возрасни – Kurir.mk

Со овие гестови ќе ги направите вашите деца многу среќни

Ивана Ефремовски — Fri, 26 Feb 2021 20:56:32 +0000

Додека овие гестови изгледаат незначајно за возрасните, тие им значат многу на децата. Најлесниот начин да ги насмеете вашите деца е преку малите нешта. Носете го накитот кој ви го направија на работа. Залепете некоја реченица или мантра на фрижидерот и нека тоа биде ваша семејна мудрост. Одете на прошетка со нив. Ставете белешка за убав ден во нивната кутија за појадок. Играјте со нивните коцки. Тоа ќе ви помогне и вам да се опуштите. Имајте своја приказна за нив. Покажете радост како тие за забавните паркови. Дозволете им понекогаш да скокаат во вирчињата. Понекогаш самите направете торта за нив. Не нарачувајте. Изградете ритуал кој ќе го применувате еднаш неделно. Понекогаш дозволете им сами да се дотераат. Барем за одењето во продавница. Дозволете им да слушнат како кажувате нешто убаво за нив. Испечатете фотографии од нивното растење и ставете ги на фрижидерот. Научете ги да ја слушаат музиката која вие ја сакате. Закачете табла во нивната соба на која ќе можат да цртаат или пишуваат пораки. Споделете ги со нив вашите фотографии од детството, дневници и играчки. Заблагодарете им се и пофалете ги кога ќе направат нешто добро.

Од децата можеме многу да научиме: Зошто тие се посреќни од возрасните?

Ивана Ефремовски — Fri, 15 Jan 2021 17:27:23 +0000

Зошто децата постојано се смеат и покрај временски неприлики и покрај болеста и сиромаштијата? Затоа што на сосема поинаков начин ги разгледуваат ситуациите кои ги опкружуваат. Понекогаш најголемите лекции од животот можеме да ги научиме токму од децата. Немаат молив? Ќе цртаат со креда. Немаат топка? Ќе ја искористат кутијата. Немаат скејтборд? Ќе се снајдат некако со нешто друго. Децата ќе импровизираат куќа во природа, ќе прават колачи од снег, дворци од песоци, ќе трчаат боси по трева, ќе скокаат во барички, ќе фаќаат гуштери, ќе хранат штотуку родени мачки, ќе си играат со топки направени од кал, ќе лижат мразулци преправајќи се дека се сладолед. Ќе заиграат на мраз, ќе си играат со лисја, ќе скокаат, ќе викаат, ќе се качуваат на сѐ и сешто и ќе бидат многу посреќни од многу возрасни кои имаат неспоредливо повеќе. Кога ќе им се придружи ново другарче, тие не се замараат за неговата материјална состојба, за вера, боја на кожа, за историјата на неговите родители, за имотот што го поседува, ниту за облеката која ја носи. Од тригодишник нема да чуете: „Кажи ми каков си бил како бебе? Цицаше или пиеше млеко од шише? Дали носеше „Памперс“ или други пепени? Јас се дружам само со оние кои носеле „Памперс“. Децата уживаат во сегашниот момент и заедно создаваат спомени – додека многу возрасни постојано ги враќаат спомените од минатото и со тоа си ја расипуваат и сегашноста, но и иднината. Детето во секој момент ќе најде некаков начин за да се забавува и максимално ќе го искористи своето време и ситуацијата во којашто се наоѓа. Ќе направи гаража за автомобили од кутија од чевли, ќе направи авион од хартија, ќе се прска со вода, ќе игра со стапчиња од сладолед, ќе пее подеднакво гласно иако нема талент и што е најважно – искрено ќе се смее! Благодарејќи на тоа, детството станува поубаво, повесело, поразиграно, пораспеано и пошарено, па дури и во најтешките околности за растење. Нивната фантазија е бујна, а бескрајни се волјата и желбата да си го разубаваат секој момент. Навистина малку е потребно за среќа. Секаде можеме да ја најдеме и почувствуваме, потребно е само малку добра волја. Животот го создаваме од ситници и краткотрајни моменти. Тие го создаваат совршенството, а совршенството е нашата крајна цел.

