временска – Kurir.mk

Студено утро, преку денот сончево со слаб ветер

Тале Кристо — Sat, 07 Oct 2023 07:12:21 +0000

Наутро ќе биде студено, а преку денот сончево со слаб ветер од северен правец. Минималната температура ќе биде во интервал од три до 13, а максималната ќе достигне од 22 до 29 степени. Во Скопје сончево со слаб ветер од северен правец. Минималната температура ќе се спушти до осум, а максималната ќе достигне до 26 степени. УХМР информира дека следува период на стабилно и релативно топло време. В недела попладне и во понеделник облачноста ќе се зголеми, ќе дува умерен, повремено засилен северен ветер и дневната температура ќе опадне за пет до седум степени. Од вторник температурата повторно ќе биде во постепен пораст.

Сончево време со услови за краткотраен дожд

Ивана Ефремовски — Thu, 05 Oct 2023 05:38:06 +0000

Времето денеска ќе биде сончево со умерена, а на места повремена до значителна облачност. Во западните делови ќе има услови за краткотраен локален дожд и појава на грмежи. Ќе дува слаб до умерен ветер од променлив правец. Минималната температура ќе биде во интервал од 6 до 14, а максималната ќе достигне од 23 до 31 степен. Во Скопје, ќе биде сончево со умерена облачност, која повремено ќе се зголемува. Минималната температура ќе се спушти до 13, а максималната ќе достигне 27 степени. И во петок наместа ќе има значителна облачност, а во западните делови ќе има услови за краткотраен локален дожд. Во петок долж Повардарието, а во недела во поголем дел од земјава, ќе дува засилен северен ветер. Дневната температура во следните денови ќе се задржи над просекот за овој период.

Потопло време денес и утре, од среда разочарување

Ивана Ефремовски — Mon, 19 Jun 2023 05:45:41 +0000

Времето денеска ќе биде претежно сончево и значително потопло со мала локална облачност и со слаб до умерен ветер од северен правец, поизразен долж Повардарието. Минималната температура ќе биде во интервал од 9 до 17, а максималната ќе достигне од 23 до 31 степени Целзиусови. И во Скопје ќе биде сончево и потопло. Ќе дува умерен, повремено засилен ветер од северен правец. Минималната температура ќе се спушти до 13, а максималната ќе достигне до 29 степени. Стабилно и значително потопло ќе биде и утре, а од среда попладне ќе биде нестабилно во западните делови. Во деновите кон викендот повремено ќе има услови за пороен дожд проследен со грмежи и засилен ветер и во останатите делови од земјата

Сончево со мала облачност, попладне на места нестабилно со повремен пороен дожд

Ивана Ефремовски — Fri, 05 May 2023 05:15:58 +0000

Времето денеска ќе биде сончево со мала до умерена облачност, во попладневните часови, претежно во југоисточните делови, ќе има повремен пороен дожд и ретки грмежи. Ќе дува слаб до умерен ветер од северен правец. Минималната температура ќе биде во интервал од 6 до 11, а максималната ќе достигне од 17 до 22 степена, информираат од Управата за хидрометеоролошки работи. Во Скопје, времето ќе биде сончево со мала до умерена облачност. Ќе дува слаб до умерен ветер од северен правец. Минималната температура ќе се спушти до 9, а максималната ќе достигне до 21 степен. За време на викендот ќе преовладува претежно сончево и топло време. Во недела во попладневните часови ќе има локална нестабилност со пороен дожд и грмежи. До средината на следната седмица, времето ќе биде променливо, локално нестабилно со дожд и грмежи.

Какво време не очекува утре и во следните денови?

Тале Кристо — Wed, 03 May 2023 20:19:25 +0000

Времето утре ќе биде променливо облачно и нестабилно со повремени врнежи од дожд. Локално врнежите ќе бидат поројни проследени со грмежи и засилен ветер, а ќе има услови за појава на краткотрајно невреме. Во Скопје променливо облачно, попладне во делови од котлината ќе биде нестабилно со пороен дожд, грмежи и засилен ветер. Времето во петок и сабота ќе преовладува претежно стабилно и потопло време. Од недела следува период на нестабилно време со локален пороен дожд и грмежи.

