времен сообраќаен режим – Kurir.mk

Посебен режим на сообраќај во недела и среда во Скопје

Катерина Бојаџиева — Sat, 14 Oct 2023 11:09:40 +0000

Министерството за внатрешни работи ја информира јавноста дека поради симулациска вежба во итна ситуација–земјотрес насловена како „Хуманитарен одговор 2023“ во организација на Црвен Крст на РСМ и под покровителство на Претседателот на државата во Градски парк Скопје, на 15.10.2023 година (недела), во периодот од 09.00 до 14.00 часот ќе се одржи генерална проба по што затворени за сообраќај ќе бидат следните крстосници: бул.„Илинден“ од крстосница со бул.„Св.Климент Охридски“ до крстосница со ул.„Франклин Рузвелт“ и од крстосница со ул.„Бледски Договор“ до крстосница со ул.„Никола Тесла“, ул.„Наум Наумовски Борче“, ул.„Јордан Хаџиконстантинов-Џинот“ од крстосница со ул.„Орце Николов“ до крстосница со ул.„Ленинова“ (ул.„Аминта Трети“) и бул.„8-ми Септември“ од крстосница со бул.„Илинден“ до сервисна улица за влез во х.Александар Палас.Главниот настан ќе се одржи на 18.10.2023 (среда) во периодот од 09.00 до 14.00 часот по што затворени за сообраќај ќе бидат следните крстосници: бул.„Илинден“ од крстосница со бул.„Св.Климент Охридски“ до крстосница со ул.„Франклин Рузвелт“ и од крстосница со ул.„Бледски Договор“ до крстосница со ул.„Никола Тесла“, ул.„Наум Наумовски Борче“, во продолжение ул.„Јордан Хаџиконстантинов-Џинот“ до крстосница со ул.„Ленинова“ (ул.„Аминта Трети)“, ул.„Ристо Шишков“ од крстосница со ул.„Наум Наумовски Борче“ до крстосница со ул.„Ленинова“ (ул.„Аминта Трети“), сообраќајниците околу градски стадион Тодор Проески и бул.„8-ми Септември“ од крстосница со бул.„Илинден“ до сервисна улица за влез во х.Александар Палас. Од тие причини Единицата за безбедност на патниот сообраќај Скопје ќе преземе мерки за посебен режим на сообраќај, при што сообраќајот ќе се пренасочува по околните сообраќајници. МВР апелира до граѓаните да ги почитуваат наредбите што ги издаваат полициските службеници по сообраќајниците каде што ќе се одвива настанот.

Од утре времен режим на сообраќај на автопатот покрај Куманово

Катерина Бојаџиева — Sun, 20 Aug 2023 13:37:14 +0000

Поради започнување со градежни работи на објект: Поставување на заштитна звучна ограда покрај населено место Куманово, од утре на трасата на која ќе се изведуваат градежните работи ќе има времен режим на сообраќај, известуваат од страна на фирмата изведувач ДГПТУ „Битем“ ДООЕЛ Скопје согласно склучениот Договор со договорниот орган Јавно претпријатие за државни патишта. Согласно Одобрението за измена на режимот на сообраќај издадено од страна на Министерство за транспорт и врски, ќе биде поставена соодветна сообраќајна сигнализација по должината на автопатот покрај населеното Куманово.

На оваа улица во Центар денеска времен сообраќан режим – избегнете ја гужвата на време!

Дарко Андоновски — Sat, 20 May 2023 07:17:06 +0000

Поради асфалтирање на коловозот со втор слој асфалтна маса на ул. „Даме Груев“ во насока на движење од крстосницата со улица „Димитрие Чуповски“ до улица „Македонија“, во периодот од 8 до 15 часот, ќе биде воведен времен режим на сообраќај. Како што информираат од ЈП Улици и патишта Скопје, времениот режим ќе биде обележан со соодветна сигнализација, а поради изведба на градежните активности ќе биде затворена една, а потоа и другата лента на коловозот. Од ЈП Улици и патишта Скопје апелираат до сите учесници во сообраќајот да бидат внимателни и да ја прилагодат својата брзина на движење според условите на патот.

