паднало во реката Лепенец на патот Скопје – ГП Блаце. Во возилото покрај возачот имало и тројца сопатници. Едно лице е извадено од реката и пренесено во ГОБ „8 Септември“, а по останатите три лица се трага, информираат од Министерството за внатрешни работи. - Денеска (17.06.2023) околу 15 часот е пријавено дека на патот Скопје-ГП Блаце се случила сообраќајна несреќа во која учествувале патничко возило „фолксваген“ со скопски регистарски таблички, управувано од Б.Б. од Скопје и патничко возило „бмв“ со косовски регистерски таблички, управувано од Н.П. од Косово, кое по несреќата паднало во реката Лепенец, стои во соопштението од МВР. Оттаму дополнуваат дека во возилото „бмв“, покрај возачот, имало и тројца сопатници. -Едно лице е извадено од реката и пренесено во ГОБ „8 Септември“, а по останатите три лица се трага, велат од МВР, дополнувајќи дека по лицата трагаат екипи од Одделот за специјални полициски операции. (МИА)

Избегната трагедија: Со автомобил сакал да прегази група на луѓе, за среќа возилото се изгаснало

Ивана Ефремовски — Fri, 26 May 2023 18:03:45 +0000

На 25.05.2023 околу 19:00 часот во с.Секирци полициски службеници го лишиле од слобода Ф.Б. (35) од с. Пешталево. Тој управувајќи го своето патничко возило „поло“ тргнал кон група луѓе кои биле собрани на среде селото, но бидејќи возилото се изгаснало, тоа сопрело, а повредени лица нема. Ф.Б. се обидел да избега, но бил спречен, а подоцна и приведен во полициска станица. По целосно документирање на случајот ќе следи соодветен поднесок.

ВИДЕО: Слон преврте автомобил во Тајланд

Ивона Петрова — Fri, 10 Mar 2023 21:12:18 +0000

Необичен настан е снимен во заштитеното подрачје на засолништето за диви животни Као Анг Ру Наи во Тајланд. На видеото се гледа како слон се приближува до автомобил, по што почнува да го турка. Слонот ја искористил својата огромна сила за лесно да го преврти автомобилот. Очевидци го снимиле овој инцидент и ги повикале на помош надлежните од заштитеното подрачје. Потоа го оддалечиле слонот и му помогнале на возачот да излезе од возилото. Причината поради која слонот решил да го преврти автомобилот останува мистерија. Тамошните медиуми пишуваат дека можеби барало храна, но очевидец наведува дека животното се побунило затоа што возачот немал намера да го пушти да го помине патот. Слоновите лесно можат да убијат луѓе. Статистиката на индиското Министерство за шуми, животна средина и климатски промени покажува дека 3.310 луѓе биле убиени од слонови во земјата помеѓу 2014 и декември 2020 година.

Тешко повреден скопјанец, со возило излетал од патот

Ивана Ефремовски — Tue, 07 Mar 2023 11:39:17 +0000

На 06.03.2023 во 19:30 часот во СВР Скопје било пријавено дека на ул.„Воин Драшковци“ во Скопје, патничко возило „опел зафира“ со скопски регистарски ознаки, управувано од С.С.(56) од Скопје, излегло од патот. Во несреќата со тешки телесни повреди се здобил возачот констатирани во Градската општа болница „Св.Наум Охридски“. Извршен бил увид од увидна екипа од СВР Скопје.

Приведени крадци од Радовиш и Штип, пронајдени украдените предмети и одземеното возило

Ивана Ефремовски — Fri, 10 Feb 2023 10:16:11 +0000

На 07.02.2023 во 18:00 часот во Радовиш, полициски службеници од Полициската станица Радовиш го лишиле од слобода Е.Б. (20) од Радовиш. Во извршениот службен разговор тој признал дека во текот на месец февруари, заедно со М.Ш. (18) и уште едно малолетно лице од Штип, на подрачјето на Радовиш извршиле кривични дела „тешка кражба“ и „одземање на моторно возило“. На 09.02.2023 во Полициска станица Радовиш бил повикан и М.Ш. (18) кој ги признал делата и доброволно ги предал предметите кои потекнуваат од извршените кривични дела, а исто така, било пронајдено и одземеното моторно возило. По целосно документирање против лицата ќе биде поднесена соодветна пријава.

Изгоре возило на скопјанец

Ивана Ефремовски — Tue, 07 Feb 2023 16:22:33 +0000

Денеска (07.02.2023) во 03:21 часот во СВР Скопје било пријавено дека на ул.„Фуштанска“ настанал пожар во патничко возило „сеат алтеа“ со скопски регистарски ознаки, сопственост на С.Д.(28) од Скопје. Екипа на Бригадата за противпожарна заштита Скопје го изгаснала пожарот, а повредени лица нема. Увид бил извршен.