ВТА – Kurir.mk

Тенисерките разочарани од ВТА

Тале Кристо — Tue, 31 Oct 2023 20:53:16 +0000

Разочарана сум од организацијата на овој завршен турнир, изјави чешката тенисерка Маркета Вондрушова по денешниот воведен натпревар на завршниот ВТА финален турнир во мексиканскиот град Канкун. На турнирот на кој настапуваат осумте најдобри светски тенисерки, Вонрушова загуби в првиот настап од Ига Швјонтек од Полска (6-7, 0-6), а по поразот зборуваше исклучиво за неквалитетниот терен на кој се игра завршниот турнир во женска конкуренција, „Стадионот очигледно не е подготвен за турнир на ова ниво. Но, ми се чини дека ВТА и не се грижи премногу за терените на кои мораме да играме. Толку многу се трудев цела година за да бидам што подобра. Сторив сè што е во моја моќ да обезбедам настап на овој турнир и кога прв пат во кариерата успеав во тоа, доживеав негативен шок. Разочарана сум, уште отсега ми е веќе мака од сè уште“, нагласи 24-годишната чешка тенисерка, кој претходно триумфираше на Вимблдон. Ден претходно критики на состојбата на теренот и комплекс изнесе и Белорусинката Арина Сабаленка, која нагласи дека единствен виновник за тоа е ВТА, а не организаторите во Канкун, кои имаа краток рок за организација на турнирот по откажувањето на Саудиска Арабија.

ВТА во големи долгови, организацијата бара инвеститори

Тале Кристо — Tue, 13 Sep 2022 07:31:00 +0000

Здружението на женски професионални тенисерки (ВТА) има осумцифрени долгови, пишува „Телеграф“. Една од причините за лошата финансиска состојба е што во последните сезони, ВТА мораше да ја надополни разликата во паричната награда со АТП (здружението на тенисерите) на четири задолжителни турнири од серијата Мастерс 1000 (Индијан Велс, Мајами, Мадрид, Пекинг). Поради ваквата ситуација, ВТА бара инвеститори и е подготвена да продаде 20 % од акциите на „CVC Capital Partners“, компанија со приватен капитал. Станува збор за 150 милиони инвестиции. Се верува дека договорот е поддржан од извршниот директор на ВТА, Стив Сајмон, како и од трите претставници на играчи во Бордот на директори. Телеграф пишува дека еден од условите на инвеститорот е изедначување на паричната награда со АТП на повеќе турнири. Гласањето за договорот со „CVC“ требаше да се одржи на првиот ден од УС Опен, но резултатите не беа официјално пријавени.

Осака го пропушта Вимблдон

Бошко Тасиќ — Sun, 19 Jun 2022 07:02:52 +0000

Јапонската тенисерка Наоми Осака соопшти дека нема да настапи на претстојниот гренд слем турнир Вимблдон поради повреда на ногата. Осака уште пред три недели најави дека нема да настапи на Вимблдон по одлуката на АТП и ВТА да не се бодува настапот на престижниот тениски турнир поради суспензијата на руските и белоруските тенисери и тенисерки. Таа тогаш порача дека на сака да игра на „егзибициски турнири“. Наоми Осака моментно е на 43 место на ВТА ранг-листата, а досега има четири гренд слем титули, на УС Опен победи два пати (2018 и 2020) и два пати на Австралија Опен (2019 и 2021), додека најголем успех на Вимблдон и е пласманот во третото коло.

Новак Ѓоковиќ ќе настапи на Вимблдон

Бошко Тасиќ — Tue, 24 May 2022 06:47:07 +0000

Новак Ѓоковиќ кажа дека планира да ја брани титулата на Вимблдон и ја поддржа одлуката на АТП да не се доделуваат рејтинг поени, иако тој ќе биде најголемиот губитник во таа ситуација. Машката и женската тениска асоцијација одлучија да го казнат Вимблдон зашто го забрани настапот на руските и белоруските тенисери и тенисерки поради инвазијата на Украина, па најпрестижниот тениски настан ќе биде сведен на егзибициски турнир. Ѓоковиќ изјави дека суспензијата на Русија и Белорусија е грешка и додаде дека организаторите на турнирот многу лошо ја извеле целата работа. -Имаше простор за компромис, но место тоа, добивме ситуација во која сите губат, кажа Ѓоковиќ. Ѓоковиќ кажа дека АТП и Вимблдон уште водат преговори, затоа што оваа одлука не им се допаѓа на многумина, а тоа оди и на негова штета затоа што ќе загуби дополнителни 2.000 бодови и првото место на ранг-листата.

СТОП за руските и белоруските тенисери на Вимблдон

Бошко Тасиќ — Sun, 22 May 2022 15:39:15 +0000

Организаторите на Грен Слем турнирот Вимблдон се уште стојат на одлуката за за забраната за настап на руски и белоруски играчи како одговор на војната во Украина, и покрај тоа што тениските тела решија Вимблдон да не се бодува за АТП, ВТА и ИТФ листите. Одлуката на Здружението на тениски професионалци (АТП), Женската тениска асоцијација (ВТА) и Меѓународната тениска федерација (ИТФ) ефективно го прави натпреварувањето своевиден егзибициски настан. Сите три асоцијации им дозволија на руските и белоруски играчи да продолжат да играат на турнирите како неутрални, со забрането истакнување на национални знамиња и симболи.

