вработена – Kurir.mk

Кривична пријава против вработена во Здравствен дом Гостивар, на невакцинирано лице му издала Ковид сертификат

Тале Кристо — Tue, 07 Feb 2023 17:08:20 +0000

СВР Тетово поднесе кривична пријава против К.А.(37) од Гостивар поради постоење основи на сомнение за сторено кривично дело „несовесно работење во службата“. Пријавената, како службено лице, вработена во Здравствен дом Гостивар, на лице што не било вакцинирано му издала Ковид сертификати за извршена вакцинација.

Тепачка во спортска обложувалница во Драчево, повредена и вработената

Тале Кристо — Sun, 02 Oct 2022 14:52:06 +0000

На 01.10.2022 во 20,50 часот во СВР Скопје, вработена во спортска обложувалница во населба Драчево, Скопје пријавила дека по претходна расправија помеѓу две лица, едниот од нив го скршил стаклениот шалтер во обложувалницата при што и нанел повреди, по што истите го напуштиле местото на настанот. Се преземаат мерки за расчистување на случајот.

ТОЧЕЛЕ АЛКОХОЛ НА МАЛОЛЕТНИЦИ: Кривична пријава против вработена во угостителски објект и правното лице од Битола

Тале Кристо — Wed, 08 Jun 2022 15:16:49 +0000

СВР Битола - Одделението за криминалистичка полиција при СВР Битола до Основното јавно обвинителство поднесе кривична пријава против правно лице – угостителски објект на ул.„Рајко Жинзифов” во Битола и против А.Д.(24) од Битола, вработена во објектот, поради постоење основи на сомнение за сторено кривично дело „точење на алкохолни пијалаци на дете”, казниво по член 204 од Кривичниот законик. На 24.12.2021, во периодот од 22.30 до 23.30 часот, при контрола во објектот било утврдено дека А.Д. послужила со алкохолни пијалаци 10 малолетници кои не наполниле 14 години.

Уапсена битолчанка која била вработена во јавна установа за здружување на деца – ги запуштила малолетниците згрижени во домот

Магдалена Андонова — Mon, 06 Jun 2022 16:37:47 +0000

На 04.06.2022 полициски службеници од полициската станица Битола ја лишиле од слобода Х.В.К.(37) од Битола, вработена во јавна установа за згрижување на деца во Битола, бидејќи истата со запоставување на својата должност, ги запуштила малолетниците згрижени во мал групен дом. По документирање на случајот против неа ќе следува кривична пријава.

Одговорна во маркет крадела пари кои и биле доверени за работа, направила штета од над 1.000.000 денари

Магдалена Андонова — Fri, 04 Feb 2022 09:59:16 +0000

Поради постоење основи на сомнение за сторено кривично дело „затајување“, СВР Охрид поднесе кривична пријава против А.Л.(32) од Охрид. Таа, во својство на одговорно лице во маркет лоциран на улицата „Гоце Делчев“ во Охрид, подолг временски период, противправно присвојувала парични средства- сопственост на правниот субјект кои, и биле доверени за работа.. Со тоа, според финансиска документација приложена од сопственикот на правниот субјект, пријавената предизвикала материјална штета од 1. 182. 022 денари.

ХОРОР СЦЕНА ВО „ЛИДЛ“ ВО СПЛИТ: Вработена прободена неколку пати од зад грб од својот партнер

Магдалена Андонова — Tue, 30 Nov 2021 17:23:59 +0000

Жена е нападната во Лидл Маркет во Сплит, попладнево, непто пред 15 часот. Починала како последица на повредите со нож кои и биле нанесени од страна на маж, кој, според тамошните медиуми, и бил партнер со кого имала 10. годишно дете. Медиумите објавуваат дека маж ја нападнал вработената во Лидл пред очите на купивачите. Ја уби со повеќе убоди притоа неконтролирано викајќи – велат очевидци. Полиците и подот биле покриени со крв. Според зборовите на напаѓачот, кој викал по неа додека и нанесувал убоди со нож, се работи за нејзин поранешен партнер. На крвавиот напад му претходела кавга, а насилникот бил совладан од страна на обезбедувањето и неколку маќи кои го легнале на под. Според непроверени информации напаѓачот се обидел да си нанесе убоди и на себе, по што брутално ја нападнал својата жртва. Кутра жена, стоеше на нозе кога напаѓачот и дојде од зад грб. Имаше капа на глава, нешто викаше и извади нож. Ужасно! Ја прободе неколку пати. Сѐ уште сум во шок! – изјавува девојка, сведок на настанот.