Во вторник ќе се воведе времен сообраќаен режим на потегот од Стража до тетовски Групчин

Катерина Бојаџиева — Fri, 31 Mar 2023 14:23:56 +0000

Секторот за внатрешни работи Тетово ги известува граѓаните дека во вторник, на 4 април 2023 година, од 11:45 часот до 13:15 часот, на потегот од Стража до тетовски Групчин, ќе се воведе посебен сообраќаен режим поради одржување на пригодна свеченост по повод започнувањето на градежните работи на автопатот Тетово-Гостивар. Во овој период целосно ќе биде запрен товарниот сообраќај, при што товарните возила кои ќе бидат затекнати на автопатот ќе се исклучуваат од сообраќај, а ќе бидат отворени сите регионални патни правци на подрачјето кои ќе се користат за таа намена. -Што се однесува до патничкиот сообраќај од Скопје кон Тетово ќе се одвива до клучката Југ и потоа ќе се пренасочува по регионалните патишта, а од Гостивар кон Тетово ќе се одвива до клучката Камењане и ќе се пренасочува по регионалните патишта, велат од СВР Тетово. Секторот за внатрешни работи Тетово апелира до возачите да ги почитуваат наредбите и насоките од полициските службеници, како и сообраќајната сигнализација која дополнително ќе биде поставена на овој потег.

Привремена измена на сообраќајот на делницата Велес – Неготино

Катерина Бојаџиева — Thu, 15 Dec 2022 20:21:40 +0000

Поради изведување работи на експресниот пат од Градско до Дреново на местото каде се гради новата клучка Градско, на државен пат А1, делница Велес-Неготино, ќе се применува времена измена на режим на сообраќај. Како што соопшти АМСМ, времениот режим ќе се применува во двата правци на автопат Е-75. Сообраќајот ќе се одвива непречено, со брзина од 80 километри на час во зона на градилиште. Режимот ќе се применува се до целосна изградба на новата клучка Градско. Сообраќајот на државните патишта се одвива непречено по наместа влажни коловози. Интензитетот на сообраќај на патните правци надвор од градските средини е умерен. На граничните премини од македонска страна, нема подолги задржувања за влез и излез од државата. АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.

Времен сообраќаен режим на делницата Велес-Неготино

Ивона Петрова — Thu, 15 Dec 2022 07:24:29 +0000

АМСМ информира дека на државниот пат А1, делница Велес-Неготино, ќе се применува времена измена на режим на сообраќај. Времениот режим се воведува поради изведување на работи на експресниот пат од Градско до Дреново на местото каде што се гради новата клучка Градско. Времениот режим ќе се применува во двата правци на автопат Е-75. Сообраќајот ќе се одвива непречено, со брзина од V=80km/h во зона на градилиште. Режимот ќе се применува се до целосна изградба на новата клучка Градско.

Од понеделник до среда времен сообраќаен режим на ОВОЈ патен правец

Ивана Ефремовски — Fri, 02 Sep 2022 19:13:04 +0000

Од понеделник (5 септември) до среда (7 септември) ќе биде воспоставен времен режим, од комплетно затворање на сообраќајот на патниот правец Маврово – Дебар, делница Маврови Анови- Жировница од 10:00 до 16:00 часот, информираа од општина Маврово и Ростуше. -Општина Маврово и Ростуше ги известува своите граѓани, како и сите оние кои планираат да патуваат по овој регионален пат, дека, од 05.09.2022 (Понеделник) до 07.09.2022 година (Среда) во периодот од 10:00 до 16:00 часот, поради рехабилитација на регионалниот пат Маврово – Дебар ќе биде воспоставен времен режим- комплетно затворен сообраќај на делницата Маврови Анови – Жировница, стои во соопштението на општината. Според изведувачот на работите, Градежното претпријатие „Пелагонија” од Гостивар ќе се реализира испитување на мостовските конструкции на патот во рамки на проектот „Рехабилитација на регионалниот пат Р1202, делница Маврови Анови – Жировница”.