времен режим – Kurir.mk

Од утре времен режим на сообраќај од Битола кон Национален парк „Пелистер“

Дарко Андоновски — Thu, 05 Oct 2023 16:13:00 +0000

Од утре на сила ќе биде време режим на сообраќајот, кој води од Битола кон Националниот парк „Пелистер“. Од Општина Битола соопштија дека времениот режим на сообраќај се воведува заради почеток на градежните активностите за изградба на колектор за одведување на фекални отпадни води од локалитет „Бегова чешма“ до Национален парк „Пелистер“, во должина од 522 метри. По завршување на оваа фаза од проектот, ќе следува реконструкција на дел од локален пат до село Магарево во должина од 537 метри, соопштија од Општина Битола.

Утре и задутре времен режим на улица „Александар Урдаревски“ во Скопје

Тале Кристо — Mon, 15 May 2023 17:48:52 +0000

Од ЈП Улици и патишта Скопје информираат дека поради изведба на градежни активности за асфалтирање на коловозот на улицата „Александар Урдаревски“ со прв слој асфалтна маса, во општина Бутел, на потегот од населено место Кучевишка бара кон обиколницата, деновиве ќе биде воспоставен времен сообраќаен режим. Времениот режим, појаснуваат, ќе биде обележан со соодветна сигнализација, а асфалтирањето ќе се одвива утре од 8 часот наутро до 14 часот попладне во едната насока и во среда во истиот временски период на другата спротивна насока. ЈП Улици и патишта Скопје апелира до сите учесници во сообраќајот да бидат внимателни и да ја прилагодат својата брзина на движење според условите на патот.

Времен режим на улица „Даме Груев“ утре и задутре

Тале Кристо — Mon, 15 May 2023 13:05:54 +0000

Од ЈП Улици и патишта Скопје информираат дека утре и во среда поради изведба на градежни активности за асфалтирање на пешачките патеки на улицата „Даме Груев“ во насока на движење од крстосницата со улица „Димитрие Чуповски“ до улица „Македонија“, во периодот од 8 часот наутро до 15 часот попладне, ќе биде воведен времен режим на сообраќај. Времениот режим ќе биде обележан со соодветна сигнализација, а поради изведба на градежните активности ќе биде затворена една коловозна лента утре, а потоа на 17.05.2023 година ќе биде затворена и другата коловозна лента во спротивната насока. ЈП Улици и патишта Скопје апелира до сите учесници во сообраќајот до завршување на градежините активности да бидат внимателни и да ја прилагодат својата брзина на движење според условите на патот.

Утре времен режим на улица „Тодор Александров“

Ивана Ефремовски — Thu, 24 Nov 2022 11:20:10 +0000

Заради извршување на градежни активности за реконструкција на улицата „Тодор Александров“ утре во период од 8:30 до 16:00 часот ќе биде воведен времен сообраќаен режим на потегот од ИЗИИС до последна автобуска постојка број 3 на Водно, информираат од ЈП „Улици и патишта“ – Скопје.

Екипите на јавното претпријатие ќе го асфалтираат овој потег со втор слој асфалтна маса ЕСМ и поради асфалтирањето целиот овој потег ќе биде затворен за сообраќај и обележан со соодветна сигнализација до завршување на градежните работи. (МИА)

Времен режим на сообраќај на делницата Жировница-Бошков Мост

Магдалена Андонова — Mon, 07 Sep 2020 16:13:47 +0000

Поради санација на свлечиште од денеска е воведен 30-дневен времен режим на сообраќај на регионалниот пат Р1202, делница Жировница – Бошков Мост, кај село Скудруње. Како што информира АМСМ, сообраќајот на државните патишта се одвива по суви коловози, а интензитетот на сообраќај на патните правци надвор од градските средини е умерен. На граничните премини, од македонска страна, нема подолги задржувања за влез и за излез од државата. АМСМ препорачува прилагодена брзина на движење, почитување на поставената сообраќајна сигнализација и исклучително внимателно управување со возилата, особено на патиштата низ клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево. (MИА)

Кај Градско се гради електронска наплатна станица, сообраќајот со времен режим до април следната година

Дарко Андоновски — Mon, 05 Nov 2018 13:42:17 +0000

Воведен е времен режим на сообраќај на делницата Велес-Неготно, кај наплатната станица Градско, и обратно, поради градежни работи за изградба на електронски систем за наплата, информира Автомотосојузот на Македонија. Времениот режим ќе трае до април следната година согласно одобрението од Министерството за транспорт и врски.