Врапчиште – Kurir.mk

ФОТО: Приведен надрилекар во гостиварско Врапчиште

Тале Кристо — Fri, 09 Jun 2023 12:17:38 +0000

На 08.06.2023 во гостиварско Врапчиште, полициски службеници од ОВР Гостивар го лишиле од слобода М.Ч.(33) од Република Турција. При претрес во куќа во содејство со Државен санитарен и здравствен инспекторат, која ја користел како ординација за надрилекарство, извршен со судска наредба, биле пронајдени и одземени поголема количина на таблети, медицинска документација, пари и други предмети. Лицето било задржано во полициска станица и по расчистување и документирање на случајот, против него ќе биде изготвен соодветен поднесок.

Крадел пари од спортска обложувалница – приведен дедо од Врапчиште

Магдалена Андонова — Tue, 06 Sep 2022 09:55:51 +0000

На 05.09.2022 во 13.00 часот во гостиварско Врапчиште, полициски службеници на СВР Тетово - Одделение за внатрешни работи Гостивар го лишиле од слобода 69-годишниот Ј.Б. од ова село. Тој се сомничи дека на 3-ти овој месец од спортска обложувалница во селото противправно одзел парични средства. По документирање на случајот против Ј.Б. ќе следува соодветен поднесок.

Двајца жители на Врапчиште обвинети за загрозување на сигурноста на извршителка

Тале Кристо — Tue, 05 Jul 2022 13:10:29 +0000

Јавен обвинител од Основното јавно обвинителство Гостивар поднесе Обвинителен предлог против двајца браќа од селото Добри Дол, општина Врапчиште кои се товарат дека сториле кривично дело – Загрозување на сигурноста од член 144 став 3 во врска со став 1 од Кривичниот законик. Обвинетите, на возраст од 48 и 47 години, на 18 март ја загрозиле сигурноста на службено лице во вршење на службата, упатувајќи сериозна закана дека ќе нападнат врз животот и телото на извршителка од Гостивар. Тие дошле во службените простории на оштетената, која како службено лице презела извршни дејствија во предмет во кој двајцата се јавувале како должници. Откако им појаснила за што станува збор во предметот, тие започнале да и се закануваат дека не смее да им земе ниту еден денар или во спротивно ќе ја убијат. Извршителката настанот го пријавила во полиција.

Вршел превоз на патници без лиценца, кривична за жител на Врапчиште

Ивана Ефремовски — Thu, 10 Mar 2022 15:55:50 +0000

ОВР Гостивар поднесе кривична пријава против С.Е.(65) од с.Врапчиште, поради постоење основано сомнение за сторено кривично дело „вршење на јавен превоз без поседување лиценца“. На 27.12.2021 на ул.„Никола Парапунов“ во Гостивар, при контрола на патничко возило „форд транзит“, сопственост на А.А., а управувано од пријавениот како такси превозник, било констатирано дека врши јавен превоз на патници без поседување на соодветна лиценца за вршење на дејноста издадена од надлежна институција.

Приведено лице од Врапчиште – кај него било пронајдено марихуана

Магдалена Андонова — Wed, 03 Feb 2021 14:52:44 +0000

Денеска (3.2.2021) околу 12:20 часот во гостиварско Врапчиште, полициски службеници од СВР Тетово-Одделение за внатрешни работи Гостивар го лишиле од слобода Б.Б.(34) од гостиварско Здуње, затоа што кај него била пронајдена марихуана. Б.Б. е задржан во Полициската станица Гостивар и по документирање на случајот, а во координација со Јавен обвинител, ќе му биде изготвен соодветен поднесок.

Малолетник од село Врапчиште со пушка ранил свој врсник!

Тале Кристо — Thu, 07 Jan 2021 15:38:56 +0000

На 06.01.2021 во 14.10 часот во СВР Тетово било пријавено дека во приватна болница „Систина“ на 05.01.2021 донесено е повредено лице од огнено оружје. Според пријавата, на 05.01.2021 околу 15.30 часот во помошен објект во атар на с.Врапчиште, 16 годишен малолетник од с.Врапчиште ракувајќи со воздушна пушка со еден истрел погодил друг малолетник од с.Врапчиште. По настанот повредениот е префрлен во приватна болница „Систина“ во Скопје за укажување на лекарска помош. Извршен е увид и се преземаат мерки за расчистувaње на случајот.

Прекината свадбена веселба во Врапчиште, приведен организаторот

Магдалена Андонова — Fri, 18 Dec 2020 17:44:09 +0000

Денеска (18.12.2020) околу 15.40 часот полициски службеници од СВР Тетово- ОВР Гостивар го лишиле од слобода А.З. (56) од с. Врапчиште, гостиварско, пред чија куќа била организирана свадбена веселба, на која присуствувале триесетина лица. А.З. е задржан во Полициска станица Гостивар и по документирање на случајот ќе биде поднесена соодветна кривична пријава.

Најголема излезност во Гостивар, а најмала во Врапчиште

Дарко Андоновски — Sun, 21 Apr 2019 14:29:58 +0000

Според обработените податоци во изборните комисии до 15 часот во општина Маврово – Ростуше на гласање излегле 1.572 гласачи, односно 15,9 проценти од запишаните 9.721 граѓани со право на глас. Во општина Врапчиште излезноста на претседателските избори до 15 часот изнесува 12,61 проценти (3.227) од вкупно запишаните 25.594 гласачи. Во општина Гостивар на гласање излегле 13.855 гласачи, односно 17,45 проценти од вкупно 79.493 запишани во избирачкиот список.

Во Врапчиште и во Маврово-Ростуше почна гласањето на сите избирачки места

Ивана Ефремовски — Sun, 21 Apr 2019 05:37:50 +0000

Првиот круг од шестите претседателски избори уторово почна на сите 39 избирачки места во општина Маврово-Ростуше. Во избирачкиот список на територијата на Маврово Ростуше запишани се 9. 721 граѓанин со право на глас, кои гласаат на 39 избирачки места. Претседателот на ОИК Маврово Ростуше, Харис Ибраими потврди дека се обезбедени сите услови за спроведување на првиот круг од изборите за претседател. Во Маврово-Ростуше вчера избирачкото право го искористија шест граѓани од седум пријавени. Првиот круг од шестите претседателски избори утрово почна и на сите 39 избирачки места во општина Врапчиште. Претседателот на ОИК Врапчиште Имер Ќазими потврди дека се обезбедени сите услови за спроведување на првиот круг од изборите за претседател и гласањето почнало навреме. Во избирачкиот список на територијата на Врапчиште запишани се 25.594 граѓани со право на глас Во текот на вчерашниот ден во оваа општина гласаа девет лица. (МИА)

Во Oпштина Врапчиште евидентирни 25.594 избирачи, денеска гласаа девет лица

Дарко Андоновски — Sat, 20 Apr 2019 11:25:14 +0000

Во општина Врапчиште денеска избирачкото право го искористија девет граѓани од кои четворица болни и пет кои се во домашен притвор. Претседателот на ОИК Врапчиште Имер Ќазими потврди дека се обезбедени сите услови за спроведување на првиот круг од изборите за претседател. На престстојните избори во Избирачкиот список на терторијата на Општина Врапчиште се запишани 25.594 граѓани со право на глас кои утре ќе гласаат на 39 избирачки места.