Облачно и студено време со врнежи од дожд и снег

Ивана Ефремовски — Fri, 27 Jan 2023 06:28:36 +0000

Времето денеска ќе биде претежно облачно и студено, со повремени врнежи од дожд и снег во пониските, а на повисоките места и на планините од снег. Ќе дува слаб до умерен, а долж Повардарието повремено засилен, ветер од северен правец. Максималната температура ќе биде во интервал од 1 до 5 степени. Во Скопје ќе биде облачно со услови за повремени врнежи од дожд и снег. Ќе дува умерен ветер од северен правец. Максималната температура ќе достигне до 5 степени. Утре ќе биде променливо облачно и студено, со провејување на слаб снег. Ќе дува умерен, а долж Повардарието повремено засилен, ветер од северен правец. Во наредните денови ќе се задржи студено време со утрински температури кои насекаде ќе бидат под нула, а услови за повремен снег ќе има во вторник. (МИА)

До крајот на денот нестабилно со пороен дожд во делови од Македонија

Ивана Ефремовски — Fri, 01 Jul 2022 17:04:50 +0000

УХМР најавува дека до крајот на денот времето на места, претежно во источните делови, ќе биде нестабилно со пороен дожд, грмежи, засилен ветер и услови за краткотрајно невреме со појава на град, додека во текот на ноќта ќе биде малку до умерено облачно. Утре претпладне, според УХМР, ќе биде сончево и многу топло со мала до умерена облачност. Ќе дува слаб до умерен ветер претежно од североисточен правец. Попладне ќе биде нестабилно со локален пороен дожд, грмежи и засилен ветер, а на места ќе има услови за појава на невреме со појава на град и силен ветер. Минималната температура ќе биде во интервал од 12 до 21, а максималната ќе достигне од 30 до 38 степени. УВ индексот ќе изнесува 8. Во Скопје ќе биде сончево и топло со слаб до умерен североисточен ветер.Попладне ќе има развој на нестабилна облачност со краткотраен пороен дожд и грмежи. Минималната температура ќе се спушти до 20, а максималната ќе достигне до 36 степени. Како што наведува УХМР, и во наредните денови ќе продолжи периодот на многу топло време со дневни температури кои насекаде ќе бидат над 30 степени. Поради зголемената влага во атмосферата ќе се чувствува дека температурата на воздухот е повисока за 1 до 2 степена. Поради влијание на циклонска активност од исток, претежно во попладневните и вечерните часови наместа ќе има развој на нестабилна облачност со пороен дожд, грмежи и засилен ветер, а локално ќе има услови за појава на краткотрајно невреме со појава на град и силен ветер. (МИА)

Променливо облачно со слаб локален дожд

Тале Кристо — Sun, 12 Dec 2021 08:18:54 +0000

Слаб локален дожд ќе има денеска особено претпладне, претежно на југоистокот и повремен снег во планинските региони, а понекаде на повисоките места повремениот дожд кој ќе преминува во снег. Минималната температура ќе биде во интервал од -1 до 5, а максималната од 2 до 9 степени. Во Скопје, времето ќе биде променливо облачно со услови за слаб локален дожд. Ќе дува слаб до умерен северен ветер. Минималната температура ќе се спушти до 1, а максималната ќе достигне до 7 степени. Како што информираат од УХМ, во понеделник ќе има услови за слаб снег на северот и ќе започне период на умерено до значително облачно и студено време, со умерен до засилен северен ветер. Ветерот ќе биде најизразен вдолж Повардарието.

УХМР: Какво време не очекува утре?

Тале Кристо — Sat, 11 Dec 2021 22:03:32 +0000

Времето утре во Република Македонија, особено претпладне ќе биде со слаб локален дожд претежно на југоистокот и повремен снег во планинските региони, а понекаде на повисоките места повремен дожд кој ќе преминува во снег. Ќе дува слаб до умерен северен ветер. Утринските температури ќе се движат од -4 до 5 степени, а дневните од 0 до 9 степени. Во понеделник ќе има услови за слаб снег на северот и ќе започне период на умерено до значително облачно и студено време, со умерен до засилен северен ветер. Ветерот ќе биде најизразен вдолж Повардарието.

УХМР со најава: Утринските температури на повеќе места ќе бидат под нулата, од петок пораст

Тале Кристо — Tue, 26 Oct 2021 20:16:00 +0000

Времето утре наутро во Македонија ќе биде студено, преку денот сончево со мала до умерена локална облачност. Ќе дува слаб до умерен северен ветер. Во во наредните денови следува период на стабилно време, со појава на умерена облачност. Утре минималните температури на повеќе места ќе бидат негативни, а од петок ќе има пораст на температурите, особено на утринските. По одделни котлини ќе има услови за појава на утринска магла.