вселенско летало – Kurir.mk

Русија: Оштетеното вселенско летало за снабдување падна во океан

Тале Кристо — Sun, 19 Feb 2023 11:47:37 +0000

Руското вселенско летало за снабдување „Прогрес МС-21“, кое се симна од Меѓународната вселенска станица (МВС) поради оштетување, денеска се запали по враќањето на Земјата и се урна во Тихиот Океан. Руската вселенска корпорација Роскосмос денеска соопшти дека леталото ја напуштило орбитата и влегло во фаза на спуштање на Земјата, но при влегувањето во атмосферата се запалило и се урнало во океанот. - Деловите од леталото кои не изгореа паднаа во изолиран дел од Тихиот Океан и потонаа, се вели во соопштението на корпорацијата објавено на Телеграм. Шефот на Роскосмос претходно соопшти дека во изминатите неколку месеци се појавиле две аномалии на МВС. - Аномалиите се нарушување на системот за термичка контрола на леталото „Сојуз-22“ и на бродот за снабдување „Прогрес-21“. Формирана е комисија за итни случаи. Резултатот од двете аномалии е ист, но нивните причини може да бидат различни, рече шефот на Роскосмос.

Повторно експлозија на „Старшип“ вселенско летало

Катерина Бојаџиева — Wed, 13 Jul 2022 07:33:53 +0000

„Спејс-Икс“ долго време се подготвува за првиот орбитален пробен лет на вселенско летало „Старшип“, но тој битен настан би можел повторно да биде одложен… „Супертешкиот“ „Супер хеви бустер 7“ засилувач дизајниран за програмата „Старшип“ експлодираше во објектот на „Спејс-Икс“ во Бока Чика, Тексас, САД, а снимка од инцидентот се појави и на интернет. „Бустер 7“ содржи 33 „Раптор“ мотори од втората верзија. Извршниот директор на компанијата, Илон Маск потврди дека ситуацијата не е добра, а неговиот тим ја проценува штетата. – „Раптор“ има сложена секвенца на стартување. Во иднина, нема да правиме тест за стартување со центрифугирање со сите 33 мотори одеднаш, изјави Маск. Маск минатиот месец рече дека „Старшип“ ќе биде подготвен да лета во јули, но овој инцидент веројатно ќе ги одложи плановите. Потребно е да се изврши анализа и проценка на штетата, а потоа да се утврди дали и во колкава мера тоа ќе влијае на првиот орбитален лет.

Кина лансираше вселенско летало на Марс

Тале Кристо — Thu, 23 Jul 2020 07:10:12 +0000

Кина лансираше бесспилотно вселенско летало кон Марс од космодромот Ванчан, на јужниот кинески остров Хајнан. Вселенското летало „Тјанван-1“ ќе помине најмалку 55 милиони километри за до февруари да пристигне на Марс, каде ќе ја истражува атмосферата и површината на Црвената планета. „Тјанван-1“ ќе атерира на Марс и ќе испрати робот, кој ќе ја испитува површината на планетата. Тоа е прва самостојна кинсека мисија до друга планета и ако биде успешна, Кина ќе биде трета земја по САД и поранешниот Советски Сојуз, која испратила сонда на Марс. Кина во 2011 година заеднички работеше со Русија за испраќање летало на Марс, но мисијата не успеа. Осум сонди – американски, европски и индиски се во орбитата на Марс или на површината на Црвената планета. Во неделата Обединети Арапски Емирати од Јапонија лансираа сонда кон Марс, а во следните месеци се очекува нова американска мисија.

Вселенско летало на Јапонија се обидува да слета на астероид на 280 мил/км од Земјата

Предраг Кукиќ — Thu, 21 Feb 2019 09:57:17 +0000

Јапонско вселенско летало се приближува кон површината на астеродид на околу 280 милиони километри од Земјата. Јапонската агенција за вселенски истражувања прецизира дека вселенското летало Hayabusa 2 почнало со маневри за слетување на површината на астероидот во 13.15 часот по локално време. Почетокот бил одложен пет часа поради проверки за безбедноста, но беспилотното летало треба да слета утре изутрина. Леталото ќе собере од површината материјал од астероидот. Слетувањето ќе бара голема прецизност. Hayabusa 2 се стреми да слета на место широко шест метри за да избегне неочекувана активност на астероидот. Астероидот наречен Рјугу е околу 900 метри во дијаметар.