втора шанса – Kurir.mk

Средните училишта и вонредните ученици заинтересирани за програмата „Втора шанса“

Ивана Ефремовски — Thu, 16 Mar 2023 08:38:31 +0000

Средните стручни училишта од Република Македонија и вонредните ученици се заинтересирани да бидат дел од реализација на пилот мерката „Втора шанса“ во рамки на ИПА проектот „Активација на ранливи групи на пазарот на трудот“ кој го спроведува Агенцијата за вработување и е финансиран од ЕУ. Целна група на пилот мерката „Втора шанса“ се невработени лица кои немат завршено средно стручно образование, односно 3-та година од стручното образование за занимања (тригодишно образование) или 4-та година од техничкото образование (четиригодишно образование) и спаѓаат во ранливите целни групи корисници на гарантирана минимална помош; млади лица до 29 години; Роми; жени; лица со попреченост и долгорочно невработени лица (над 12 месеци во евиденција) кои се заинтересирани да се вклучат во пилот мерката „Втора шанса“. Со комплетирање на средното стручно образование, тие ќе добијат диплома која не ја стекнале додека биле во вклучени во редовно образование. „Сите институции, почнувајќи од Министерството за труд и социјална политика, Министерството за образование и наука, Агенцијата за вработување, Центрите за вработување, Центарот за образование на возрасни, Центарот за средно стручно образование, ЗЕЛС и средните стручни училишта, се вклучени во спроведување на оваа пилот мерка. Со активностите, се зголемува соработката меѓу институциите на системот и се овозможува ефективна реализација на целите. Пријавувањето е во тек и досега има голем интерес од лица кои сакаат да ја искористат шансата и да го завршат своето средно стручно образование. Заинтересираните кандидати потребно е да се пријават во Центрите за вработување на Агенцијата за вработување, каде редовно се евидентираат како невработени лица и при тоа треба да треба да приложат оригинал од Свидетелство за завршена претпоследна година од средното стручно образование“, објаснува Влатко Стојановски, координатор на пилот програмата „Втора шанса“. Според податоците од 2023 година, од вкупно 111.896 невработени лица, 58% се лица без образование и со основно образование, а 9% се со непотполно средно образование. Цо цел директно да се презентираат можностите преку мерката „Втора шанса“, Агенцијата за вработување организираше 8 регионални средби низ целата држава на кои присуствуваа сите средни стручни училишта. Агенцијата за вработување, веќе трета година, го спроведува ИПА проектот “Активација на ранливи групи на пазарот на трудот”, за кој 3.00.000 евра се обезбедени од страна на Европската Унија, 350.000 евра се од национално кофинансирање и 841.000 евра од Буџетот на Агенцијата за вработување. Општа цел на проектот е да се намали долгорочната невработеност со вклучување во невработените лица од ранливите категории во специјализирани програми и услуги за развој на вештини барани на пазарот на трудот.

Тие не се откажуваат: Хороскопски знаци кои секогаш даваат втора шанса во љубовта

Ивана Ефремовски — Sat, 12 Feb 2022 08:25:51 +0000

Речиси на сите во животот ни се случува барем една љубов на која ѝ даваме втора, трета или бесконечно многу шанси. Сепак, припадниците на знаците Рак, Риби, Бик и Вага се вистински шампиони во овој поглед. Тие ретко ги бришат телефонските броеви на поранешните партнери, се надеваат и често ги обновуваат емоциите, особено во напливот што се случува кога ќе се сретнат. Мислат дека ако дадат уште една шанса, можеби нешто ќе се смени. Некогаш се во право, но некогаш само повторуваат грешка која ги повредува нивните суети, но и емоции. Погледнете на кој начин овие четири хороскопски знаци ја манифестираат оваа особина, понекогаш поради носталгија, но често и поради ненадминати чувства.

Рак и Риби

Заедничко за овие два знака, кога се во прашање старите љубови, е што често дозволуваат носталгијата да владее со нив, особено кога ќе чујат некоја специфична песна, ќе посетат заедничко место, ќе помирисаат одреден парфем… Сите овие нешта може да ги потсетат на среќните денови со бившиот партнер и да добијат желба да му се јават и да се обидат да го обноват она што го имале, заборавајќи дека завршило со причина. Сакаат да бидат во својата безбедна зона, иако во неа не секогаш е идеално. Доколку се пронајдовте во описот, потрудете се да не им дозволите на емоциите да управуваат со вашиот разум, бидејќи сигурно не би сакале повторно да бидете повредени како што бевте претходниот пат.

