време – Kurir.mk

Облачно и посвежо со врнежи од дожд

Тале Кристо — Sat, 04 Nov 2023 07:59:33 +0000

Времето денеска во земјава ќе биде облачно и посвежо со врнежи од дожд, наместа обилни (над 40 l/m2). Врнежите повремено ќе бидат поројни и проследени со грмежи, локално во форма на невреме со силен ветер. Минималната температура ќе биде во интервал од 9 до 15, а максималната ќе достигне од 13 до 19 степени. Во Скопје облачно со врнежи од дожд, повремено поројни. Ќе дува умерен ветер од јужен правец. Минималната температура ќе се спушти до 14, а максималната ќе достигне до 16 степени. Кон крајот на денот во западните делови ќе има врнежи од дожд, а потоа до средината на следната седмица ќе настапи стабилизирање на времето. Синоптичарите најавуваат дека во следните часови не очекуваат пообилни врнежи од дожд и тоа прво на западот, а потоа и на целата територија на државата. На одредени места се очекува врнежите да бидат и над 40 милиметри, известуваат од УХМР. Оттаму предупредуваат дека, доколку овие врнежи се со голем интензитет и за кратко време паднат на одредени помали сливни површини, во текот на ноќта и утрото можно е да дојде до поројни истекувања на помалите водотеци и суводолици и до несакани излевања на нивните води кои би можеле да предизвикаат локални проблеми како покрај водотекот така и на патната инфраструктура која е во негова близина. На одредени места можна е и појава на свлечишта и одрони. Во одредени градски населби поради истечни и канализациски води можна е појава на локални комунални проблеми.

УХМР: Во следните 24 часа пообилни врнежи од дожд

Катерина Бојаџиева — Fri, 03 Nov 2023 21:59:56 +0000

Синоптичарите најавуваат дека во следните 24 часа не очекуваат пообилни врнежи од дожд и тоа прво на западот, а потоа и на целата територија на државата. На одредени места се очекува врнежите да бидат и над 40 милиметри, известуваат од УХМР. Оттаму предупредуваат дека, доколку овие врнежи се со голем интензитет и за кратко време паднат на одредени помали сливни површини, во текот на ноќта и утрото можно е да дојде до поројни истекувања на помалите водотеци и суводолици и до несакани излевања на нивните води кои би можеле да предизвикаат локални проблеми како покрај водотекот така и на патната инфраструктура која е во негова близина. На одредени места можна е и појава на свлечишта и одрони. Во одредени градски населби поради истечни и канализациски води можна е појава на локални комунални проблеми. - Соодветно резултатите што ги добиваме од моделите врнежи ќе има на целата територија на државата. Поголема внимателност генерално е потребна на западот, југозападот, северот, североистокот и истокот на Македонија, како и во одредени централни делови од државата соодветно прикажани на слика 1, посочуваат од УХМР. Други модели, велат од УХМР, покажуваат големи врнежи на западот и на истокот на државата и врнежи со поголем интензитет во одредени делови на истокот на Македонија, соодветно прикажани на слика 2. Синоптичарите истакнуваат дека генерално водотеците низ државата се со ниски и потпросечни протекувања за овој дел од годината, но секако треба да се внимава кај помалите водотеци во прикажаните делови од државата. - Поради погоре прикажаното препорачуваме внимателно движење покрај реките и суводолиците поради можна појава на опасни води и свлечишта, препорачуваат од УХМР.

Променливо облачно со повремен дожд и ветер

Тале Кристо — Fri, 27 Oct 2023 05:43:33 +0000

Времето денска ќе биде променливо облачно со сончеви периоди. Попладне и кон крајот на денот претежно во западните и северните делови ќе има повремен локален дожд. Ќе дува умерен до засилен ветер од јужен правец. Минималната температура ќе биде во интервал од 7 до 14, а максималната ќе достигне од 21 до 27 степени. Во Скопје променливо облачно со умерен ветер од јужен правец. Минималната температура ќе се спушти до 12, а максималната ќе достигне до 25 степени. Од сабота ќе преовладува сончево и релативно топло време. По одделни котлини ќе има услови за појава на утринска магла.

Утрото свежо, преку ден сончево, кон крајот на денот умерена облачност

Тале Кристо — Sun, 15 Oct 2023 06:57:15 +0000

Денеска утрото свежо, преку денот сончево и релативно топло, а кон крајот на денот во северните и западните делови со мала до умерена облачност. Ќе дува слаб до умерен ветер од западен и југозападен правец, особено изразен во западните делови. Како што информираа од УХМР, во текот на ноќта кон понеделник ќе почне да дува засилен северен ветер, облачноста ќе се зголеми и ќе има локални врнежи од дожд. Минималната температура ќе биде во интервал од 3 до 11, а максималната ќе достигне од 23 до 30 степени. Во Скопје времето ќе биде сончево и топло, кон крајот на денот облачноста ќе се зголеми и ќе почне да дува засилен северен ветер. Минималната температура ќе се спушти до 8, а максималната ќе достигне 29 степени. Во текот на ноќта кон понеделник под влијание на продор на студена воздушна маса од север ќе почне да дува засилен северен ветер што во првите два дена од работната седмица ќе услови значително намалување на дневната температура за повеќе од десет степени. Во понеделник, според УХМР, времето ќе биде променливо облачно и ветровито, претпладне со врнежи од дожд, а во вторник облачно и уште постудено со повремени врнежи преку целиот ден, особено во јужните делови. Од среда ќе преовладува променливо облачно време со сончеви периоди и со пораст на дневната температура.

