врата – Kurir.mk

Уапсен мажот кој ја отвори вратата од авион среде лет

Ристе Здравков — Fri, 26 May 2023 09:23:17 +0000

Уапсен е мажот кој ја отвори вратата на јужнокорејската компанија „Азијана ерлајнс“ на лет со 194 патници, објави Јонхап. Се работи за 33-годишен маж, кој е осомничен дека ја повлекол рачката на вратата за излез во случај на непосредна опасност. По полетувањето од аеродромот Џеџу, Јужна Кореја, авионот бил на пат за Даегу, град на 237 километри југоисточно од Сеул, кога вратите се отвориле околу 12:45 часот по локално време, соопштија официјални лица на аеродромот каде што слетал авионот со отворена врата.

ВИДЕО: Врата од авион се отвори среде лет, патниците во паника, се појави снимка

Ристе Здравков — Fri, 26 May 2023 07:44:23 +0000

На социјалните мрежи се појави видео од авион во кое вратата се отвора сред лет.

🇰🇷 En #CoréeduSud, une passagère du vol OZ8124 d'Asiana reliant la ville de Daegu, au sud-est du pays, à l'île de Jeju, au sud-ouest, a ouvert la porte de l'avion avant l'atterrissage. L'appareil a pu atterrir avec la porte ouverte sans blessés.pic.twitter.com/KCmdjhK1kS
— Bienvenue en Corée du Sud (@encoreedusud) May 26, 2023

Инцидент се случил на летот на јужнокорејската авиокомпанија „Азијана ерлајнс“ кога во петокот се отворила вратата на авионот непосредно пред слетувањето на аеродромот во градот Даегу. На видеото се гледаат вратите отворени, додека работите на патниците летаат наоколу. Тие седат на седиштата и не се мрднуваат. Неколку патници имале проблеми со дишењето, но авионот слетал безбедно, соопштија официјални лица. Во авионот имало 194 луѓе, а по полетувањето од островот Џеџу во Јужна Кореја, вратите наеднаш се отвориле, велат официјални лица. Ниту еден од 194 лица не испаднал од авионот или е повреден, но некои патници ги фатила паника, предизвикувајќи проблеми со дишењето и веднаш по слетувањето биле пренесени во болница.

Возач ја отворил вратата од автомобилот среде метеж на семафор, нема да верувате зошто го направил тоа (ВИДЕО)

Ристе Здравков — Mon, 23 Jan 2023 11:43:43 +0000

Некој сподели неверојатна сообраќајна сцена на Reddit. Некој возач, среде чекање на семафорите, неиспровоцирано си ја отворил вратата за да не можат автомобилите на лентата до неговиот да го поминат неговиот автомобил. Целата сцена ја снимила камера во автомобил, а луѓето не можеле да поверуваат кога ја сфатиле причината поради која возачот ја отворил вратата. Видеото погледнете го ТУКА

Какво чергиче имате пред вратата: Од бојата зависи каква состојба ќе имате во домот

Ивона Петрова — Wed, 21 Dec 2022 22:00:19 +0000

Според фенг шуи филозофијата за уредување на просторот, ходникот и влезниот дел се исклучително важни за енергијата во домот. Влезниот простор е еден вид филтер кој пропушта енергија однадвор и исфрла одредена енергија од куќата. Постојат одредени правила за уредување на ходниците и влезните врати според фенг шуи, а енергично може да влија и подлогата пред вратата, како што истакнуваат експертите за фенг шуи. Обликот на подлогата се одредува врз основа на положбата на вратата, односно на која страна е свртена. Ако вратата е насочена кон север, тогаш обликот на чергичето треба да биде кружно. Ако се свртени кон југ, тогаш подобро е да се даде предност на правоаголно или квадратно чергиче. Се разбира, север се однесува и на северозапад и североисток, а југ кон југозапад и југоисток. Според фенг шуи, боите имаат одредено значење и енергетска симболика. Кога станува збор за бојата на чергичето, црната е добар избор доколку има добро осветлување во вашиот ходник. Ако просторот пред вратата е темен, тогаш подобро е да се даде предност на посветла боја. Црните и сивите чергичиња се неутрален и разновиден избор и симболизираат стабилност. Зелената боја носи добра енергија и општа благосостојба. Кафената боја ја зајакнува внатрешната сила и носи рамнотежа. Црвената е една од најдобрите опции. Ако одговара на вашиот стил, можете да дадете предност на оваа боја. Црвената боја е поврзана со креативна Ки енергија, мотивација, акција и добро расположение. Сината боја е симбол на знаење и нови идеи, па затоа е поволен избор за оние кои студираат или работат од дома. Едно од главните правила во фенг шуи е уредноста. Целиот дом треба да биде уреден, чист, без наталожени работи, за да има поволна енергија во него. Затоа е важно чергата на вратата да не е стара, валкана, излитена. Тоа е дел од надворешноста на вашиот дом и ја одразува состојбата на вашата куќа.

