втора доза – Kurir.mk

Заев денеска ја прими и втората доза на вакцина против коронавирусот

Магдалена Андонова — Thu, 27 May 2021 11:48:30 +0000

Премиерот Зоран Заев денес ја прими втората доза на вакцината „Синофарм" на вакциналниот пункт во спортската сала „Борис Трајковски", согласно националниот план за имунизација на населението. Премиерот Заев се чувствува одлично и ќе го продолжи работниот ден согласно неговата агенда. Тој ги повикува сите граѓани кои досега не се регистрирале на порталот vakcinacija.mk тоа да го сторат што побргу, сé со цел да постигнеме колективен имунитет и да прогласиме победа врз пандемијата предизвикана од КОВИД-19.

Српската дива ја прими втората доза на вакцина – ниту медицинскиот персонал не ја препозна Цеца во оваа нова трансформација (ФОТО)

Магдалена Андонова — Fri, 14 May 2021 10:37:42 +0000

Фолк-sвездата Светлана Цеца Ражнатовиќ пристигна на саемот во Белград денес околу 12 часот, каде во салата 3 ја прими втората доза на вакцината „Синофарм“, кинески производител. Насмеана и расположена, пејачката ги поздрави собраните медиуми и ја прими втората доза на вакцина за коронавирус. Откако ја напушти кабината, каде разговараше со докторот, Цеца ја спушти завесата и ја зеде со себе на главата. Кога сфати што сторила, се смеела, како и присутните медиуми, кои веднаш го сликале тој момент. По симпатичната „несреќа“, Цеца ја прими вакцината, а на собраните медиуми им рече: -Сметам дека секој совесен граѓанин треба да се вакцинира за да се заштитиме себеси, а потоа своето семејство и луѓето кои не опкружуваат. Со оглед на тоа дека имав корона, како што е познато, имав одредена количина на антитела, па по совет на лекар тоа го направив сега. Мораме да сфатиме, здравствените работници вложуваат огромни напори да се грижат за нашите граѓани и никогаш не смееме да го заборавиме тоа. Мислам дека луѓето треба да се вакцинираат и дека тоа е нивна обврска. Сакам да се вратиме во живот, да одржуваме концерти, да се радуваме и да се гушкаме! Ајде сите да се обидеме тоа да се случи што е можно побрзо - апелираше Цеца.

ПУТИН ЈА ПРИМИ ВТОРАТА ДОЗА ВАКЦИНА: Рускиот претседател е апсолутно сигурен во една работа и веднаш им соопшти на сите

Магдалена Андонова — Wed, 14 Apr 2021 10:42:20 +0000

Рускиот претседател Владимир Путин објави дека ја примил втората доза на вакцина три недели по првата вакцинација. - Сакам да ве известам дека само што ја примив втората вакцина пред да влезам во оваа сала. Се надевам дека сè ќе биде добро. Не се ни надевам, сигурен сум во тоа - рече Путин на состанокот на Руското географско друштво. Претседателот исто така изрази надеж дека „пандемијата ќе заврши наскоро, меѓу другото, благодарение на вакцинацијата што активно се спроведува во земјата“. Првата доза на вакцината Путин ја прими на 23 март, а сè помина пред медиумските камери. Не е откриено која од трите руски вакцини ги примил шефот на руската држава.

Претседателот на Албанија денеска ја прими и втората доза од вакцината на „Фајзер“

Магдалена Андонова — Tue, 02 Feb 2021 16:29:28 +0000

Албанскиот премиер Еди Рама денеска ја прими втората доза од вакцината на “Фајзер” против Ковид – 19 . Тоа е една од 1.170 дози вакцини што доцна синоќа пристигнаа во Тирана од споменатата компанија. Рама најави дека, врз основа на договорот со Фајзер, следната недела во земјата ќе пристигнат уште 10 илјади дози, а до крајот на месецот уште 30 илјади . Тој прв ја прими втората доза, а веднаш по него и Најада Чомо, началник на Инфективната клиника, која, пак, прва ја прими првата доза. Инаку Албанија има договор за набавка на 500 илјади дози вакцина од Фајзер, а како што најави преговараат и со други компании за дополнителни количества. (МИА)

ВИДЕО: Еди Рама ја прими и вотората доза на вакцина против корона вирус

Тале Кристо — Tue, 02 Feb 2021 09:10:35 +0000

Албанскиот премиер, Еди Рама денеска ја прими и втората вакцина против корона вирус. Премиерот на Албанија првата вакцина ја прими меѓу првите кои што се вакцинирале кон средината на месец јануари. Тогаш Рама изјави дека ќе се вакцинира меѓу првите се со цел да ги остстрани сомнежите кај населението околу вакцинацијата против корона вирус. Инаку, во Албанија вакцинацијата започна кон почетокот на месец јануари, а првата доза на вакцини набавена дирекно од производителот Фајзер во Албанија пристигна ноќеска.

СЗО: Вакцината на Модерна во две дози на 28 дена

Тале Кристо — Tue, 26 Jan 2021 14:14:40 +0000

Панел експерти од Светската здравствена организација (СЗО) денеска препорача вакцината против Ковид-19 од американскиот производител Модерна да се дава во две дози во интервал од 28 дена, што во исклучителни околности може да се продолжи на 42 дена. Советодавната група експерти за имунизација на СЗО, позната како САГЕ, советуваше во низа препораки издадени по прегледот на податоците дека вакцината на Модерна не треба да им се дава на бремени жени, освен ако не се здравствени работнички или се изложени на висок ризик од инфекција. Европската унија ја одобри вакцината против коронавирус на Модерна на 6 јануари 2021 година и таа е втора вакцина што се користи во Унијата, по онаа на Фајзер.

Ана Бранбиќ ја прими втората доза од вакцината на „Фајзер“

Магдалена Андонова — Thu, 14 Jan 2021 10:28:52 +0000

Премиерката на Србија, Ана Брнабиќ ја прими денеска и втората доза од вакцината на Фајзер. При ревакцинацијата таа ги повика граѓаните масовно да се приајвуваат за вакцинацијата, пишува А1он.мк „Верувам во вакцинацијата и во нашите институции. Ги повикувам граѓаните да се пријавуваат затоа што со заеднички сили можеме да победиме“ – напиша Брнабиќ на профилите на социјалните мрежи. Ана Брнабиќ првата доза од вакцината ја прими на 24. декември со што стана првиот европски премиер што се вакцинирал.