Утрото свежо, преку денот сончево со мала локална облачност

Ивана Ефремовски — Wed, 04 Oct 2023 05:45:41 +0000

Утрото свежо, преку денот сончево со мала локална облачност претежно во планинските региони. Ќе дува слаб ветер од променлив правец. Минималната температура ќе биде во интервал од 3 до 14, а максималната ќе достигне од 25 до 30 степени. Во Скопје сончево со мала локална облачност и со слаб северен ветер. Минималната температура ќе се спушти до 7, а максималната ќе достигне до 28 степени. Продолжува периодот на стабилно и релативно топло време со свежи утра. Во четврток и петок во попладневните часови ќе има зголемување на облачноста и услови за појава на краткотраен локален дожд претежно во западните делови од земјата. Во петок се очекува и засилен северен ветер претежно вдолж Повардарието. (МИА)

Сончево време со локална облачност, во четврток и петок ќе врне дожд

Ивана Ефремовски — Tue, 03 Oct 2023 05:36:55 +0000

Времето утрово ќе биде свежо, а преку ден сончево со мала локална облачност. Како што информира УХМР, ќе дува слаб ветер од променлив правец. Минималната температура ќе биде во интервал од 4 до 16, а максималната ќе достигне од 22 до 28 степени. Во Скопје ќе биде сончево со слаб ветер од променлив правец. Минималната температура ќе се спушти до 9, а максималната ќе достигне до 27 степени. Според УХМР, продолжува периодот на стабилно и релативно топло време со свежи утра, но во четврток и петок, во попладневните часови, како што најавува, ќе има локално зголемување на облачноста и услови за краткотраен локален дожд.

Облачно и посвежо време со дожд и грмежи

Тале Кристо — Mon, 25 Sep 2023 06:19:23 +0000

Времето денеска ќе биде променливо облачно и посвежо, на повеќе места нестабилно со врнежи од дожд и појава на грмежи. Врнежите наместа ќе бидат поројни, особено во западните и централните делови, локално во форма на невреме. Ќе дува слаб до умерен ветер од североисточен и северен правец. Минималните температури ќе бидат во интервал од 12 до 19, а максималните ќе достигнат од 23 до 38 степени. Во Скопје ќе преовладува променливо облачно и нестабилно време, со пороен дожд и грмежи. Во делови од котлината ќе има услови за појава на невреме. Минималните температури ќе се спуштат до 18, а максималните ќе достигнат до 25 степени. Од УХМР информираат дека од вторник времето не очекува променливо облачно време со сончеви периоди и со просечни температури за овој период од годината. Претежно во јужните делови ќе има услови за слаб локален дожд.

Попладне нестабилно време со локален пороен дожд и грмежи

Тале Кристо — Sat, 16 Sep 2023 07:12:49 +0000

Времето денеска ќе биде променливо облачно со сончеви периоди и нестабилно со локален пороен дожд и грмежи, особено во попладневните часови. Претежно во источните делови процесите локално ќе бидат поинтензивни во форма на невреме со силен ветер и појава на град. Минималната температура ќе биде во интервал од 11 до 17, а максималната ќе достигне од 24 до 31 степен. УВ-индексот ќе има вредност 5. Во Скопје ќе биде променливо облачно со сончеви периоди, попладне во делови од котлината нестабилно со пороен дожд, грмежи и засилување на ветерот. Минималната температура ќе се спушти до 15, а максималната ќе достигне 29 степени. Според прогнозата на УХМР, и во недела времето ќе биде нестабилно со локален пороен дожд и грмежи, на места со поинтензивни процеси во форма на невреме со силен ветер и појава на град. -Потоа следува сончево и топло време со мала до умерена облачност, попладне со изолирана појава на краткотраен дожд и грмежи, соопшти Управата за хидрометеоролошки работи.

Какво време нè очекува во наредните денови и за викендот?

Тале Кристо — Wed, 13 Sep 2023 10:13:23 +0000

Топлото време ќе се задржи и во следните денови. Во петок во попладневните часови ќе има локална појава на краткотрајна нестабилност проследена со краткотраен пороен дожд и грмежи. За време на викендот ќе преовладува сончево со повремена умерена облачност и услови за изолирана појава на краткотраен пороен дожд со ретки грмежи претежно на југоистокот, соопшти УХМР. Минималната утринска температура ќе биде во интервал од 10 до 17, а макаималната денвна ќе достигне до 34 степени.

Нестабилна облачност и дожд најавени за вечерва во делови од Македонија

Ивана Ефремовски — Fri, 18 Aug 2023 16:25:31 +0000

УХМР соопшти дека до крајот на денот времето ќе биде сончево со мала до умерена облачност и со слаб до умерен северен ветер, поизразен долж Повардарието. Наместа ќе има развој на нестабилна облачност и услови за појава на краткотраен пороен дожд и ретки грмежи. Времето утре ќе биде сончево и топло со мала до умерена облачност и со слаб до умерен ветер од северен правец. Од пладневните часови ќе има локална појава на нестабилност проследена со пороен дожд, грмежи и засилен ветер. Како што информира УХМР, минималната температура ќе биде во интервал од 13 до 23, а максималната ќе достигне од 31 до 38 степени. УВ индексот ќе изнесува 7. Во Скопје ќе биде сончево и топло со мала до умерена облачност и со слаб до умерен ветер од северен правец. Попладне облачноста ќе се зголемува и во делови од котлината ќе има услови за краткотрајна нестабилност со пороен дожд, грмежи и засилен ветер. Минималната температура ќе се спушти до 20, а максималната ќе достигне до 36 степени. Според УХМР, во недела ќе дува умерен до засилен северен ветер, а наместа ќе има услови за слаб дожд. Потоа, во следните денови, времето ќе биде стабилно и многу топло.