УЕФА враќа 575 милиони евра на радиодифузерите

Магдалена Андонова — Tue, 08 Sep 2020 12:52:25 +0000

Европската фудбалска централа (УЕФА) ги извести клубовите дека ќе им врати 575 милиони евра на радиодифузерите поради прекинување на натпреварувањето во Лигата на шампионите и Лигата на Европа. Во текот на сезоната 2020/2021, УЕФА требаше да заработи 3,25 милијарди евра годишно од продажба на преноси и спонзорски договори за своите клупски натпреварувања. – Тоа се пари што нема да бидат поделени. Ние сме во процес на затворање на сметките со УЕФА, со намалување од околу 575 милиони евра за меѓународни клупски натпреварувања, рече претседателот на Европската асоцијација на клубови (ЕЦА) Андреа Ањели на онлајн состанок со 250 члена. Додека пандемијата од коронавирус принудно не го запре, а потоа и го смени системот на натпреварување со помал број на натпревари во нокаут фазата, клубовите од Лигата на шампионите и Лигата на Европа требаше да поделат 2,55 милијарди евра од паричната награда на УЕФА. Ањели, кој е претседател на италијанскиот шампион Јувентус, рече дека клубовите се уште се во криза и дека целата слика нема да биде јасна се додека не започнат да се објавуваат годишните извештаи во следните неколку недели. Тој предвиде дека некои клубови ќе претрпат поголеми загуби од целите фудбалски конфедерации, како што е УЕФА. ЕЦА претходно предвидуваше дека европските клубови ќе имаат помал приход од четири милијарди евра во следните две години поради влијанието на пандемијата. Да се играат натпревари без публика пред скоро празни стадиони е проблем што ги обедини сите клубови, изјави Ањели. – Не станува збор само за атмосферата, туку и важен извор на приход за сите е целосно избришан, додаде тој. Анџели, исто така, предвиде пад на вредноста кога ќе се обноват комерцијалните договори, како што се спонзорства за дресови. (МИА)

Мајк Тајсон се враќа во рингот

Тале Кристо — Sat, 25 Apr 2020 07:17:20 +0000

Поранешниот шампион во бокс во тешка категорија, Мајк Тајсон објави дека се враќа во рингот за серија добротворни натпревари, чии приходи ќе одат за поддршка на бездомниците и луѓето кои страдаа од зависност од дрога. Тајсон веќе влегол во сала за тренинг и неговиот прв впечаток е дека ќе биде доста тешко да се влезе во пристојна ринг-форма. – Работев со ракавици, нема да биде лесно. Моето тело е измачено и имам болка, но тренирам. Ќе дадам се од себе за да се вратам во рингот за серија дуели. За да го направам ова, морам да работам напорно во салата за да издржам барем 3-4 рунди. Јас исто така трчам на лента, издржувам по еден час. Јас работам и на боксерски работи, постепено навлегувам во еден час. И испробувам комбинации, но болката е интензивна, изјави Тајсон за „БоксингСцин“.

враќа – Kurir.mk

УЕФА враќа 575 милиони евра на радиодифузерите

Мајк Тајсон се враќа во рингот