Бик и Вага

Припадниците на овие знаци исто така не сакаат да ја напуштаат својата безбедна зона, но за разлика од Ракот и Рибите, паѓаат на романтика, а помалку на носталгија. Веруваат во сродна душа и простуваат многу повеќе отколку што треба, дури и кога биле навистина повредени. Она што ги враќа кај поранешните партнери е идеализирањето на љубовта која ја имале и преувеличување на емоциите кои се појавуваат при случајната средба. Затоа, не дозволувајте ваквиот наплив на емоции да ви го „помати“ умот и да мислите дека вашето единствено засолниште е токму она од кое, всушност, треба да бегате што подалеку.

Дајте му втора шанса, ако првиот с*кс не е добар

Ристе Здравков — Sat, 16 Oct 2021 06:04:43 +0000

Жени, дознајте зошто мажите понекогаш потфрлуваат и затоа не осудувајте ги веднаш. Сепак, за сексот не постои онаа добро познатата- нема втора шанса за прв впечаток. Машкиот лош мозок Мажите сакаат да остават силен прв впечаток, посебно кога сексот е во прашање. Но, во сексот важна улога игра психологијата, па често умеат сами себе да се избезумат и да се убијат во поим. Се обидуваат да не упропастат некој момент. А, тогаш нормално го упропастуваат со самото размислување. Недостиг на вежби Можно е мажот да не е во форма, ако не бил со девојката некое време. Но, тоа не е лошо. Знаете ли кој е одличен првиот пат? Мажите кои постојано ставаат цртки и не се баш прибирливи во изборот на девојка со која тоа го прават. Таквиот е супер за комбинација, но не ако и нешто ви значи. Пијалок Премногу испиени чаши од било што се гаранција за исплашен и мек пенис. Веројатно тоа понекогаш ви се случило, така што ова и не е некое преголемо изненадување. Виновен е кондомот Ако мажот завршил една врска во која девојката користела пилули (или не користела заштита) можеби ќе му биде тешко да се врати на кондоми. Но, кога ќе ја поврати контролата на кондомот, сексот може да биде неспоредливо подобар. Непозната територија Во ситуации кога допрва го открива вашето тело, мажите лесно може да се случи да го изгуби ритамот. Ќе му биде потребно некое време да го пронајде прекинувачот за вклучување како и истражување на некои деликатни перформанси. Не е лесно да и се каже на девојката дека направила нешто поради што пенисот постанува мек. Премногу е рано Не му поаѓа на секое момче од рака да ја одведе својата девојка со која излегува во кревет така брзо, колку што допуштаат законите на физиката. Понекогаш ако се впуштате во секс прерано, ситуацијата може да постане едноставно непријатна. Таа паника стапува на сцена, а добриот секс не сака паника.

Овие хороскопски знаци секогаш им даваат втора шанса на своите бивши

Ристе Здравков — Sat, 14 Jul 2018 17:11:46 +0000

Можеби ги излажавте своите најдобри пријатели дека го избришавте бројот од својот бивши дечко или девојка, но тоа е далеку од вистината. Ако сте претставник на некој од овие хороскопски знаци, вие давате втора шанса (а понекогаш и трета) на своите поранешни љубови. Рак и Риби Родените во овие знаци се многу чувствителни личности кои често дозволуваат носталгијата да предвладее со нивните чувства. Филм, песна, серија – било што може да ги потсети на нивните бивши. Тие сакаат да останат во сигурна зона и постојано да се враќаат кај нив. Иако можеби е тешко и неизводливо, внимавајте колку и какви шанси им давате на своите бивши. Тие често се свесни за вашата огромна чувствителност и затоа и се обидуваат да го искористат тоа. Не дозволувајте да бидете повредени. Бик и Вага Родените во овие знаци ја сакаат романтиката, а не носталгијата. Тие сакаат да веруваат дека постои сродна душа и често се во состојба со розови наочари да гледаат на своите бивши. Затоа, им простуваат за се што направиле. Не дозволувајте да ве обземат ваквите емоции и да дозволувате да се враќате на истите луѓе кои ве повредиле.