Моќни лекции од приказните за деца кои и возрасните мора да ги знаат

Ивана Ефремовски — Wed, 04 Nov 2020 09:49:27 +0000

Понекогаш најдобрите лекции се кријат токму во детските приказни. Можеби тогаш не сте ги сфаќале на тој начин како што би ги сфатиле денес, па затоа е многу важно да се потсетите на нив. Мудроста што можете да ја црпите од овие приказни е едноставно бесценета за сите возрасти. Мравката и штурецот: Важноста на планирањето! Приказна: Тим од мравки цело лето напорно работи за да се подготви за суровата, студена зима. Во меѓувреме, еден штурец го минува летото пеејќи, смеејќи се и чудејќи се зошто мравките толку многу работат. Кога ќе дојде зимата, штурецот нема што да јаде и за малку ќе умре од глад (застрашувачка приказна за деца, се согласувате?). Тогаш мравките го спасуваат и тој сфаќа зошто тие го правеле тоа што го правеле. Лекција: Само затоа што нешто не ни е потребно во моментот, не значи и дека треба да се одложува. Сосема е во ред да се одвои малку време за забавни нешта, но големи се шансите дека нема да сретнете метафорички мравки што ќе ве спасат кога ќе западнете во неволја. Вие не треба да чекате до зима за да купите грејач, бидејќи не знаете какви ќе бидат околностите тогаш. Обидете се да размислувате однапред и престанете да одложувате бидејќи нема друг начин на кој можете секогаш да бидете подготвени за тоа што следува. Кучето и неговиот одраз: Бидете задоволни со тоа што го имате! Приказна: Едно куче се враќало кон дома откако нашло голема, сочна коска. На патот кон дома, тоа наишло на река каде што го видело својот одраз во водата. Мислејќи дека друго куче пред него има поголема и подобра коска, тоа почнало да лае, испуштајќи ја својата коска од уста. На крај, морало да се врати дома без коска. Лекција: Ние секогаш сакаме повеќе од тоа што го имаме, особено ако често ги преиспитуваме оние работи што ги поседуваме – со тоа што се фокусираме на нештата што ги немаме, почнуваме да мислиме дека ништо не ни е доволно. Не треба да престанете да посакувате подобри нешта за себе, туку едноставно да бидете внимателни да не почнете постојано и за сè да посакувате повеќе. Враната и стомната: Не се откажувајте кога нештата изгледаат невозможно! Приказна: Една врана летајќи барала вода на претерано топол летен ден. Таа нашла стомна, но кога се обидела да го пикне клунот во неа, отворот бил премал и не можела да достигне до водата. Долго време се обидувала да се пробие, сè повеќе дехидрирајќи се и таман да се откаже ѝ дошла една идеја – таа почнала да фрла камчиња во стомната, на тој начин покачувајќи го нивото на водата сè додека тоа не се подигне доволно високо за таа да може да се напие. Лекција: Каде што има волја, има и начин! Упорноста е клучна за решавање на проблемите, без разлика колку невозможна изгледа некоја ситуација – вие секогаш можете да најдете решение. Вашата идеја можеби и не е толку лоша колку што мислите, само понекогаш ѝ е потребен малку поинаков пристап. Што и да сакате да направите, едноставно направете го тоа и „напијте се од водата“.

Овие работи ги правевме само кога бевме деца, а можат многу да ни помогнат и како возрасни

Ивана Ефремовски — Tue, 20 Oct 2020 14:58:02 +0000

Децата имаат мисија да се забавуваат во текот на целиот ден, па токму тоа и им овозможува да бидат повеќе вклучени во нештата што ги учат. Доколку ја доведете оваа навика и во вашето работно место, вие не само што ќе бидете попродуктивни, туку истовремено ќе го поминете денот и посреќни. Зарем не вреди да пробате? 1. Време за дремка Дремката е можеби една од најпотценетите делови во секојдневната рутина на децата кои одат на училиште. Тие не само што ги полнат со енергија, туку и ги прават посреќни и пофокусирани. Секој од вас треба да наоѓа време за дремка во текот на денот, бидејќи откако ќе се намали ефектот на утринското кафе, работата може да почне да ви изгледа многу потешка и потемна од претходно. Ако дремнете, ќе се освежите и ќе можете со полна пареа да продолжите понатаму. 2. Голем и мал одмор Не сите сакаат или можат да дремнат во текот на денот. Но, тоа не значи дека не постојат други начини на кои можете да ги наполните вашите батерии. Можеби вам повеќе ви одговара да излезете на свеж воздух и малку да се размрдате. Токму затоа и треба да ги вратите големите и малите одмори од училиштата назад во вашиот живот. Сите оние нешта кои порано ги правевте во училишните дворови, можете да ги практикувате и за време на паузите од работа. Сè што е потребно е да го посетите најблискиот парк и откако ќе се вратите на работа ќе имате посвежа перспектива на нештата. 3. Зимски и летен распуст Однапред испланираниот одмор е најдобриот дел од детството. Да, професорите секојдневно ви давале домашни работи, но вие знаевте дека кога тогаш кога ќе дојде зимскиот или летниот распуст, па ќе бидете слободни да правите сè што ќе ви падне на ум. За зимскиот распуст, најчесто одевте на скијање, додека пак, за летниот – скоро секогаш бевте на езеро или море. Да се има гарантирана недела за одмор може да ви помогне многу при вашата работа, токму затоа и не одбегнувајте да ги користите вашите слободни денови. 4. Вонучилиштни активности На крајот од секој работен ден, вие се упатувате кон вашиот дом, легнувате на каучот и не станувате додека не дојде време за спиење (ако не заспиете во меѓувреме). Но, се сеќавате додека бевте во училиште, колку повеќе енергија имавте по завршувањето на часовите? Тоа се случува бидејќи бевте многу поактивни, за разлика од сега. Вонучилиштните активности како спортот, часовите за танцување или свирење музички инструмент или пак, драмската секција не само што ви помагаа да запознаете нови пријатели, туку ве ослободуваа и од стресот кој секојдневно се насобирал во вас. Оваа пракса може многу да ви помогне и денес, без разлика на изборот што ќе го направите. Хобито е клучно при полнењето со енергија, без разлика дали имате талент за истото или не.