Тинејџер по расправија постојано трескал врата, па казната од татко му нема да му се допадне (ФОТО)

Ивана Ефремовски — Tue, 03 Mar 2020 21:02:33 +0000

Животот со тинејџер кој секоја расправија ја завршува со трескање на вратата од неговата соба не е лесен, но еден родител пронашол начин како да се справи со тоа. Братот на едно младо момче објавило фотографија на Редит која прикажува на кој начин таткото го казнил бидејќи ги трескал вратите. Тинејџерот после расправијата со таткото го прекинал разговорот, се залетал накај собата и ја треснал вратата. Таткото почекал синот да замине во училиште, а потоа во меѓувреме ја “средил“ вратата. Ефектот кога ќе тресне со половина врата, едноставно, нема да биде ист. Според неговиот поглед на фотографијата, ова воопшто не му се допаднало, но интернет корисниците добро се забавуваат.

Холанѓаните секогаш ја отвораат вратата со десната рака кога излегуваат од автомобилот- причината ќе ве натера на истата навика (ВИДЕО)

Дарко Андоновски — Sat, 20 Jul 2019 19:44:59 +0000

Кога излегуваат од автомобилот, Холанѓаните не ја отвораат вратата со лева рака, туку со десната. Оваа едноставна промена на навиките која повеќето други возачи ја имаат кога излегуваат од автомобилот може да спаси бројни животи – велосипедисти, возачи и други учесници во сообраќајот. Ваквиот начин на отворање на вратата во текот на излегувањето од автомобилот добил дури и свој назив – „Dutch Reach”, а функционира на следниот начин: Кога сакате да излезете од автомобилот, фатете ја вратата со десната рака. Со тоа, вашето тело е приморано да се ротира така што ќе го видите патот зад вас и навреме ќе можете да реагирате доколку се најдете во потенцијално опасна ситуација – односно ако кон вас оди велосипедист, пешак или друго возило. Дури и доколку не погледнете право на патот, во најмала рака ќе бидете приморани да погледнете во ретровизорот. Како што јавува “NY Times”, во САД е забележан најголем број на смртно настрадани велосипедисти во последните 30 години, а слична е бројката и во Велика Британија. Најчестите несреќи се случувале токму поради невнимателното отворање на вратите на возилата од страна на возачите. Во Велика Британија во 2016 година, дури 600 лица загинале или биле повредени поради невнимателно отворање на вратата од автомобилот.

Никако не ги чувајте овие работи: Сите ги имаме дома, а ни носат несреќа

Ивана Ефремовски — Thu, 04 Jul 2019 19:30:00 +0000

Расипан часовник – според фенг шуи, скршените работи треба да ги исфрлите од куќата, а особено скршените часовници. Тие наводно укажуваат на несреќни настани во иднина. Црна врата – според кинеско верување предизвикува лоша среќа во вашиот дом, но не ако е свртена кон север. Стар календар – календарот е симбол на проаѓањето на времето, а ако го користите на погрешен начин наводно може да влијае и на вашиот живот. Ако не сте ја свртиле страницата на точната дата, не е добро! Скршени садови – садовите според кинеско верување го симболизираат богатството и семејството. Ако јадете во напукнати чинии потсвесно ги признавате проблемите во својот живот. Затоа, штом нешто напукне, веднаш фрлете го. Кактуси и билки со трња (освен ружи) – внесуваат негативна енергија во домот. Мртви билки – еднакво како и вештачките билки се смета дека носат лоша среќа, па според фенг шуи и тие треба да ги исфрлите од куќата. Бршлен – по старите верувања бршленот кој ползи по куќата носи несреќа.

Затворената врата им го спасила животот: Пожарникари објасниле зошто е исклучително важно да го направите ова пред спиење

Ивана Ефремовски — Sun, 10 Feb 2019 10:40:29 +0000

Пожарникарите на Њу Ферфилд, Конектикат, објавиле фотографии од врата на еден дом кој бил зафатен од пожар. Имено, од внатрешната страна, вратата изгледала прилично недопрена и бела, додека од другата страна, штетата била голема. Сѐ било потполно црно. Со ова, пожарникарите сакале да ги советуваат граѓаните дека е многу важно да ја држат вратата од собата затворена, доколку дојде до пожар во другите простории. За среќа, во куќата во која избил пожарот немало повредени, спасени се сопствениците и нивното куче. -Овие фотографии покажуваат колку е важно да спиете со затворени врати. Родителите некогаш едвај успеваат да ги убедат децата да спијат со затворени врати бидејќи се плашат, но трба да им се објасни дека тоа може да им го спаси животот доколку дојде до пожар, објаснуваат од пожарникарската служба.

Доста му било чекање: Патник ја отвори вратата на авионот и излезе преку крилото (ВИДЕО)

Матеја Петровски — Wed, 03 Jan 2018 20:09:37 +0000

Патник на летот на компанијата Рајанер од Велика Британија за Шпанија, на кого изгледа му било доста од чекање да излезе од авионот после слетување, ги шокираше сопатниците кога го отвори излезот за вонредни ситуации и се обиде да излезе преку крилотo на авионот. Инцидентот се случил на први јануари, 30 минути откако авионот слетал на аеродромот во Шпанија, на летот од Лондон, каде летот исто така доцнел. Патникот бил наговорен да се врати назад во авионот, а повикана била и полицијата. Еден од патниците, Фернандо дел Ваље Виљалобос, го сними инцидентот откако слушнал како тој човек говори дека му е доста од чекање. Полицијата соопшти денеска дека покренале обвинение против мажот поради загрозување на безбедноста и дека е потврдено дека тој не е државјанин на Шпанија, туку на Полска. Рајанер соопшти дека инцидентот сега е во рацете на шпанските власти.