ВТА листа – Kurir.mk

Пред 45 години почна рангирањето на ВТА, прва на лидерското место беше Крис Еверт

Дарко Андоновски — Tue, 03 Nov 2020 14:05:16 +0000

На 3 ноември 1975 година, женската тениска асоцијација – ВТА започна со компјутерско рангирање. Првата која се најде на лидерското место беше Крис Еверт, која помина 25 недели на водечката позиција, а потоа уште осум пати се искачуваше на врвот, односно 260 недели беше прв светски рекет во женска конкуренција. Вкупно, први на ВТА ранг-листата беа 27 тенисерки во различно време. Штефи Граф помина најдолго на првата линија – 377 недели. Граф и Серена Вилијамс го делат рекордот за континуиран мандат број 1, 186 седмици. Ешли Барти во моментов е на врвот. Таа има 48 недели на првата позиција. Ова е 12-ти резултат во историјата на рангирањето.

Осака најдобра тенисерка во септември во изборот на ВТА

Ивона Петрова — Wed, 16 Oct 2019 10:07:17 +0000

Третиот светски рекет во женска конкуренција, Јапонката Наоми Осака, е победничка во гласањето за титулата најдобра тенисерка во септември, според официјалната веб-страница на ВТА. Осака доби најмногу гласови во конкуренција на Арина Соболенко од Белорусија и Каролина Плишкова од Чешка. Јапонската тенисерка во септември го освои турнирот во татковината, во градот Осака.

Четири тенисерки можат да ја симнат Осака од врвот на ВТА листата по „Ролан Гарос“

Дарко Андоновски — Fri, 24 May 2019 10:09:13 +0000

Првото место на Наоми Осака во пласманот на ВТА ранг листата може да го загрозат четири тенисерки по завршувањето на „Ролан Гарос“, објавено е на официјалната веб-страница на Грен слемот во Париз. Јапонката сигурно ќе го одбрани врвот ако стигне до финалето. На лидерската позиција по парискиот Опен може де се искачат Каролина Плишкова (Чешка), Петра Квитова (Чешка), Кики Бертенс (Холандија) и Анџелик Кербер (Германија). Плишкова за да стигне до првата позиција на ВТА листата треба да стигне до финалето на турнирот, а Јапонката да е најдалеку до полуфиналето, тогаш ја освојуваат титулата. Ако во финалето Плишкова игра со Квитова, тогаш победничката на овој меч ќе биде прва. За Бертенс услов е да стигне до финалето, но ако Осака успее да стигне до осминефиналето, тогаш Холанѓаната ќе мора да победи на турнирот. Ако во финалето се сретне со Квитова, тогаш победникот на овој меч ќе биде прв светски рекет. Квитова ќе биде прва ако победи на турнирот, а Осака не стигне до полуфиналето. Ситуацуија за Кербер да е прва по Ролан Гарос е таа да го освои турнирот, а во исто време Осака да не стигне до четвртфиналето.

Шарапова: Немам толкава самодоверба како претходно

Ивона Петрова — Mon, 23 Apr 2018 15:41:30 +0000

Поранешниот рекет број 1 на светската ВТА листа, Марија Шарапова призна дека има недостиг на самодоверба. Шарапова претрпе 15-месечна казна за користење на „мелдониум“ и се врати на теренот кон крајот на април минатата година на турнирот во Штутгарт, но не можеше да се доближи до својата најдобра форма. Русинката е на 41-то место на светската ранг-листа, но е во серија од три последователни порази од третото коло на Австралија опен во јануари. Таа не играла од почетокот на март во Индијан Велс поради повреда на подлактицата. Петкратната Гренд слем шампионка се враќа на теренот оваа недела во Штутгарт, каде прво се сретнува со шестата тенисерка во светот, Каролин Гарсија (Франција). - Сега немам толку самодоверба во мојата сила како што некогаш сум била. Довербата е чудна работа, потребно е многу време да веруваш во својата сила, и тоа чувство може да се загуби многу брзо. Тоа не е случај само во тенисот, туку и во други сфери од животот, изјави Шарапова. Марија вели дека лани одиграла само неколку натпревари во кои работите се развивале добро за неа. Триесет и едно годишната Шарапова има 36 титули во 59 финалиња во кариерата, а откако се врати на теренот по отслужување на казната, освои само еден трофеј во октомври минатата година во кинескиот град Тјанжин.

ВТА листа – Kurir.mk

Пред 45 години почна рангирањето на ВТА, прва на лидерското место беше Крис Еверт

Осака најдобра тенисерка во септември во изборот на ВТА

Четири тенисерки можат да ја симнат Осака од врвот на ВТА ​​листата по „Ролан Гарос“

Шарапова: Немам толкава самодоверба како претходно

Четири тенисерки можат да ја симнат Осака од врвот на ВТА листата по „Ролан Гарос“