ВТБ лига – Kurir.mk

ГОЛЕМА ЧЕСТ И ПРИЗНАНИЕ: Емил Рајковиќ е тренер на годината во ВТБ лигата

Бошко Тасиќ — Tue, 18 Apr 2023 04:27:48 +0000

Предводникот на ЦСКА Москва, Емил Рајковиќ е прогласен за тренер на годината во ВТБ лигата. Нашиот кошаркарски стратег имаше фантастични резултати со „армејците“, тим со кој постави пет лигашки трофеи што беше повеќе од доволно да го добие признанието за најдобар тренер за натпреварувачката 2023/2024.

-Голема чест е што ја добивам оваа награда. Ама верувам дека овој трофеј не е само за еден човек, туку за целиот тим: играчите, тренерите, персоналот и раководството.Нашиот тим го заслужи ова за одличната кампања, за сите победи и рекорди. Ама нашата најважна цел е пред нас, сите наши мисли се насочени кон наредните натпревари кои се многу поважни, -порача Рајковиќ.

Ненад Димитријевиќ ќе игра на „ол-стар“ мечот во ВТБ-лигата

Бошко Тасиќ — Wed, 25 Jan 2023 07:12:21 +0000

Македонскиот кошаркарски репрезентативец Ненад Димитријевиќ доби големо признание за настапите во Русија и ќе биде дел од „ол-старот“ во тамошната ВТБ-лига. Плејмејкерот имаше одлични партии за Уникс Казан и ќе биде еден од 24-те кошаркари кои ќе играат на настанот. Димитријевиќ е дел од „Њу Скул“ екипата каде играат новајлиите. За Димитријевиќ ова е прва сезона во ВТБ-лигата и затоа признанието добива на тежина. Кошаркарскиот спектакл е закажан на 16 февруари. Се чекаат и имињата на тренерите, еден од можните е Емил Рајковиќ од ЦСКА Москва, македонскиот стратег кој урива рекорди со великанот во кошаркарскиот свет.

Црвена ѕвезда и Партизан немаат покана за настап во ВТБ лигата

Ивона Петрова — Wed, 08 Jun 2022 07:04:23 +0000

Екипите на Црвена ѕвезда и на Партизан сепак немаат добиено покана за настап во ВТБ-лигата, пишуваат руските медиуми. ВТБ е регионална кошаркарска лига во Источна Европа во која играат клубови од Русија, Естонија, Летонија, Литванија и Украина. Претходно српското издание „Mozzart Sport“ објави дека белградските екипи добиле понуда за влез во ВТБ лигата, но се уште немаат донесено одлука за ова прашање. Црвена ѕвезда и Партизан немаат трајна лиценца за настап во Евролигата. Секоја сезона се добива по еден билет преку АБА-лигата. Годинава победник во ова натпреварување е Црвена ѕвезда. Тимот ќе има можност да игра во Евролигата во сезоната 2022/23. Партизан ќе учествува во елитната Евролига само во случај да добие вајлд-карта.

Турските тимови ќе играат во ВТБ лигата?

Бошко Тасиќ — Sun, 03 Apr 2022 06:37:06 +0000

Претседателот на регионалната ВТБ кошаркарска лига, Сергеј Кушченко, открил дека лигата води прелиминарни преговори со странски клубови, кои би можеле да влезат во ова натпреварување од наредната сезона. Откако Русија ја нападна Украина, во знак на протест, ВТБ лигата ја напуштија Калев од Естонија и Зјелона гора од Полска. Оваа сезона ќе ја завршат осум руски екипи и Цмоки од Белорусија и Астана од Казахстан. Според руските медиуми не се исклучува можноста во ВТБ лигата да влезат екипи од Турција. Прашање е само колку најавите се реални, најмногу поради пренатрупаниот календар и напорните патувања, бидејќи сите врвни клубови покрај настапите во европските клубови играат натпревари и во домашните првенства.