Шесттмина Шпанци осудени и суспендирани за местење натпревари

Бошко Тасиќ — Sat, 07 May 2022 14:36:55 +0000

Шест шпански тенисери добија долги суспензии поради обвинувања за наместени натпревари. Тие се осудени пред шпанскиот суд за случајот на организирана криминална група. Сите шестмина ја признаа вината и добија двегодишни затворски казни. Според шпанскиот закон, казните до две години не се издржуваат во затвор, туку практично се условни. Покрај шпанскиот суд, тенисерите добија и суспензии од Меѓународната агенција за интегритет во тенис (ИТИА), која оцени дека тоа е „едно од најголемите влијанија на организираниот криминал во тенисот“. Суспензиите изречени за тенисерите се движат од седум до 22 години. Марк Форнел-Мастерс, Хорхе Марсе-Видри, Карлос Ортега, Џејми Ортега, Маркос Торалбо и Педро Бернабе Франко од шпанскиот суд се казнети и парично со по 450 евра. Значително се поголеми паричните казни што им ги изрече ИТИА. Марк Форнел-Мастерс е казнет до 250.000 евра, но ќе плати само 50.000, Хорхе Марсе-Видра е казнет со 15.000, но ќе плати 5.000 евра. Останатите се казнети со вкупно 450.000 евра, но ќе бидат платени 60.000 евра. На шестмината тенисери им е забрането да играат тенис и да доаѓаат на тениски натпревари или да бидат тренери во периодот додека се наоѓаат под суспензија.

ВТА ја избра Барти за тенисерка на годината

Бошко Тасиќ — Wed, 08 Dec 2021 09:25:23 +0000

Вторпат во кариерата Австралијката Ешли Барти ја освои ВТА наградата за „тенисерка на годината“, додека Барбора Крејчикова од Чешка доби двојна награда – за „најдобра двојка на годината“ во тандем со Катерина Синиакова, и „тенисерка со најголем напредок“. Меѓу добитничките на годинешните награди на Женското тениско здружение (ВТА) се најдоа и сензационалната победничка на Ју-Ес Опен, Британката Ема Радукану, која е прогласена за „дебитантка на годината“ и Шпанката Карла Суарез Наваро за „повратничка на годината“.

ВТА ги суспендираше сите тениски турнири во Кина

Ивона Петрова — Thu, 02 Dec 2021 09:10:31 +0000

Женското тениско здружение (ВТА) објави дека ги суспендира сите свои тениски турнири на подрачјето на Кина поради загриженост околу безбедноста на поранешната најдобра светска тенисерка во двојки Пенг Шуаи. – Не гледам како можам да барам од нашите спортисти да се натпреваруваат таму, кога Пенг Шуаи не смее слободно да комуницира со светот и се чини дека била под притисок да ги негира своите наводи за сексуално злоставување, изјави синоќа извршниот директор на ВТА Стив Сајмон. – Имајќи ја предвид актуеланата состојба на работите, исто така, сум многу загрижен поради ризикот со кои сите наши играчи и персоналот би можеле да се соочат доколку организираме настани во Кина во 2022 година, додаде првиот човек на ВТА. Каде се наоѓа Пенг Шуаи, една од најголемите кинески спортски ѕвезди, се наметна како прашање во меѓународната јавност, откако пред речиси еден месец тенисерката исчезна по објавата дека поранешен висок функционер на Комунистичката партија на Кина ја присилувал на сексуален однос. Шуаи во меѓувреме се појави во Пекинг и оствари видеоразговор со претседателот на Меѓународниот олимписки комитет Томас Бах, меѓутоа ВТА порача дека тоа не ја решила, ниту пак ја ублажила загриженоста околу нејзината безбедност.

Познати групите на ВТА турнирот во Мексико

Бошко Тасиќ — Wed, 10 Nov 2021 19:42:25 +0000

Финалниот ВТА-турнир оваа година ќе се игра во Мексико, а веќе се познати групите во кои ќе играат по четири тенисерки. Во отсуство на прворангираната светска тенисерка Ешли Барти, прва носителка на турнирот е Арина Сабаленка која важи за фаворит за титулата. Таа се најде во групата „Чичен Ица“ заедно со Марија Сакари, Ига Швјонтек и Паула Бадоса. Во втората група која го носи името „Теотихуакан“ се најдоа Барбора Крејчикова, Каролина Плишкова, Габриње Мугуруза и Ана Контавеј. Групите го носат името според древни мексикански градови. Турнирот ќе се игра од 10 до 17 ноември, а најдобрите две тенисерки во секоја група обезбедуваат место во полуфиналето.

Ешли Барти најдобра на ВТА турнирот во Штудгарт

Бошко Тасиќ — Sun, 25 Apr 2021 22:25:15 +0000

Прворангираната светска тенисерка Ешли Барти освои уште еден трофеј во својата кариера. Барти во финалето на турнирот во Штутгарт славеше над белоруската тенисерка Арина Сабаленка со 2-1 во сетови (3-6, 6-0, 6-3) во меч во кој траеше еден час и 46 минути. Иако го загуби првиот сет, Барти потоа возврати , а во третиот решавачки сет, направи два клучни брејка.