вруток – Kurir.mk

Жена пронајдена почината во семејниот дом, телото било со убодни рани од нож

Ивона Петрова — Tue, 26 Apr 2022 11:57:35 +0000

Јавен обвинител од Основното јавно обвинителство Гостивар изврши увид на лице место во семејна куќа во селото Вруток, каде вчера беше пронајдено безживотно тело на една жена со повеќе убодни рани од нож. -Станува збор за жена по потекло од Република Албанија, родена 1967 година, која била мажена и живеела во Вруток. Според првичните сознанија, смртта на жената настапила околу 24-48 часа пред нејзиното пронаоѓање, информираат од Обвинителството. Јавниот обвинител издаде повеќе наредби за прибирање и вештачење на трагите пронајдени на лице место, како и за обдукција на починатата. Првичните траги упатуваат дека смртта е насилна и се трага по сторителот.

ФОТО: Каде е Вардар од Вруток во Гостивар ?!

Магдалена Андонова — Mon, 13 Sep 2021 14:30:35 +0000

Водостоите на повеќето реки во земјава се под просекот за септември, покажуваат денешните хидролошки мерења. Некои се преполовени, а подрастични намалувања бележат Сатеска кај Ботун, Треска кај Македонски Брод, Црн Дрим кај Ложани, Лепенец кај Скопје. Измерени се извесни покачувања во однос на просекот, на Вардар кај Велес и кај Демир Капија, Струмица кај Сушево. Охридското и Преспанското Езеро се исто така под просекот, но бележат и дополнително снижување за еден сантиметар во однос на вчерашниот ден. Водостојот на Преспанско Езеро е 11 сантиметри под апсолутниот минимум. Кај нивото на Дојранското Езеро нема промени. На социјалните мрежи загрижени граѓани споделуваат фотографии од ниските нивоа на Мавровското, Дебарското и езерото Козјак. -Ова е Вардар денеска во Гостивар. Во исто време поплава на Матка, браната пуштена на најсилно. Се прашувам каде е Вардар од Вруток до Гостивар? Прашувам дали има поточна локација на некоја брана, препрека или пак ремонт на турбини? Како можевте и Вардар да го пресушите, артеријата, а и брендот на Македонија, пишува на Фејсбук загрижениот граѓанин Илија Вучков.

ДПИ затвори угостителски објект во село Вруток – работел по дозволеното време, сопственикот приведен

Магдалена Андонова — Mon, 01 Mar 2021 09:44:56 +0000

На 28.02.2021 во 21.20 часот, полициски службеници од ОВР Гостивар, во содејство со Државниот пазарен инспекторат, извршиле контрола во угостителски објект во с.Вруток, гостиварско, сопственост на К.С.(23) од с.Вруток, при што констатирале дека објектот работи и внатре биле затекнати 13 лица со сопственикот. Поради непочитување на работното време, односно постапување спротивно препораките од Владата, објектот бил затворен од Државниот пазарен инспекторат, а сопственикот бил лишен од слобода и приведен во полициска станица. По целосно документирање на случајот против К.С. ќе биде поднесена пријава по член 206 од Кривичниот законик – „непостапување според здравствените прописи за време на епидемија“.