вта турнир – Kurir.mk

Познати сите учеснички на завршниот ВТА турнир во Канкун

Бошко Тасиќ — Sat, 07 Oct 2023 05:32:41 +0000

Познат е конечниот список од осум тенисерки кои ќе се борат за титулата на последното натпреварување за оваа година, завршниот турнир на ВТА во Канкун. Од претходно, таму место обезбедија Арина Сабаленка, Ига Швјонтек, Коко Гауф, Елена Рибакина и Џесика Пегула, а ќе им се придружат Маркета Вондроусова, Онс Жабер и Каролина Мухова. На турнирот нема да биде минатогодишната победничка Французинката Каролин Гарсија

Мугуруза првпат во кариерата го освои Завршниот ВТА турнир

Ивона Петрова — Thu, 18 Nov 2021 07:34:56 +0000

Шпанската тенисерка Гарбиние Мугуруза победи на Завршниот ВТА турнир во Гвадалахара,Мексико. Таа ноќеска во финалето ја победи Естонката Анет Контавеит со резултат 6:3, 7:5. Мечот траеше 1 час и 39 минути. За 28-годишната Мугуруза ова е прва победа на Завршниот турнир во кариерата. Во 2015 година Шпанката стигна до финалето на Завршниот турнир во двојки. Покрај тоа, таа стана првата тенисерка од Шпанија која го освоила овој турнир во сингл. Наградниот фонд на турнирот во Мексико изнесуваше пет милиони долари. Мугуруза е победник и на два Грен слем турнири во сингл (Ролан Гарос 2016 и Вимблдон 2017).

Вознијацки избори четвртфинале во Пекинг

Ивона Петрова — Thu, 03 Oct 2019 08:43:06 +0000

Данската тенисерка Каролин Вознијацки ќе игра во четвртфиналето на ВТА турнирот во Пекинг, откако утринава ја совлада Катерина Сињакова од Чешка со 2-0, по сетови (7:5 и 6:4). Мечот траеше еден час и 37 минути. Следна ривалка на Вознијацки ќе биде победничката од руската пресметка меѓу Екатерина Александрова и Дарија Касаткина. Познати се првите две двојки за четвртфиналната фаза: Ешли Барти – Петра Квитова и Елина Свитолина – Кики Бертенс. Награден фонд на турнирот во кинеската престолнина изнесува 7,4 милиони долари.

Кузњецова спаси четири меч топки и го освои Вашингтон

Дарко Андоновски — Mon, 06 Aug 2018 08:22:49 +0000

Русинката Светлана Кузњецова го освои трофејот на ВТА турнирот во американската престолнина Вашингтон, откако синоќа во финалето ја победи Дона Векиќ од Хрватска со 2-1. Хрватката го одби првиот сет со 6:4, во вториот имаше четири топки за триумф, но го загуби на тај-брејк со 7:9, а во третиот беше 6:2 за руската тенисерка. За Кузњецова ова беше 18. трофеј во кариерата, од друга страна, Векиќ пропушти можност да го освои третиот.