вселенска агенција – Kurir.mk

Турција основа државна вселенска агенција

Ристе Здравков — Thu, 13 Dec 2018 12:35:25 +0000

Турскиот претседател Реџеп Тајип Ердоган денеска потпиша указ со кој се одобрува формирање на Вселенска агенција на Турција, која ќе биде финансирана од државниот буџет. Во декретот е посочено дека целите на Агенцијата вклучуваат развивање и спроведување на национална вселенска програма. Новата структура доби целосно полномоштво за дизајнирање, создавање на вселенски летала, системи за набљудување на орбитата, симулатори, вселенски платформи. Покрај тоа, задачите на Агенцијата вклучуваат спроведување на вселенски мисии, со пилоти и беспилотни летови за трговски, научни и истражувачки цели. Исто така, Вселенска агенција на Турција ќе врши мониторинг на проектите на државните и приватни компании од Турција, кои се занимаваат со истражувања и практични проекти за отстранување во орбитата на сателити и летала од територијата на Турција и нивното враќање. Една од целите на Агенцијата е да ја намали надворешната зависност на националната вселенска индустрија. Во мај беа објавени плановите на Турција да почне сопствена програма за подготовка на астронаути по 2023 година. За реализацијата на овој проект Анкара планира да одвои околу шест милијарди долари.

Турција планира да крајот на годината да формира вселенска агенција

Предраг Кукиќ — Tue, 07 Aug 2018 10:31:39 +0000

Турција планира до крајот на годината да формира сопствена вселенска агенција, соопшти денеска министерот за индустрија и технологијата Мустафа Варанк. Тој појасни дека вселенската агенција ќе ја координира и контролира работата во сферата на аеронаутиката, земајќи ги предвид турските национални интереси. - Ние придаваме особено значење на развојот на вселенскиот сектор, формиран врз научна платформа за вселенски развој и зголемување на бројот на кадрите, рече Варанк. Турскиот министер прецизира дека агенцијата не само што ќе ја координира реализацијата на проекти во областа на вселенските технологии во Турција, туку и ќе развива меѓународни врски во оваа област во рамки на ОН, пренесува ТАСС. Кон крајот на мај, аербејџанските медиуми објавија дека Турција планира по 2023 година да започне сопствена програма за подготовка на астронаути, за што планира да потроши околу шест милијарди долари. Законодавната основа за тоа беше подготвена уште во 2016 година. Претходно, во 2014 година, во турскиот округ Коња, заврши изградбата на т.н. турска вселенска база. Таму постојат капацитети за производство и тестирање на сателити.