Силјаноска: Ние се грижиме за младината, а не ги забораваме возрасните

Тале Кристо — Sat, 04 Jul 2020 20:15:21 +0000

Професор Гордана Силјаноска Давкова, носител на листата на кандидати за пратеници во ИЕ 1 на коалицијата Обнова за Македонија вечерва од скопска Кисела Вода рече дека власта мора да произлегува од народот и секогаш да биде со него. -Сега за Македонија се обединија сите Македонци ширум светот. Можам да дадам дијагноза за демократијата во земјава, а тоа е најстрашна е власта во заминување неспособност. Треба да се гласа на 15 јули за да има здрава власт. На 15 јули сите ќе зачекориме кон обновата, и се додека зборуваме за обнова бидете сигурни има шанси за оваа држава. Мора да ја обновиме почитта кон вас, кон македонскиот народ кој го понижија. Тоа не смееме да го толерираме власта произлегува од народот и му должи на народот. Треба да има живот кој е достоинствен, живот кој ги штити најслабите, кој се грижи за младината, не ги заборава возрасните или власт од сите и за сите, рече Силјаноска. Според неа многу од областите во Македонија се на колена и во лоша состојба. -Економијата е на колена, меѓутоа ние велиме дека ќе ја исправиме. Најдобрите економисти кога ги споредуваат програмите велат програмата на ВМРО-ДПМНЕ е реална, рационална и остварлива. Власта треба да ги помага најсиромашните, најпогодените, тие си ги помагаа сопствените фирми, а замислете социјалдемократи се, таква социјалдемократија нема, кажа Силјаноска. Професорката укажа дека ВМРО-ДПМНЕ ќе ја покрие и социјалната димензија, како и за сите области има соодветни политики. -Мора да сториме се за да останат младите тука, државата ќе се грижи за најдобрите, ако се грижиме за најдобрите нема да си заминуваат. Мора да ставиме крај на кршењето на владеењето на правото затоа што нема правна држава ако сите не се еднакви пред законот, порача на крајот на обраќањето професорката Силјаноска.

Зошто децата се смејат почесто од возрасните?

Катерина Бојаџиева — Sat, 06 Apr 2019 15:03:24 +0000

Зошто децата постојано се смејат и покрај временски неприлик и покрај болеста и сиромаштијата? Затоа што на сосема поинаков начин ги разгледуваат ситуациите кои ги опкружуваат. Понекогаш најголемите лекции од животот можеме да ги научиме токму од децата. Немаат молив? Ќе цртаат со креда. Немаат топка? Ќе ја искористат кутијата. Немаат скејтборд? Ќе се снајдат некако со нешто друго. Децата ќе импровизираат куќа во природа, ќе прават колачи од снег, дворци од песоци, ќе трчаат боси по трева, ќе скокаат во барички, ќе фаќаат гуштери, ќе хранат штотуку родени мачки, ќе си играат со топки направени од кал, ќе лижат мразулци преправајќи се дека се сладолед. Ќе заиграат на мраз, ќе си играат со лисја, ќе скокаат, ќе викаат, ќе се качуваат на сѐ и сешто и ќе бидат многу посреќни од многу возрасни кои имаат неспоредливо повеќе. Кога ќе им се придружи ново другарче, тие не се замараат за неговата материјална состојба, за вера, боја, кожа, за историјата на неговите родители, за имотот што го поседува, ниту за облеката која ја носи. Од тригодишник нема да чуете: „Кажи ми каков си бил како бебе. Цицаше или пиеше млеко од шише? Дали носеше „Памперс“ или други пепени? Јас се дружам само со оние кои носеле „Памперс“. Децата уживаат во сегашниот момент и заедно создаваат спомени – додека многу ворзрасни постојано ги враќаат спомените од минатото и со тоа си ја расипуваат и сегашноста, но и иднината. Детето во секој момент ќе најде некаков начин за да се забавува и максимално ќе го искористи своето време и ситуацијата во којашто се наоѓа. Ќе направи гаража за автомобили од кутија од чевли, ќе направи авион од хартија, ќе се прска со вода, ќе игра со стапчиња од сладолед, ќе пее подеднакво гласно иако нема талент и што е најважно – искрено ќе се смее! Благодарејќи на тоа, детството станува поубаво, повесело, поразиграно, пораспеано и пошарено, па дури и во најтешките околности за растење. Нивната фантазија е бујна, а бескрајни се волјата и желбата да си го разубаваат секој момент. Навистина малку е потребно за среќа. Секаде можеме да ја најдеме и почувствуваме, потребно е само малку добра волја. Животот го создаваме од ситници и краткотрајни моменти. Тие го создаваат совршенството, а совршенството е нашата крајна цел.