ПОВТОРНО ПРОБЛЕМИ: Бритни Спирс е под истрага поради конфликт со нејзина вработена

Магдалена Андонова — Fri, 20 Aug 2021 10:52:38 +0000

Пејачката Бритни Спирс моментално е под истрага откако член на нејзиниот куќен персонал ја обвини дека ја удирала, пренесува Би-би-си. Вработената ја поднесе тужбата во понеделникот, веднаш по наводниот конфликт во куќата на пејачката. Шерифот за областа Вентура рече дека ќе ги испрати своите заклучоци по истрагата до обвинителите за разгледување на обвинувањата за можно кривично дело, кое во Калифорнија вклучува секој намерен и нелегален физички контакт со некое лице. Странските медиуми пишуваат дека Бритни го грабнала телефонот од рацете на нејзината работничка, а нејзиниот адвокат Метју Розенгарт тврди дека целото обвинување било претерано, па тој го побил. Во својата изјава за Би -Би -Си, Розенгарт рече дека нема удари или повреди. - Секој може да поднесе тужба, но овој случај требаше веднаш да се затвори, додаде Розенгарт, која започна да работи со Бритни минатиот месец во обид да стави крај на старателството над животот на пејачката од нејзиниот татко Џејми Спирс. Инаку, пред нешто повеќе од седум дена, Џејми се согласи да поднесе оставка од долгорочната улога на нејзин старател. Бритни пред судот во Лос Анџелес во мај рече дека старателството наложено од судот е злоупотреба и дека „сака да си го врати животот“.

Бил Гејтс во 2020 година го напуштил „Мајкрософт“ поради поранешна романтична врска со вработена

Тале Кристо — Mon, 17 May 2021 06:30:21 +0000

Бил Гејтс во 2020 година го напуштил Управниот одбор на „Мајкрософт“, кога бордот на директори спровел истрага за поранешна романтична врска на милијардерот со вработена во неговата компанија, соопшти „Волстрит журнал“. Основачот и поранешен шеф на американскиот технолошки гигант се повлече од претседателската фотелја во март 2020 година. „Членовите на бордот на „Мајкрософт“ одлучија дека Бил Гејтс треба да се повлече од него уште во 2020 година, бидејќи спроведоа истрага за претходна романтична врска на милијардерот со жена вработена во компанијата, за која се сметаше дека е несоодветна“, јави весникот, повикувајќи се на луѓе запознати со случајот. Тоа била „афера од пред речиси 20 години, која завршила спогодбено“, изјави портпаролката на Гејтс. Според портпаролката, Гејтс го напуштил „Мајкрософт“ за повеќе да се фокусира на неговата филантропска организација, фондацијата „Бил и Мелинда Гејтс“. Гејтс и неговата сопруга Мелинда, кои беа ко-основачи на нивната добротворна организација пред две децении во борбата против глобалната сиромаштија и болести, на 3 мај објавија дека се разведуваат по 27 години заеднички живот. Портпарол на „Мајкрософт“ за француските медиуми изјави дека во втората половина на 2019 година компанијата била предупредена дека „Бил Гејтс во 2000 година се обидел да почне интимна врска со вработена во компанијата. Комитет на Бородот изразил загриженост, и потпомогнат од надворешна правна фирма, спровел темелна истрага “. Вработената, инаку инженерка во компанијата, во писмо тврди дека „со години“ имала сексуална врска со Гејтс, јави „Волстрит журнал“.

Вработена на Клиника нападната од пациент

Магдалена Андонова — Thu, 30 Jul 2020 14:38:50 +0000

На 29.07.2020 во 12.20 часот во СВР Скопје, Ф.Ј.(33) од с.Брњарци, скопско, пријавила дека околу 09.00 часот во Комплекс клиники „Мајка Тереза“, додека таа била на своето работно место, била нападната од Д.Б.А. Лицето кое ја нападноло бил пациент на Клиниката за трауматологија. Се преземаат мерки за расчистување на случајот.

Вработена во тетовска аптека спречила кражба

Тале Кристо — Tue, 30 Jun 2020 09:59:25 +0000

Вработена во тетовска аптека со викање најверојатно успеала да уплаши непознато лице кое се обидело да изврши кражба во објектот. Откако добила закана и и биле побарани парите од касата, таа почнала да вика и побегнала од аптеката по што без да земе нешто заминало и машкото лице. -Ноќеска во 1 часот, 47-годишната тетовка А.С.Ѓ. во СВР Тетово пријавила дека околу 22 часот во аптека на улица „29 Ноември“ непознато лице и се заканило и ги побарало парите од касата. Меѓутоа, според пријавеното, откако таа избегала од објектот и почнала да вика, лицето заминало без да земе ништо, соопшти СВР Тетово Полицијата преземаат мерки за расчистување на случајот.