вта ранг листа – Kurir.mk

Пад за три позиции на Калин Ивановски на АТП ранг листата

Бошко Тасиќ — Mon, 23 Oct 2023 12:15:43 +0000

Новото рангирање на АТП листата не донесе поголеми поместувања за македонските тенисери особено што сите останаа на истиот број на поени од претходната недела. Калин Ивановски има пад од три позиции и сега се наоѓа на 308 место со 176 поени. Горазд Србљак има скок од шест места за моментно 1066 позиција со 10 поени, додека Обрад Марковски е на 1474 место со три поени (скок 11 позиции). Пад на последната ВТА листа забележа и најдобрата македонска тенисерка Лина Ѓорческа. Таа е во моментот е 187. најдобра тенисерка на светот што е за едно место подоле од последната ранг листа. А, пак Магдалена Стоилковска забележа напредок од седум места и во моментот е на 1227. позиција.

ВТА турнирот во Сан Хозе преместен во Вашингтон

Бошко Тасиќ — Sat, 03 Jun 2023 06:32:50 +0000

Здружението на женски професионални тенисерки (ВТА) донесе одлука турнирот од Сан Хозе, кој во 1971 година го втемели Били Џин Кинг, од оваа година да се пресели во Вашингтон. Турнирот е од категоријата 500 и е на програмата од 29 јули до 6 август, паралелно со машкиот АТП турнир од серијата 500. Со ова Вашингтон ќе стане прв град кој истовремено ќе биде домаќин на машки и женски турнир од оваа серија. Досега тенисерите и тенисерките истовремено играа во исти градови само на грен – слем и на турнирите од серијата „мастерс 1000“.

Ѓорческа на 343-то место на ВТА листата

Дарко Андоновски — Mon, 10 Feb 2020 14:55:31 +0000

Лина Ѓорческа по подолго време со забележителен скок на ВТА ранг листата. Благодарение на пласманот во финалето на ИТФ фјучерс турнирот во Трнава, најдобрата македонска тенисерка напредуваше за 60 позиции и оваа недела ќе биде 343 светски рекет меѓу дамите. Најзино најдобро рангирање на ВТА листата беше 170. место во јуни во 2017 година. Лидер во женскиот тенис останува Австралијката Ешли Барти пред Симона Халеп од Романија и Каролина Плишкова од Чешка. Во топ 10 се и Елин Свитолина, Белинда Бенчич, Бјанка Андрееску, Софија Кенин, Кики Бертенс, Серена Вилијамс и Наоми Осака.